E
Emy Shefo
:: مسافر ::
السلام عليكم
حابة اكلمكم عن جورجيا وعن جمالها وهكتبلكم ريفيو عن كل الي شوفته هناك انا قعدت حوالي ١٠ ايام مكنتش اعرف كتير عنها قبل ماروح ولما رحت وقضيت اجازتي هناك انا وعيلتي بجد ربنا وهب البلد دي جمال وطبيعة ساحرة تخليك دايما تقول سبحان الخالق قادر على كل شيء
هحاول اكتب كل التفاصيل بالصور علشان الي حابب يروح
اولا ..... اختارنا باتومي ننزل فيها حجزنا شقة من بوكينج اسعار الشقق مش غالية اوي متوسطة تقريبا ١٤٠ريال سعودي الليله وشايفه البحر وفي ارخص وفي اغلى على حسب عدد الغرف والمكان
اول واحدة نزلنا فيها اسمها loura صاحبتها اسمها ناتالي الشقة حلوة غرفتين لكن ضيقه مع انها تظهر في الصور واسعه
ونزلنا في شقة تانية في برج اسمه يالشن جروب yalcin حلوة جدا جدا ونضيفة اوي بس اغلى من الاولى كانت ب٢٤٠ ريال سعودي دي كمان كانت شايفه البحر
رحنا عرض الدولفين التيكيت الواحدة ١٥ لاري (عملة جورجيا ) تقريبا٢٧ريال سعودي
و جنب الدولفين في جنينة حيوانات صغيرة بتتمشو فيها
وبحيرة حلوة جدا و في الاكواريوم بس مدخلناش
أما الي يجنن بجد هو التليفريك المنظر من فوق خيال التيكيت الواحدة ١٥ لاري وفي كافيهات حلوة عالجبل وبترجع تاني بالتليفريك
المواصلات سهله جدا ورخيصة التاكسي في باتومي ب٥ لاري و ١٠ لاري وبتفاصل معاهم لان اكتر من مرة كان هيتضحك علينا
بالنسبة الاكل في مطاعم حلال افضلهم karabak تركي واسعار الاكل عموما حلوة
و رحنا مطعم هندي اسمه Indian garden حلال برضو
وشارع البوليفارد عالبحر يجنن أجرنا بيتش باجي وبايسكل
وفي شلال باتومي حلو اوي كمان وممكن تاخدو boat هناك
ثانيا.... اخدنا تاكسي ل٥ أفراد من باتومي يودينا تبليسي العاصمة اخد ٢٥٠ لاري المسافة ٦ ساعات تقريبا السواق كان جروجي مسلم مش بيتكلم انجلش وكلهم كدا بس كنا بنترجم له عالموبايل أو بالاشارة وقفنا في مطعم عالطريق بين باتومي وتبليسي أكله حلو جدا اسمه goda restaurant مطعم تركي حلال طبعا
وصلنا تبليسي كنا حاجزين من على بوكينج برضو الشقه كانت حلوة اوي اغلى شوية من باتومي
في شارع هناك اسمه شارع العرب في مطاعم كتير اوي مصري اسمه خان الخليلي
ومطاعم مغربي ويمني وتركي دخلنا مطعم اسمه Ankara restaurant حلو اوي اكله
و اخدنا تاكسي يقضي معانا اليوم تبع شركة سياحة عربية كبيرة ل٥ أشخاص من ١٠ صباحا ل٨ باليل اخد ٨٠ لاري كان سواق جورجي وقال لو سواق عربي ١٠٠ لاري
بس كان سواق محترم جدا ومريح وبيتكلم انجلش
اتفقنا معاه نروح جبال القوقاز
وفي الطريق وقفنا على بحيرة اسمها جيافري أو جيفالي بينطقوها الاتنين
قعدنا شوية
وبعدين رحنا على ananuri كنيسة عالجبل
و بعدين جبال القوقاز خيال مش طبيعي جمالها جوزي جرب الباراشوت فيها عجبه جدا واحنا راجعين في الطريق وقفنا في مطعم عالنهر مش حلال بس اخدنا سمك مشوي كان حلو اوي
وفي كمان تليفريك تبيليسي حلو جدا وبتطلع عالجبل كافيهات كتير وتمثال الام جورجيا كان التيكيت بتاعه ٥ لاري لان رحلته اقصر من بتاع باتومي
ثالثا...... اخدنا تاكسي من تبليسي ل كوتايسي قعدنا ليلة الشقة مكنتش حلوة ضيقه جدا بس كانت عالنهر كانت ب٦٠ لاري الليله
رحنا مطعم اسمه Istanbul restaurant حلال متوسط مش اوي
رحنا كمان مغارة sataplia تجنن رهيبة كانت ب١٥ لاري التيكيت تقريبا
