ه
هشام كامل
:: مسافر ::
#السفر_لتركيا منقول عن الصديقSana باحد المواقعolan asking
خلينا نتفق مبدئيا ان تركيا من أسهل السفريات و أقلها من حيث التكلفة و المسافة و غيره و السفر ليها مش محتاج لأكثر من اجازة حلوة و كام ورقة و خلاص .
الإيجابيات :
١- تركيا بلد إسلامي ، اه انت هناك مش بتحس بده لكن انت ضامن هناك لحم حلال مذبوح و بتاكل براحتك تماما . و الأكل التركي مفيش بعده .
٢- تركيا بلد علماني ، حتلاقي نفسك في أوروبا بس كل الناس بتحبك و متقبلاك ، اللي لابسة شورت مبتسمة في وشك و اللي لابسة حجاب و عباية مبتسمة في وشك ، ثقافة الإختلاف مدهشة جدا هناك بالفعل .
٣- السوق ، أرخص سوق في كل حاجة ، الأكل رخيص ، اللبس رخيص ، الأدوات المنزلية و المطبخية رخيصة ، انا عن نفسي انصح اي عروسة بتجهز نفسها تروح هناك تجيب كل اللي هي عايزاه و تشحنه حيطلع عليها بالضبط تلت اللي دفعته في مصر مع ضمان خامات ارقى و عمر اكتر للحاجة و فسحة كمان
٤- الجودة عندهم عالية بشكل غير طبيعي ، طبيعي الواحد لما بيسافر اي حتة بيتعرض لتسممات او يمرض من الأكل لكن ده مبيحصلش في تركيا .
٥- المناظر الطبيعية مش هتكلم بصراحة ، ملقتش عندهم مكان مفيهوش مناظر طبيعية تفتح النفس .
٦- الناس في معظم المحافظات كويسين و بيستقبلوا السائح استقبال كويس .
٧- لبس المحجبات ، السوق مش حارم حد من حاجة و مراعي كل الناس باختلاف أديانهم و تفكيرهم .
السلبيات و حلولها :
١- التاكسي هو أكتر حاجة بتاكل الفلوس في تركيا ، أوبر أحسن منه من حيث التسعيرة و التعامل ، المواصلات أفضل و أفضل لو كُنتُم شباب في بعضيكم .
٢- خفة اليد ، السرقة في تركيا بشعة ، حتلاقي نفسك واقف في زارا و الكاشير قاعد يعلن بعلو صوته ان المكان غير مسؤول عن ضياع متعلقاتكم الشخصية ، الحمد لله رغم تعرضي لأكثر من محاولة سرقة الا اني انتبهت بسرعة ، فالحذر واجب حتى في ارقى الأماكن .
٣- اللغة ، هما لا بيفهموا إنجليزي و لا عربي ، لما تتزنق جدا أتكلم لغة عربية فصحى لأن فيه بينا و بينهم اكتر من ألف كلمة مشتركة لغويا ، ترجم و جهز ورقك دايما بالحاجات اللي محتاج تتكلم فيها قبل ما تخرج ، و هما متعودين على لغة الإشارة و حتلاقيهم قشطة معاك و حتعرف تاخد اللي عايزه .
٥- عدم حفظ المسافات ، انتي كبنت مصرية أصيلة لو لقيتي واحد تركي جه و خبط على دراعك هيسألك على حاجة حتصوتي في وشه و تقولي متحرش و انت كشاب حتلاقي قمر واقفة جنبك لازقة حتفتكرها معجبة و هي مش شايفاك اصلا ، الحقيقة هما ده العادي عندهم و معندهمش حفظ للمسافات و لا في بالهم كل الوساخة اللي في دماغنا دي .
المدن الحلوة اللي جربتها :
١- اسطنبول
اسطنبول هي قلب تركيا ، الشوبنج فيها غير طبيعي ، الأماكن السياحية بالهبل ، المطاعم ، المولات و غيره .
أحلى حاجات ممكن تعملها فيها :
- تروح منطقة السلطان أحمد تزور كل الجوامع التاريخية و آيا صوفيا و السوق الصغير هناك و تتمشى بين الجناين و المتاحف .
- تركب مركب بتاخدك ساعتين تلف بيهم البسفور و تستمتع بالمكان من قلب المية .
- تروح مول فوروم اسطنبول تعمل شوبنج و تنزل فيه أكواريوم حلو جدا و فوقه حديقة ديناصورات ضخمة .
- تركب عبارة و تطلع جزيرة الأميرات تقضي اليوم هناك .
- تروح السوق المصري ( هو اسمه كده ) تشتري الحلويات التركي و تستمتع بتركيا الشعبية و حتلاقي هناك بياعين عرب كتير و أسعار رخيصة بشكل يخض ، و للعرايس الفساتين بتلت تمنها في مصر مع فرق الجودة ، و العروسة المحجبة حتهيص لأن فيه موديلات كتير متوفرة ليها مخصوص .
- تطلع تل العرايس .
