A
Ahmad Mohamed El Garhy
:: مسافر ::
اعتقد إن أي حد لو ناوي يسافر سياحة.. مش لازم يسأل أي سؤال من الخمسة دول..
السؤال الأول: ماتسألش حد اطلع فيزا إزاي؟
عشان أنت تقدر تعرف كل حاجة من موقع أي سفارة.. وتحدد المعاد وتعرف الورق المطلوب.. وغالبا التعامل بيكون مع مركز تابع السفارة وبيراجعوا معاك كل ورقك وبينبهوك لو فيه ورق ناقص.. وعلى سبيل المثال ده مركز TlSC اللي بيتعامل مع كل من فرنسا – الدنمارك وسويسرا.. وده لينك فرنسا /Centre TLScontact - Egypt
عشان ماتخليش حد يصعب عليك الأمور زيادة عن اللزوم ولا يسهلها من خلال تجربة بتختلف من شخص للتاني.. كل الحكاية ان أي سفارة بتطلب شوية ورق.. عشان تضمن بيهم انك راجع مش هتهرب.. ومعاك فلوس لمدة إقامتك في الفترة اللي اختارتها وبرضه هاتلاقي الالاف البوستات عن خبرات الناس في الفيزا اعمل سيرش بسيط علي الجروب وهاتلاقي اجابات لكل الي في بالك
السؤال التاني: ماتسألش حد تسافر فين وماتسافرش فين..
عشان بكل بساطة إحنا مختلفين عن بعض.. واللي انت بتحبه غير مايحبوش، وكل واحد فينا بيفضل حاجة غير التاني.. فيه ناس بتفضل بحر، ناس بتحب الخضرة.. الجبال.. ناس بتحب التسوق.. وناس تحب تعمل معايشة مع أهل البلد.. وناس تحب زيارة المتاحف والآثار.. وناس تحب تعمل كل حاجة.. أنت مين فيهم؟ .. ومفيش حاجة اسمها البلد دي حلوة ودي وحشة، المقاييس بتختلف من واحد للتاني.. ومفيش اتنين بيتفقوا على حاجة واحدة.
السؤال التالت: ماتسألش عن تكلفة الطيران والإقامة..
لأن ممكن وانت قاعد دلوقت تعرف كل حاجة انت عايزها
ادخل على www.expedia.com واعرف سعر أي رحلة طيران وخطط لسفريتك براحتك من غير ما حد يفتيلك وفي مواقع كتير اووي تعرف افضل سعر في الايام اللي انت مقرر تسافر فيها.
وغيرها كتير زي skyscanner & wego
ادخل على /TripAdvisor: Read Reviews, Compare Prices & Book شوف الإقامة.. المناطق المهمة في كل بلد المطاعم .. مع تقييم للأشخاص اللي راحوها.. وممكن تشوف منه طيران..
وتقدر تدخل /Booking.com: The largest selection of hotels, homes, and vacation rentals ومن خلاله تحجز وتتفرج على الشقق.. الفنادق والهوستيل مع تقييمات الناس لكل حاجة.. وفيه غيرهم من المواقع..وبرضه في اختيارات كتير علي مواقع تانيه و ممكن تجرب airbnb؟ انا فعلا اول مره اجربه بعد ماقريت لناس هنا عنه. لان تخطيطك لرحلتك بنفسك من امتع ما يكون وده مايمنعش برضه تقرا تجارب الاخرين و تستفيد منهاوتاخد الي يناسبك و تسيب الباقي ومفيش احسن من انك تتوه في بلد غريبه وتلاقي نفسك في مكان انت مش مخطط اصلا انك تروحه ماتقلقش مش هاتتخطف وياخدو اعضائك
السؤال الرابع: ماتسألش هي السفرية دي ممكن تكلفني كام؟
لأن المصاريف بتختلف من شخص للتاني.. فيه اللي بياكل كتير.. واللي مابياكلش.. وفيه اللي بيحب يشتري حاجات وفيه اللي مابيشتريش.. وفيه اللي بيركب تاكسي وفيه اللي بيركب مترو وفيه اللي بيمشي.. ممكن تستفسر عن متوسط سعر المطاعم والمواصلات.. والأماكن وتقييمها مع نفسك .وده موقع من خلاله تقدر تعرف تشوف تكلفة المعيشة في أي مدينة في العالم.. متوسط أسعار الأكل.. حركة المرور.. نسبة الجرائم.. التلوث.. الخطورة والأمان.. وده من خلال تقييمات الناس اللي عايشة أو اللي زاروا الأماكن.. موقع فوق الممتاز لأي حد مسافر: /Cost of Living
ودي برضه متعه تانيه من متع التتخطيط لسفرك
وأخيرا السؤال اللي مش مفهوم واللي بيتسأل دايما: اسافر لوحدي ولا مع صحابي؟
أكيد ده سؤال مايتسألش وانت الوحيد الي عندك اجابه ليه.. شوف بتستريح لإيه أكتر واعمله.. تسافر مع نفسك ولا مع صحابك.. تلبس خفيف في عز التلج ولا تقيل في الصيف.. تاكل ضفادع ولا ماتكلش.. دي حاجات الحقيقة مش لازم تسأل عنها خالص.
