A
Ahmad Wadan
:: مسافر ::
بصراحة مش عارف أبدأ منين عن قصتي مع البوسنة...
البوسنة من الوجهات السياحية الخلابة لمحبي الطبيعة ويشهد لها الكثير بأن أهلها طيبون ومحبون للأجانب عشان كده حبيت أزورها ولي في ذلك مآرب أخرى!
طيب وفين المشكلة؟
أقولك يا سيدي:
الجزء الأول:
المكان: سفارة البوسنة في الكويت
الزمان: 31 يوليو 2017
الحدث: تقديم أبلكيشن للفيزا مرفق بها كل الأوراق المطلوبة
موظفة السفارة (عربية): هنحتاج كمان ورقتين منفصلتين من الفندق واحدة فيها ما يفيد تأكيد الحجز وورقة تانية عبارة عن إيصال بدفع مدة الإقامة في الفندق ولازم الورقتين يبقوا أصل موقعين ومختومين من الفندق ومبعوتين بال DHL. كمان الورق يبقى كامل قبل 30 يوم من السفر.
سامعك ياللي هناك ياللي عايز تقول كلام أبيح
أنا: أوكي
وبالفعل عملت كل حاجة وكل حجوزاتي كانت مدفوعة ومؤكدة حسب التعليمات وقدمت الورق في الوقت المطلوب وزيادة.
جبتلهم حجز الفندق من البوسنة بمساعدة إنسان مصري شهم كتر خيره وبعد مرور 25 يوم لا حس ولا خبر. المهم، رحت الأربعاء الماضي أسأل وأقولهم إن سفري يوم 11 سبتمبر 2 ونص صباحا [يعني بعد ساعة ونصف من دلوقت]، قالولي طيب سيب اسمك وتليفونك وهنتصل بك. طبعا ماتصلوش. كنت عندهم اليوم لأن دوامهم من الأحد إلى الأربعاء قالولي طيب سيب اسمك وتليفونك لأن القنصل لسة ماجاش. قلتلهم أوكي بس يا ريت مش زي المرة اللي فاتت!
اتصلوا بي فعلا وقالولي للأسف الموافقة الأمنية بتاعتك لسة ماوصلتش من الخارجية في البوسنة واليوم الأحد أجازة هناك.
أنا: موافقة أمنية؟! دي الطيارة بالليل!
هي: أيوا لازم موافقة أمنية من الخارجية في البوسنة.
أنا بكلم نفسي: موافقة أمنية لمواطن مصري في الكويت؟! دي أمريكا ماعملتهاش معايا!
المعلومات اللي جاية عبارة عن إجابات لأسئلة هتدور في دماغ كتير اعتقادا منهم إن جوازي ممكن يكون أبيض أو مهنتي ماعجبتهمش في السفارة:
التأشيرات اللي على الجواز:
- أسبانيا
- فرنسا
- النمسا
- تايلاند
- سلطنة عمان
- السعودية
الفيز السارية:
- أمريكا
- إقامة في الكويت
المهنة: مدير
الدول اللي سافرتها: حوالي 26 معظمها في أوروبا
س: يعني حجز الطيران والفندق بح؟
ج: أيوا، بس وإن كان ده أكيد يضايق إلا إن اللي مضايقني أكتر فعلا هو سلوك موظفي السفارة.
طيب إنت كقاريء للبوست ممكن تستفيد إيه؟
1. مافيش شيء مضمون في الحياة وإن ملكت كل الأسباب.
2. لما تحجز طيران ✈ زود شوية وخليه مسترد عند الإلغاء.
3. قولي حضرتك أي حاجة تانية استفدتها.
إلى اللقاء مع النهاية لما أستلم الجواز وأقولكم مع الفيزا ولا بدون الفيزا.
شايفك ياللي هناك بتقول: أكبر غلطان، كنت خدت جوازك و#*%@ في وشهم ومشيت
آسف على الإطالة
تحديث بتاريخ 11/9/2017 الساعة 1 ظهرا بتوقيت الكويت: كلمت الفندق وقالي مافيش مشكلة هنديك نفس الليالي بدون زيادة في السعر بس لما تاخد الفيزا بلغنا بالوقت.
