سلام عليكم : لو سمحتم انا عندى مشكله ممكن حد...

[Hassan Elsaied]

سلام عليكم : لو سمحتم انا عندى مشكله ممكن حد يقولى الحل فيها ايه ؟ انا روحت اجيب شهادة التحركات من مجمع التحرير عشان اقدمها لالمانيا اول مره اطلب شنجن فعلا قدمت الاوراق وبعد اسبوع لاقيتهم كاتبنلى فى شهادة التحركات دول انا مسفرتهاش خالص منها فرنسا وكمان جايبين مش كاتبين تايلاند وانا سافرتها. رجعت تانى المجمع اكلمهم هناك قالولى هو ده السيستم الى قدامنا تلاقيك روحت هنا ترانزيت وانا مرحتش خالص الاماكن دى . هل حصلت لحد قبل وممكن يقولنا ايه الحل ؟؟ وهل لو مغيرتهاش تأثر على الفيزا اللى عايز اجيبها. ارجوا الاهتمام والرد وشكرا مقدما

 

[Mostafa Abd El Magid]

حصلتلي قبل كده وانا بقدم المانيا وكان مكتوب في شهادة التحركات السعودية وانا مرحتهاش وقدمتها عادي للسفارة ومفهاش مشكلة

 

[Ahmed Hasan]

لازم ترجع و تعدل غلطاتهم

 

[Sherif Fikry]

مصلحة فرنسا احسن لك من تايلاند و تدعم موقفك أكتر
الغلطة دى فى مصلحتك

 

[Noha Said Moawed]

لا طبعا لازم كل حاجة تتكتب واللي مرحتوش لازم يتلغي لانهم بيسألوا خصوصا لو مكتوب انك اخدت الشنجن قبل كده هيدوروا وراك المانيا وهولندا بيهتموا جدا لازم تتعدل للاسف

 

[Mohamed Farid Mohamed Massoud]

اعتقد مافيش مشكله

 

[Hani Dawah]

ده الطبيعي وهتلاقي ناس هناك كثير نفس الحالة.

حصل معايا من شهر أنا و 2 زمايلي كنت مقدم النمسا ورجعت المجمع عدلتها في نفس اليوم لكن بتستلمها الساعة 2
عدلهم الأخطاء على الورقة بشكل واضح لأن فيه ناس بردو جهم يعدلوا اخطاء جهلهم بأخطاء ثانية.

 

[Mohamed Badawy]

عادي جدا ومفيش مشكلة بس لو مكتوب قيد دولة من دول الاتحاد الأوروبي معنى الكلام ده أنك دخلت بشنجن قبل كدة

 

[Mohamed Badawy]

في واحد هناك في المجمع اسمه راضي اسأل عليه هيخلص لك كل حاجة هو مخلصاتي

 

[Ayman Almuslim]

حصلت معي برده تقديم لألمانيا اول شنجن
وكانوا كاتبين تركيا وانا مرحتهاش
النقطة عندك انهم كاتبين دولة شنجن
حاول تغيرها

 

[Hassan Elsaied]

Mohamed Elkhamesy

 

[Bob Amin]

هما مكتبوش أني رحت ماليزيا
هما كتبوا الترانزيت بتاعي
اللي هو السعوديه ولما سالت قالي هي بتطلع ع مكان الترانزيت هو ده كده صح ؟

 

[Ahmad Hanaey]

هم عارفين اكتر منك

 

[Ahmed Elbasha]

انت هتعرف اكتر من الحكومة ؟؟؟؟؟

 

[Ahmed Elbarawi]

بتحصل كثير وقدم الورقه اللى معاك واستمر فى هدفك

 

[Karam Youssef-a]

حصلت معايا ،
وقلولهم انا سافرت قبل كدة ودة مش مكنوب فى الشهادة ودخلت على الظابط اشتكتلة ،
قالى هات البسبور بتاعك واحنا نشوف الفيز والتواريخ ونطلعلك شهادة تانية فيها السفر بتاعك ،
يعنى خد البسبور بتاعك والشهادة القديمة ورحلهم وهما هيعملولك وحدة جديدة ،
بس لازمز البسبور مش صورتة ،
بالنسبة لتاثيرها على التاشيرة الى عايز تاخدها اعتقد انها هتئثر

 

[Ahmed Mohab]

أيوه إنت رحت إشعرفك إنت

 

[Mohamed Hussain]

لا تجادل يا اخ علي :-D
علي فكرة ممكن تكون في مصلحتك بس المشكله ان جوازك مش فيه فيزافرنسا اصلا

 

[Emad Aziz]

هاتفهم اكثر من الحكومه يعني ... لا تجادل ولا تناقش

 

[Mohamed Zaki]

اعمل واحده جديدة ولو معادك في السفارة قرب قدم اللي فيها غلطة لغاية ما تظهر الجديدة طبعا مع التأكيد مع الاخ راضي المخلصاتي انه متتكتبش مره تاني سفرية فرنسا الوهمية ......... لو مشيت اللي قدمتها خير وبركة لو طلبو بيانات سفرك لفرنسا قولهم انك مسافرتش وانك بتعمل وأحده جديده