رحنا كمان كهف اسمه prometheus حلو اوي بس التيكيت ب٢٠ لاري
رابعا ..... رحنا على مارتفيلي فيها الشلال رهيب بجد منظر خيال وكان جنبه مطعم فرنسي اسمه ،bon petite مش حلال بس أكلنا بيتزا بالخضار و خشبوري دي اكله جورجيه مشهورة عندهم عبارة عن عيش و محشي جبنه
خامسا .... رجعنا على باتومي قضينا اليوم في البحر و رحنا مول باتومي و سوق شعبي مش فاكرة اسمه بالظبط
الناس هناك طيبين اوي وبيحبو يساعدوا وبيفهمو
ياريت تنتبهو لموضوع الاكل لان اشتريت كيك جاهز لبنتي وبعد مارجعت البيت لقيت فيه كحول نسيت خالص أسأل مع اني بدقق على كل شي قبل ماشتري بس المشكلة بنتي شبطت فيها ومكنتش مركزة
يارب اكون افادتكم
#تعديل
نسيت اقولكم أنه في تلفريك ب١ لاري في توكايسي بس هو. زى وسيلة مواصلات مش اكتر بيوصل لمدينة ملاهي اطفال عالجبل
في حاجه كمان مهمه احنا مكناش تبع شركة سياحه كنا مع نفسنا بحثنا كتير وعرفنا كل التفاصيل قبل السفر
حاولوا تكونو مع نفسكم بس حجز الفندق يفضل من موقع معروف زي بوكينج عشان يحميك بس مش اكتر
انا قابلت ناس من الخليج هناك قالو طالعين تبع شركة سياحه ب١٠ آلاف ريال للفرد وبقالهم اسبوع مرحوش غير مكانين فقط ف محبتش اعكننهم واقولهم انا بقالي اسبوع وكل يوم في مكان مختلف
في حاجه كمان احنا لما وصلنا باتومى صاحبة الشقة بعتت لبوكينج أن الحجز بتاعنا اتلغى مع أننا موجودين في الشقة اتصلوا بينا في بوكينج يتأكدوا قولنا لهم احنا موجودين الحجز متلغاش ولا حاجه
نفس الشي لما وصلنا تبليسي صاحب الشقه قالنا إلغو الحجز من على بوكينج وانا هعملكم تخفيض لان بوكينج بياخد ٣٠٪ احنا رفضنا طبعا للحرمانيه بغض النظر عن أن بوكينج نسبته عاليه
حابة اكلمكم عن جورجيا وعن جمالها وهكتبلكم ريفيو عن كل الي شوفته هناك انا قعدت حوالي ١٠ ايام مكنتش اعرف كتير عنها قبل ماروح ولما رحت وقضيت اجازتي هناك انا وعيلتي بجد ربنا وهب البلد دي جمال وطبيعة ساحرة تخليك دايما تقول سبحان الخالق قادر على كل شيء
هحاول اكتب كل التفاصيل بالصور علشان الي حابب يروح
اولا ..... اختارنا باتومي ننزل فيها حجزنا شقة من بوكينج اسعار الشقق مش غالية اوي متوسطة تقريبا ١٤٠ريال سعودي الليله وشايفه البحر وفي ارخص وفي اغلى على حسب عدد الغرف والمكان
اول واحدة نزلنا فيها اسمها loura صاحبتها اسمها ناتالي الشقة حلوة غرفتين لكن ضيقه مع انها تظهر في الصور واسعه
ونزلنا في شقة تانية في برج اسمه يالشن جروب yalcin حلوة جدا جدا ونضيفة اوي بس اغلى من الاولى كانت ب٢٤٠ ريال سعودي دي كمان كانت شايفه البحر
رحنا عرض الدولفين التيكيت الواحدة ١٥ لاري (عملة جورجيا ) تقريبا٢٧ريال سعودي
و جنب الدولفين في جنينة حيوانات صغيرة بتتمشو فيها
وبحيرة حلوة جدا و في الاكواريوم بس مدخلناش
أما الي يجنن بجد هو التليفريك المنظر من فوق خيال التيكيت الواحدة ١٥ لاري وفي كافيهات حلوة عالجبل وبترجع تاني بالتليفريك
المواصلات سهله جدا ورخيصة التاكسي في باتومي ب٥ لاري و ١٠ لاري وبتفاصل معاهم لان اكتر من مرة كان هيتضحك علينا
بالنسبة الاكل في مطاعم حلال افضلهم karabak تركي واسعار الاكل عموما حلوة
و رحنا مطعم هندي اسمه Indian garden حلال برضو
وشارع البوليفارد عالبحر يجنن أجرنا بيتش باجي وبايسكل
وفي شلال باتومي حلو اوي كمان وممكن تاخدو boat هناك
