كثير منا بتمنعهم تكاليف الإقامة والأكل من زيارة دول رائعة! اليوم رح تتعرفو بها الموضوع كيف تسافروا وتلاقو إقامة مجانية بتشمل الاكل لكل فترة السفر وبدون ما تدفعوا دولار واحد.
وورك أوي Workaway طريقة رائعة لأنك تلاقي مكان إقامة مجاني مقابل تتطوع خمس ساعات باليوم في نشاطات كثير رائعة ومختلفة ومتنوعة بتتناسب مع الجميع وفي أكثر من 155 دولة في العالم..
الموضوع التالي بيشرح بالتفصيل الممل عن موقع وورك اوي.. يلي حابب يختصر الطريق فموقع ووركاوي هو منصة تواصل بين مضيفين ومتطوعين، المضيف بيأمنلك إقامة كاملة مقابل تساعدو في بعض النشاطات مثل الزراعة او تعليم لغة او اهتمام بالحيوانات... إلخ
والتسجيل للمضيفين مجاني، أما المسافرين فالعضوية للشخص 29 دولار للسنة، وللكوبل او لصديقين هي 39 دولار للسنة
الموقع عالمي جدا وقديم (من 2002) ورائع جدا، ما بنصحكم ابدا تفوتوا روعة التجربة.
