بصي حضرتك خلينا نتفق ان لو بتسافري عموما مافيش مانع تشتركي في انظمة الشركات اللي بتطيري عليها او محتمل تطيري عليها الاشتراك مابياخدش دقايق وبيجيلك عالايميل رقم العضوية وبيجيلك الكارت علي عنوانك بعدها بفتره والاهم الرقم كل ماتيجي تركبي الطياره وقت التشيك ان تديلهم الرقم
مبدئيا المميزات لاي عضوية بتكون متشابه المرحلة الاولانيه مابتديش اي حاجة المرحله التانيه بتبدي من بعد ٣٠ الف نقطة او ميل
وعادة بتكون الفئة الفضيه ودي بتبتدي انها تدي قطعة زيادة في الشنط
المرحلة التالته بتكون الجولد
وبتدي قطعه زياده ودخول للاستراحة في المطار او ال lounge
ودي مهمة جدا هيا والشنطه بينفعو جدا
ودي غالبا من بعد ٩٠ الف
في بعض الشركات بتدي free upgrade
للراكب الجولد وتخليه بزنس
كل مابتحوشي نقط او اميال تقدري تستبدليها بهدايا او تذاكر طيران بيكون كل شركة عندها كتالوج بالحاجات دي
يفضل تعملي الاشتراك وتحاولي توصلي لمرحلة الجولد هتستفيدي كتير
في ميزة مهمة ان الخطوط التركيه ضمن اكبر تحالف طيران
يعني فرصة انك تجمعي نقط من طيرانك مع الحلفاء كويسة وبنفس الوقت تستفيدي بكل المميزات مع الشركات دي منها مصر للطيران لوفتهانزا السنغافورية وشركات كتير جدا
