السؤال ده سألته قبل كدة بس للأسف ماكانش فى رد...

[Ahmad Shaltout]

السؤال ده سألته قبل كدة بس للأسف ماكانش فى رد واضح.
انا خلصت فترة الاحتياط وباسبورى مكتوب فيه "فى سن التجنيد"
الاجراء الطبيعى انى بغير الباسبور ومعايا اصل شهادة الخدمة بس مش هلحق
انا داخل مصر كام يوم وطالع تانى
السؤال هل ينفع اسافر بشهادة تأدية الخدمة اللى مكتوب فيها نهاية فترة الاحتياط؟ ولا ايه الإجراء المفروض اعمله؟

 

[Islam Elgbaly]

بطلع تصريح سفر من منطقة التجنيد التابع ليها

 

[Mohamed EL Sanhoury]

الاجراء الطبيعي و الا حيترخم عليك

 

[Ahmed E. Fahid]

اه بتسافر بيها أصل وصورة بياخد الصورة ويشوف الأصل ومافيش مشكلة

 

[Hossam Ali]

متابع

 

[Mohamed Goudaa]

انا كنت نفس حالتك بالظبط.
خلصت فترة الاحتياط و مكسل اغير الباسبور اللي لسه فاضل فيه ورق كتير.
كنت باخد معايا اصل الشهادة و صور.
عند مراجعة الجوازات كان بيطلب الاصل يطلع عليه و ياخد صورة يخليها عنده.
فضلت كده حوالي سنة و نص او سنتين لحد ما روحت و غيرت الباسبور

 

[Ahmed Shawky Al Rakhawy]

انا خلصت فترة الاحتياط
الشهادة بتطلع منين ؟
هل من السجلات العسكرية ولا منطقة التجنيد (طنطا في حالتي) ولا من التجنيد اللي في الحلمية؟

 

[Ahmed Abdel-Moniem]

لازم تصريح سفر ، مش حتعرف تسافر من غيره لو باسبورك فيه في سن التجنيد ،
تصريح السفر بتجيبه من منطقة تجنيدك اللي شغاله في اي وقت ، و بيدوهولاك لمدة اسبوعين.
او في حالة الطوارئ و لو عاوزه بسرعه ممكن تجيب تصريح سفر ب ٢٤ ساعه من الادارة المركزيه في حلمية الزيتون، بس لو رحت خلمية الزيتون ، اكد عليهم حتسافر في تاريخ كام ، لأن لو عدي علي التصريح ساعه واحده بعد ال ٢٤ ساعة مش حتعرف تسافر