البوسنة من الوجهات السياحية الخلابة لمحبي الطبيعة ويشهد لها الكثير بأن أهلها طيبون ومحبون للأجانب عشان كده حبيت أزورها ولي في ذلك مآرب أخرى!
طيب وفين المشكلة؟
أقولك يا سيدي:
الجزء الأول:
المكان: سفارة البوسنة في الكويت
الزمان: 31 يوليو 2017
الحدث: تقديم أبلكيشن للفيزا مرفق بها كل الأوراق المطلوبة
موظفة السفارة (عربية): هنحتاج كمان ورقتين منفصلتين من الفندق واحدة فيها ما يفيد تأكيد الحجز وورقة تانية عبارة عن إيصال بدفع مدة الإقامة في الفندق ولازم الورقتين يبقوا أصل موقعين ومختومين من الفندق ومبعوتين بال DHL. كمان الورق يبقى كامل قبل 30 يوم من السفر.
سامعك ياللي هناك ياللي عايز تقول كلام أبيح
أنا: أوكي
وبالفعل عملت كل حاجة وكل حجوزاتي كانت مدفوعة ومؤكدة حسب التعليمات وقدمت الورق في الوقت المطلوب وزيادة.
جبتلهم حجز الفندق من البوسنة بمساعدة إنسان مصري شهم كتر خيره وبعد مرور 25 يوم لا حس ولا خبر. المهم، رحت الأربعاء الماضي أسأل وأقولهم إن سفري يوم 11 سبتمبر 2 ونص صباحا [يعني بعد ساعة ونصف من دلوقت]، قالولي طيب سيب اسمك وتليفونك وهنتصل بك. طبعا ماتصلوش. كنت عندهم اليوم لأن دوامهم من الأحد إلى الأربعاء قالولي طيب سيب اسمك وتليفونك لأن القنصل لسة ماجاش. قلتلهم أوكي بس يا ريت مش زي المرة اللي فاتت!
اتصلوا بي فعلا وقالولي للأسف الموافقة الأمنية بتاعتك لسة ماوصلتش من الخارجية في البوسنة واليوم الأحد أجازة هناك.
أنا: موافقة أمنية؟! دي الطيارة بالليل!
هي: أيوا لازم موافقة أمنية من الخارجية في البوسنة.
أنا بكلم نفسي: موافقة أمنية لمواطن مصري في الكويت؟! دي أمريكا ماعملتهاش معايا!
المعلومات اللي جاية عبارة عن إجابات لأسئلة هتدور في دماغ كتير اعتقادا منهم إن جوازي ممكن يكون أبيض أو مهنتي ماعجبتهمش في السفارة:
التأشيرات اللي على الجواز:
- أسبانيا
- فرنسا
- النمسا
- تايلاند
- سلطنة عمان
- السعودية
الفيز السارية:
- أمريكا
- إقامة في الكويت
المهنة: مدير
الدول اللي سافرتها: حوالي 26 معظمها في أوروبا
س: يعني حجز الطيران والفندق بح؟
ج: أيوا، بس وإن كان ده أكيد يضايق إلا إن اللي مضايقني أكتر فعلا هو سلوك موظفي السفارة.
طيب إنت كقاريء للبوست ممكن تستفيد إيه؟
1. مافيش شيء مضمون في الحياة وإن ملكت كل الأسباب.
2. لما تحجز طيران ✈ زود شوية وخليه مسترد عند الإلغاء.
3. قولي حضرتك أي حاجة تانية استفدتها.
إلى اللقاء مع النهاية لما أستلم الجواز وأقولكم مع الفيزا ولا بدون الفيزا.
شايفك ياللي هناك بتقول: أكبر غلطان، كنت خدت جوازك و#*%@ في وشهم ومشيت
آسف على الإطالة
تحديث بتاريخ 11/9/2017 الساعة 1 ظهرا بتوقيت الكويت: كلمت الفندق وقالي مافيش مشكلة هنديك نفس الليالي بدون زيادة في السعر بس لما تاخد الفيزا بلغنا بالوقت.