I
Ismail Almaz
:: مسافر ::
بولندا : طيران حوالي 4000 جنية .. هوستل الليلة ب 100 جنية ..قولي كمان الف يعني 5000 جنية ..الاكل حيكلفك تقريبا زي مصر ...المواصلات الترام ب 12 جنية المرة ...المدينة صغيرة ومش حتركبي كتير ...زيارة لمدينة الجبال القريبة مني حتكلف حوالي 500 جنية و كام زيارة حوالينا كده قولي الف جنية كمان وحنا قولنا الاكل زي مصر ..خليني اقول لو كلتي مش في مطاعم ممكن اقللك نفقات الاكل توصل 500 جنية في الاسبوع ..نت ممكن تسافري بولندا اسبوع واكتر ب يادوب 7000 جنية
A
Amena Sharaf
:: مسافر ::
أنا سافرت أسبانيا السنة إللي فاتت ورحت مدينتين في ١٠ أيام بحوالي ٧٠٠٠ جنيه شاكب راكب، ومن سنين سافرت إيطاليا بمبلغ مشابه كان قبل التعويم طبعا بس لو دبلرنا المبلغ حيبقى ١٤,٠٠٠ يعني برضه في مقدورك، أهم حاجة تخطتي الرحلة كويس جدا وتركزي قوي في ميعاد الطيارة، يعني ممكن نفس التذكرة من اليوم للتاني تفرق ألفين جنيه. الفندق مش حيفيدك في حاجة، إختاري مكان رخيص موقعه مركزي وتقدري تمشي منه لأهم الأماكن أو لمحطة رئيسية.
أعتقد شرق آسيا حيبقى صعب شوية عشان البلد بتبقى رخيصة جدا لكن الطيران لهناك فعلا مكلف، يعني أنا رحت ماليزيا أول أغسطس، تذكرة الطيران كانت بحوالي ١٥,٠٠٠، وهي لما تبقى رخيصة مش حتقل عن ٩٠٠٠.
تونس لطيفة، طيرانها مش غالي والفيزا ب٨٠٠ جنيه، لبنان غالية بس طيرانها مش غالي خالص وفيزتها رخيصة برضه، مش فاكرة كان بالظبط بس حوالي ٥٠٠ جنيه.
أنا بحب الأردن بشكل هستيري، هي غالية شوية بس طيرانها رخيص وملهاش فيزا. بس معظم الناس مابتتبسطش هناك قوي، فمش قادرة أقول لك بقلب روحي.
بشكل عام بقى، الڤيز معظمها لو أوراقك كاملة حتتقبل، خاصة إنك بنت. الإقامة لما تبقى رخيصة حتى لو المكان مبهدل ومش متريش حيريحك قوي في بقية الرحلة، المهم الموقع والأمان. انسي التكاسي خالص، أنا شخصيا بركب مواصلات في كل مكان بسافره حتى لو التاكسي رخيص عشان مهما كان رخيص عمره ما حيكون أرخص من المواصلات. ممكن تاخدي معاكي أكل من هنا للفطار أو للعشاء، وممكن وأنت هناك بدل ما كل وجباتك تبقى من برة تروحي السوبر ماركت تشتري عيش وجبنة أو عيش ولانشون. معاد حجز الطيارة حيفرق في سعرها فرق السماء والأرض، دوري عالمواعيد الرخيصة. سافري وانبسطي.
أعتقد شرق آسيا حيبقى صعب شوية عشان البلد بتبقى رخيصة جدا لكن الطيران لهناك فعلا مكلف، يعني أنا رحت ماليزيا أول أغسطس، تذكرة الطيران كانت بحوالي ١٥,٠٠٠، وهي لما تبقى رخيصة مش حتقل عن ٩٠٠٠.
تونس لطيفة، طيرانها مش غالي والفيزا ب٨٠٠ جنيه، لبنان غالية بس طيرانها مش غالي خالص وفيزتها رخيصة برضه، مش فاكرة كان بالظبط بس حوالي ٥٠٠ جنيه.
أنا بحب الأردن بشكل هستيري، هي غالية شوية بس طيرانها رخيص وملهاش فيزا. بس معظم الناس مابتتبسطش هناك قوي، فمش قادرة أقول لك بقلب روحي.
بشكل عام بقى، الڤيز معظمها لو أوراقك كاملة حتتقبل، خاصة إنك بنت. الإقامة لما تبقى رخيصة حتى لو المكان مبهدل ومش متريش حيريحك قوي في بقية الرحلة، المهم الموقع والأمان. انسي التكاسي خالص، أنا شخصيا بركب مواصلات في كل مكان بسافره حتى لو التاكسي رخيص عشان مهما كان رخيص عمره ما حيكون أرخص من المواصلات. ممكن تاخدي معاكي أكل من هنا للفطار أو للعشاء، وممكن وأنت هناك بدل ما كل وجباتك تبقى من برة تروحي السوبر ماركت تشتري عيش وجبنة أو عيش ولانشون. معاد حجز الطيارة حيفرق في سعرها فرق السماء والأرض، دوري عالمواعيد الرخيصة. سافري وانبسطي.