٢- أنطاليا
أنطاليا من أجمل مدن تركيا في نظري ، في الصيف هي المصيف بتاعهم ، في الشتا المصيف بيقلب منتجعات تلجية و تزلج و ألعاب .
أحلى حاجات تعملها فيها :
- شوبنج ( العادي بتاع تركيا انك مش حتبطل شوبنج في اي حتة فمتستغربوش ) بس أنطاليا بجانب الشوبنج العادي حتلاقي المايوهات و حاجات البحر من كاش مايوه وطواقي و جزم و غيرهم حاجة تانية خالص .
- تنزل البحر ، الشواطىء العامة كتير و ببلاش بس بتدفع تمن الشمسية و الكراسي ، و لو انت نازل في فندق له شاطىء يبقى احسن و احسن .
- الغطس
- الباراشوت يا جماعة
- كل الأنشطة المائية اللي ممكن تتخيلها صيفا .
- كل الأنشطة التلجية اللي ممكن تتخيلها شتاءا .
- طبعا مينفعش متروحش مدينة التلج هناك .
- و أنطاليا فيها أكبر أكواريوم في العالم كله و فعلا دخوله تجربة تستاهل .
- المشي حلو جدا هناك ، طول ما انت ماشي حتلاقي شواطىء مفتوحة ببلاش و حدائق و ألعاب مفتوحة ببلاش و حمامات عامة على مستوى فنادق خمس نجوم في الشارع .
بورصا :
بورصا انصح بيها اي اتنين رومانسيين عايزين يريحوا دماغهم ، مدينة هادية ، اَهلها طيبين بشكل يخض ، طبيعتها طاغية .
أحلى حاجات تعملها في بورصا :
- تزور المدينة القديمة
- تزور الجبل و تركب تلفريك
- تزور الشجرة العملاقة
- الجامع الأزرق
- تطلع رحلة لمدينة يالوفا و هي ساعة تقريبا و شوية من بورصا و هناك تستمتع بالينابيع الحارة و الحمامات التركية لو حابب و الغابة الصغيرة .
- تروح مطعم حاجي ضايع و تاكل احلى اكلة مشويات في حياتك و انت فوق تل بيطل عالمدينة .
- الشوبنج في السوق المسقوف القديم
أماكن أنصح بيها في اي محافظة :
- مادو كافيه
- LC Waikiki
- هايبر ميجروس
- هايبر كايبا
طبعا تركيا فيها مدن تانية كتير حلوة جدا زي طرابزون و انقرة و كابادوكيا و فتحية و غيرهم .
The photos taken by me
خلينا نتفق مبدئيا ان تركيا من أسهل السفريات و أقلها من حيث التكلفة و المسافة و غيره و السفر ليها مش محتاج لأكثر من اجازة حلوة و كام ورقة و خلاص .
الإيجابيات :
١- تركيا بلد إسلامي ، اه انت هناك مش بتحس بده لكن انت ضامن هناك لحم حلال مذبوح و بتاكل براحتك تماما . و الأكل التركي مفيش بعده .
٢- تركيا بلد علماني ، حتلاقي نفسك في أوروبا بس كل الناس بتحبك و متقبلاك ، اللي لابسة شورت مبتسمة في وشك و اللي لابسة حجاب و عباية مبتسمة في وشك ، ثقافة الإختلاف مدهشة جدا هناك بالفعل .
٣- السوق ، أرخص سوق في كل حاجة ، الأكل رخيص ، اللبس رخيص ، الأدوات المنزلية و المطبخية رخيصة ، انا عن نفسي انصح اي عروسة بتجهز نفسها تروح هناك تجيب كل اللي هي عايزاه و تشحنه حيطلع عليها بالضبط تلت اللي دفعته في مصر مع ضمان خامات ارقى و عمر اكتر للحاجة و فسحة كمان
٤- الجودة عندهم عالية بشكل غير طبيعي ، طبيعي الواحد لما بيسافر اي حتة بيتعرض لتسممات او يمرض من الأكل لكن ده مبيحصلش في تركيا .
٥- المناظر الطبيعية مش هتكلم بصراحة ، ملقتش عندهم مكان مفيهوش مناظر طبيعية تفتح النفس .
٦- الناس في معظم المحافظات كويسين و بيستقبلوا السائح استقبال كويس .
٧- لبس المحجبات ، السوق مش حارم حد من حاجة و مراعي كل الناس باختلاف أديانهم و تفكيرهم .
السلبيات و حلولها :
١- التاكسي هو أكتر حاجة بتاكل الفلوس في تركيا ، أوبر أحسن منه من حيث التسعيرة و التعامل ، المواصلات أفضل و أفضل لو كُنتُم شباب في بعضيكم .
٢- خفة اليد ، السرقة في تركيا بشعة ، حتلاقي نفسك واقف في زارا و الكاشير قاعد يعلن بعلو صوته ان المكان غير مسؤول عن ضياع متعلقاتكم الشخصية ، الحمد لله رغم تعرضي لأكثر من محاولة سرقة الا اني انتبهت بسرعة ، فالحذر واجب حتى في ارقى الأماكن .