- لو عايز تسأل على حاجة يبقى عن التجربة الشخصية من خلال معايشته للمكان وحكاياته اللي عاشها والصور اللي صورها والمواقف الحلوة والوحشة والطريفة والصعبة.. وبرضه القرار
قرارك...
بصراحه الجروب هنا كم تجارب السفر مفيش احسن من كده ومفيش حد بيبخل بمعلومه خالص وساعدني في سفريتي الاخيره وحتي وانا مسافر استفدت من ناس كتير علي اماكن الزياره وخصوصا في سويسرا شكرا Amr Elfar ونصيحته في احلي مكان تاكل شيكولاته فيه في لوزيرن
الصور في لوزيرن وانترلاكن - سويسرا
منقول
تعديل: سؤال كمان كتير بيتسأل هو انتوا بتجيبوا الفلوس منين ؟ طبعا السؤال بيكون هزار بس الاجابه عليه يعني في الي بيبيع اعضائه وفي الي طالع عينه طول السنه وبيظبط اموره ويسافر دي من الاسئله الي مش ده مكانها والمفترض ماتتسالش.
السؤال الأول: ماتسألش حد اطلع فيزا إزاي؟
عشان أنت تقدر تعرف كل حاجة من موقع أي سفارة.. وتحدد المعاد وتعرف الورق المطلوب.. وغالبا التعامل بيكون مع مركز تابع السفارة وبيراجعوا معاك كل ورقك وبينبهوك لو فيه ورق ناقص.. وعلى سبيل المثال ده مركز TlSC اللي بيتعامل مع كل من فرنسا – الدنمارك وسويسرا.. وده لينك فرنسا /Centre TLScontact - Egypt
عشان ماتخليش حد يصعب عليك الأمور زيادة عن اللزوم ولا يسهلها من خلال تجربة بتختلف من شخص للتاني.. كل الحكاية ان أي سفارة بتطلب شوية ورق.. عشان تضمن بيهم انك راجع مش هتهرب.. ومعاك فلوس لمدة إقامتك في الفترة اللي اختارتها وبرضه هاتلاقي الالاف البوستات عن خبرات الناس في الفيزا اعمل سيرش بسيط علي الجروب وهاتلاقي اجابات لكل الي في بالك
السؤال التاني: ماتسألش حد تسافر فين وماتسافرش فين..
عشان بكل بساطة إحنا مختلفين عن بعض.. واللي انت بتحبه غير مايحبوش، وكل واحد فينا بيفضل حاجة غير التاني.. فيه ناس بتفضل بحر، ناس بتحب الخضرة.. الجبال.. ناس بتحب التسوق.. وناس تحب تعمل معايشة مع أهل البلد.. وناس تحب زيارة المتاحف والآثار.. وناس تحب تعمل كل حاجة.. أنت مين فيهم؟ .. ومفيش حاجة اسمها البلد دي حلوة ودي وحشة، المقاييس بتختلف من واحد للتاني.. ومفيش اتنين بيتفقوا على حاجة واحدة.
السؤال التالت: ماتسألش عن تكلفة الطيران والإقامة..