ثانيا.... اخدنا تاكسي ل٥ أفراد من باتومي يودينا تبليسي العاصمة اخد ٢٥٠ لاري المسافة ٦ ساعات تقريبا السواق كان جروجي مسلم مش بيتكلم انجلش وكلهم كدا بس كنا بنترجم له عالموبايل أو بالاشارة وقفنا في مطعم عالطريق بين باتومي وتبليسي أكله حلو جدا اسمه goda restaurant مطعم تركي حلال طبعا
وصلنا تبليسي كنا حاجزين من على بوكينج برضو الشقه كانت حلوة اوي اغلى شوية من باتومي
في شارع هناك اسمه شارع العرب في مطاعم كتير اوي مصري اسمه خان الخليلي
ومطاعم مغربي ويمني وتركي دخلنا مطعم اسمه Ankara restaurant حلو اوي اكله
و اخدنا تاكسي يقضي معانا اليوم تبع شركة سياحة عربية كبيرة ل٥ أشخاص من ١٠ صباحا ل٨ باليل اخد ٨٠ لاري كان سواق جورجي وقال لو سواق عربي ١٠٠ لاري
بس كان سواق محترم جدا ومريح وبيتكلم انجلش
اتفقنا معاه نروح جبال القوقاز
وفي الطريق وقفنا على بحيرة اسمها جيافري أو جيفالي بينطقوها الاتنين
قعدنا شوية
وبعدين رحنا على ananuri كنيسة عالجبل
و بعدين جبال القوقاز خيال مش طبيعي جمالها جوزي جرب الباراشوت فيها عجبه جدا واحنا راجعين في الطريق وقفنا في مطعم عالنهر مش حلال بس اخدنا سمك مشوي كان حلو اوي
وفي كمان تليفريك تبيليسي حلو جدا وبتطلع عالجبل كافيهات كتير وتمثال الام جورجيا كان التيكيت بتاعه ٥ لاري لان رحلته اقصر من بتاع باتومي
ثالثا...... اخدنا تاكسي من تبليسي ل كوتايسي قعدنا ليلة الشقة مكنتش حلوة ضيقه جدا بس كانت عالنهر كانت ب٦٠ لاري الليله
رحنا مطعم اسمه Istanbul restaurant حلال متوسط مش اوي
رحنا كمان مغارة sataplia تجنن رهيبة كانت ب١٥ لاري التيكيت تقريبا
رحنا كمان كهف اسمه prometheus حلو اوي بس التيكيت ب٢٠ لاري
رابعا ..... رحنا على مارتفيلي فيها الشلال رهيب بجد منظر خيال وكان جنبه مطعم فرنسي اسمه ،bon petite مش حلال بس أكلنا بيتزا بالخضار و خشبوري دي اكله جورجيه مشهورة عندهم عبارة عن عيش و محشي جبنه
خامسا .... رجعنا على باتومي قضينا اليوم في البحر و رحنا مول باتومي و سوق شعبي مش فاكرة اسمه بالظبط
الناس هناك طيبين اوي وبيحبو يساعدوا وبيفهمو
ياريت تنتبهو لموضوع الاكل لان اشتريت كيك جاهز لبنتي وبعد مارجعت البيت لقيت فيه كحول نسيت خالص أسأل مع اني بدقق على كل شي قبل ماشتري بس المشكلة بنتي شبطت فيها ومكنتش مركزة
يارب اكون افادتكم
#تعديل
نسيت اقولكم أنه في تلفريك ب١ لاري في توكايسي بس هو. زى وسيلة مواصلات مش اكتر بيوصل لمدينة ملاهي اطفال عالجبل
في حاجه كمان مهمه احنا مكناش تبع شركة سياحه كنا مع نفسنا بحثنا كتير وعرفنا كل التفاصيل قبل السفر
حاولوا تكونو مع نفسكم بس حجز الفندق يفضل من موقع معروف زي بوكينج عشان يحميك بس مش اكتر
انا قابلت ناس من الخليج هناك قالو طالعين تبع شركة سياحه ب١٠ آلاف ريال للفرد وبقالهم اسبوع مرحوش غير مكانين فقط ف محبتش اعكننهم واقولهم انا بقالي اسبوع وكل يوم في مكان مختلف
في حاجه كمان احنا لما وصلنا باتومى صاحبة الشقة بعتت لبوكينج أن الحجز بتاعنا اتلغى مع أننا موجودين في الشقة اتصلوا بينا في بوكينج يتأكدوا قولنا لهم احنا موجودين الحجز متلغاش ولا حاجه
نفس الشي لما وصلنا تبليسي صاحب الشقه قالنا إلغو الحجز من على بوكينج وانا هعملكم تخفيض لان بوكينج بياخد ٣٠٪ احنا رفضنا طبعا للحرمانيه بغض النظر عن أن بوكينج نسبته عاليه