٣- اللغة ، هما لا بيفهموا إنجليزي و لا عربي ، لما تتزنق جدا أتكلم لغة عربية فصحى لأن فيه بينا و بينهم اكتر من ألف كلمة مشتركة لغويا ، ترجم و جهز ورقك دايما بالحاجات اللي محتاج تتكلم فيها قبل ما تخرج ، و هما متعودين على لغة الإشارة و حتلاقيهم قشطة معاك و حتعرف تاخد اللي عايزه .
٥- عدم حفظ المسافات ، انتي كبنت مصرية أصيلة لو لقيتي واحد تركي جه و خبط على دراعك هيسألك على حاجة حتصوتي في وشه و تقولي متحرش و انت كشاب حتلاقي قمر واقفة جنبك لازقة حتفتكرها معجبة و هي مش شايفاك اصلا ، الحقيقة هما ده العادي عندهم و معندهمش حفظ للمسافات و لا في بالهم كل الوساخة اللي في دماغنا دي .
المدن الحلوة اللي جربتها :
١- اسطنبول
اسطنبول هي قلب تركيا ، الشوبنج فيها غير طبيعي ، الأماكن السياحية بالهبل ، المطاعم ، المولات و غيره .
أحلى حاجات ممكن تعملها فيها :
- تروح منطقة السلطان أحمد تزور كل الجوامع التاريخية و آيا صوفيا و السوق الصغير هناك و تتمشى بين الجناين و المتاحف .
- تركب مركب بتاخدك ساعتين تلف بيهم البسفور و تستمتع بالمكان من قلب المية .
- تروح مول فوروم اسطنبول تعمل شوبنج و تنزل فيه أكواريوم حلو جدا و فوقه حديقة ديناصورات ضخمة .
- تركب عبارة و تطلع جزيرة الأميرات تقضي اليوم هناك .
- تروح السوق المصري ( هو اسمه كده ) تشتري الحلويات التركي و تستمتع بتركيا الشعبية و حتلاقي هناك بياعين عرب كتير و أسعار رخيصة بشكل يخض ، و للعرايس الفساتين بتلت تمنها في مصر مع فرق الجودة ، و العروسة المحجبة حتهيص لأن فيه موديلات كتير متوفرة ليها مخصوص .
- تطلع تل العرايس .
٢- أنطاليا
أنطاليا من أجمل مدن تركيا في نظري ، في الصيف هي المصيف بتاعهم ، في الشتا المصيف بيقلب منتجعات تلجية و تزلج و ألعاب .
أحلى حاجات تعملها فيها :
- شوبنج ( العادي بتاع تركيا انك مش حتبطل شوبنج في اي حتة فمتستغربوش ) بس أنطاليا بجانب الشوبنج العادي حتلاقي المايوهات و حاجات البحر من كاش مايوه وطواقي و جزم و غيرهم حاجة تانية خالص .
- تنزل البحر ، الشواطىء العامة كتير و ببلاش بس بتدفع تمن الشمسية و الكراسي ، و لو انت نازل في فندق له شاطىء يبقى احسن و احسن .
- الغطس
- الباراشوت يا جماعة
- كل الأنشطة المائية اللي ممكن تتخيلها صيفا .
- كل الأنشطة التلجية اللي ممكن تتخيلها شتاءا .
- طبعا مينفعش متروحش مدينة التلج هناك .
- و أنطاليا فيها أكبر أكواريوم في العالم كله و فعلا دخوله تجربة تستاهل .
- المشي حلو جدا هناك ، طول ما انت ماشي حتلاقي شواطىء مفتوحة ببلاش و حدائق و ألعاب مفتوحة ببلاش و حمامات عامة على مستوى فنادق خمس نجوم في الشارع .
بورصا :
بورصا انصح بيها اي اتنين رومانسيين عايزين يريحوا دماغهم ، مدينة هادية ، اَهلها طيبين بشكل يخض ، طبيعتها طاغية .
أحلى حاجات تعملها في بورصا :
- تزور المدينة القديمة
- تزور الجبل و تركب تلفريك
- تزور الشجرة العملاقة
- الجامع الأزرق
- تطلع رحلة لمدينة يالوفا و هي ساعة تقريبا و شوية من بورصا و هناك تستمتع بالينابيع الحارة و الحمامات التركية لو حابب و الغابة الصغيرة .
- تروح مطعم حاجي ضايع و تاكل احلى اكلة مشويات في حياتك و انت فوق تل بيطل عالمدينة .
- الشوبنج في السوق المسقوف القديم
أماكن أنصح بيها في اي محافظة :
- مادو كافيه
- LC Waikiki
- هايبر ميجروس
- هايبر كايبا
طبعا تركيا فيها مدن تانية كتير حلوة جدا زي طرابزون و انقرة و كابادوكيا و فتحية و غيرهم .
The photos taken by me