لأن ممكن وانت قاعد دلوقت تعرف كل حاجة انت عايزها
ادخل على www.expedia.com واعرف سعر أي رحلة طيران وخطط لسفريتك براحتك من غير ما حد يفتيلك وفي مواقع كتير اووي تعرف افضل سعر في الايام اللي انت مقرر تسافر فيها.
وغيرها كتير زي skyscanner & wego
ادخل على /TripAdvisor: Read Reviews, Compare Prices & Book شوف الإقامة.. المناطق المهمة في كل بلد المطاعم .. مع تقييم للأشخاص اللي راحوها.. وممكن تشوف منه طيران..
وتقدر تدخل /Booking.com: The largest selection of hotels, homes, and vacation rentals ومن خلاله تحجز وتتفرج على الشقق.. الفنادق والهوستيل مع تقييمات الناس لكل حاجة.. وفيه غيرهم من المواقع..وبرضه في اختيارات كتير علي مواقع تانيه و ممكن تجرب airbnb؟ انا فعلا اول مره اجربه بعد ماقريت لناس هنا عنه. لان تخطيطك لرحلتك بنفسك من امتع ما يكون وده مايمنعش برضه تقرا تجارب الاخرين و تستفيد منهاوتاخد الي يناسبك و تسيب الباقي ومفيش احسن من انك تتوه في بلد غريبه وتلاقي نفسك في مكان انت مش مخطط اصلا انك تروحه ماتقلقش مش هاتتخطف وياخدو اعضائك
السؤال الرابع: ماتسألش هي السفرية دي ممكن تكلفني كام؟
لأن المصاريف بتختلف من شخص للتاني.. فيه اللي بياكل كتير.. واللي مابياكلش.. وفيه اللي بيحب يشتري حاجات وفيه اللي مابيشتريش.. وفيه اللي بيركب تاكسي وفيه اللي بيركب مترو وفيه اللي بيمشي.. ممكن تستفسر عن متوسط سعر المطاعم والمواصلات.. والأماكن وتقييمها مع نفسك .وده موقع من خلاله تقدر تعرف تشوف تكلفة المعيشة في أي مدينة في العالم.. متوسط أسعار الأكل.. حركة المرور.. نسبة الجرائم.. التلوث.. الخطورة والأمان.. وده من خلال تقييمات الناس اللي عايشة أو اللي زاروا الأماكن.. موقع فوق الممتاز لأي حد مسافر: /Cost of Living
ودي برضه متعه تانيه من متع التتخطيط لسفرك
وأخيرا السؤال اللي مش مفهوم واللي بيتسأل دايما: اسافر لوحدي ولا مع صحابي؟
أكيد ده سؤال مايتسألش وانت الوحيد الي عندك اجابه ليه.. شوف بتستريح لإيه أكتر واعمله.. تسافر مع نفسك ولا مع صحابك.. تلبس خفيف في عز التلج ولا تقيل في الصيف.. تاكل ضفادع ولا ماتكلش.. دي حاجات الحقيقة مش لازم تسأل عنها خالص.
- لو عايز تسأل على حاجة يبقى عن التجربة الشخصية من خلال معايشته للمكان وحكاياته اللي عاشها والصور اللي صورها والمواقف الحلوة والوحشة والطريفة والصعبة.. وبرضه القرار
قرارك...
بصراحه الجروب هنا كم تجارب السفر مفيش احسن من كده ومفيش حد بيبخل بمعلومه خالص وساعدني في سفريتي الاخيره وحتي وانا مسافر استفدت من ناس كتير علي اماكن الزياره وخصوصا في سويسرا شكرا Amr Elfar ونصيحته في احلي مكان تاكل شيكولاته فيه في لوزيرن
الصور في لوزيرن وانترلاكن - سويسرا
منقول
تعديل: سؤال كمان كتير بيتسأل هو انتوا بتجيبوا الفلوس منين ؟ طبعا السؤال بيكون هزار بس الاجابه عليه يعني في الي بيبيع اعضائه وفي الي طالع عينه طول السنه وبيظبط اموره ويسافر دي من الاسئله الي مش ده مكانها والمفترض ماتتسالش.
