A
Akram Essam Mohamed
:: مسافر ::
صباح الخير، انا كنت حطيت بوست من حوالى ٥ ساعات يعنى كانت الساعه ١٢ مثلا بتوقيت مصر و ٥ فجرا بتوقيت المكان اللى انا فيه حاليا! حطيت البوست و نمت عشان اصحى أتفاجئ بتعليقات من نوعيه(هو مبيردش البيه ليه///فيه ناس مريضه كده بتحب تعمل شو///ده واحد داخل يهزر و مبيردش) الطبيعى ان فى صفحه كبيره زى دى ان الادمن عليه ضغط كبير فى البوستات اللى بتنزل و طبيعى انك لما تعمل بوست بتدى وقت للادمن ينشره حسب القواعد المتبعة بعد المراجعه و حسب load البوستات عنده! و طبيعى انى مبقاش قاعد مستنىً و موقف يومى ع البوست انه ينزل و بعد ما ينزل بتبدأ ترد و تساعد الناس باللى تقدر عليه...الخلاصه ان يا جماعه نحاول نراعى بعض و نستوعب بالشكل الكافى اننا هنا بنساعد بعض و مفيش حد هيحب انه يشوف اى عضو محترم هنا بيسمع كلام غير محترم بدون سبب!! كلنا هنا بنستفيد من بعض سواء لما بنسأل او حتى لما بتقرأ بوست انت مسألتوش و خدت منه معلومه جديده ف ياريت نحافظ ع الجروب و قيمته اللى كبيره بأعضائه المحترمين....اخيراً البوست كان عن فيزا شنجن و اللى عنده اسئله ان شاء الله نقدر نفيد و ربنا يجعلنا سبب فى مساعده الخير للجميع .
