A
Ayman Elsadat
:: مسافر ::
صباح الخير، انا هكلمك بالنسبة لمسقط.
بالنسبة للبلد فهي هادية جدا جدا جدا وشعبها في قمة الطيبة والاخلاق.
المعيشة هنا في العاصمة علي الرغم من انها الي حد ما بسيطة، بس مش رخيصة.
السكن مثلا هتلاقي من اول متوسط ٢٥٠ ريال لو هتسكني لوحدك ودا اقل حاجة وبعد كده الرقم بيزيد علي حسب المنطقة، والتكلفة طبعا هتتقسم لو هتسكني شيرنج مع حد.
الأكل فيه الرخيص وفيه الغالي، وممكن تطبخي في السكن، فيه مطاعم بره متوسط اسعارها ٢ ريال وفيه مطاعم تانية ٤-٥ ريال للوجبة.
المواصلات، فيه دلوقتي باصات تبع الحكومة ودي رخيصة، فيه ميكروباصات زي مصر بس مرشحهاش ليكي، فيه تاكسيات بتحمل زي بالنفر كده بس دي بتتحرك علي الشارع العام فقط وبتقف في نقط معينة ودي كمان رخيصة، دا غير التاكسيات لما بتاخديها لوحدك بتكون تكلفتها أعلي طبعا.
لو عند حضرتك نية تجيبي عربية، جديدة أو مستعملة، أو مطلوب منك تكوني بتسوقي بحكم شغلك وهيدوكي عربية ودا هيوفر معاكي فلوس انتقالات كتير.
نصيحة لا بد تعمليها؛ تجيبي شهادة بيانات من المرور التابعة ليه بتكون شهادة كومبيوتر وتوثقيها من مديرية الأمن والخارجية المصرية ولما تيجي هنا بتوثيقها من السفارة المصرية والخارجية العمانية وبتستبدلي الرخصة المصرية بالرخصة العمانية مباشرة (شرط ان المصرية يكون عدي عليها سنة في مصر وتكون معاكي الرخصة الجديدة اللي صدرت بعد ٢٠١٥ ولو مش معاكي ممكن تطلعيها عادي لان الورق بيطلع بتاريخ اول رخصة.)
بالنسبة للبلد فهي هادية جدا جدا جدا وشعبها في قمة الطيبة والاخلاق.
المعيشة هنا في العاصمة علي الرغم من انها الي حد ما بسيطة، بس مش رخيصة.
السكن مثلا هتلاقي من اول متوسط ٢٥٠ ريال لو هتسكني لوحدك ودا اقل حاجة وبعد كده الرقم بيزيد علي حسب المنطقة، والتكلفة طبعا هتتقسم لو هتسكني شيرنج مع حد.
الأكل فيه الرخيص وفيه الغالي، وممكن تطبخي في السكن، فيه مطاعم بره متوسط اسعارها ٢ ريال وفيه مطاعم تانية ٤-٥ ريال للوجبة.
المواصلات، فيه دلوقتي باصات تبع الحكومة ودي رخيصة، فيه ميكروباصات زي مصر بس مرشحهاش ليكي، فيه تاكسيات بتحمل زي بالنفر كده بس دي بتتحرك علي الشارع العام فقط وبتقف في نقط معينة ودي كمان رخيصة، دا غير التاكسيات لما بتاخديها لوحدك بتكون تكلفتها أعلي طبعا.
لو عند حضرتك نية تجيبي عربية، جديدة أو مستعملة، أو مطلوب منك تكوني بتسوقي بحكم شغلك وهيدوكي عربية ودا هيوفر معاكي فلوس انتقالات كتير.
نصيحة لا بد تعمليها؛ تجيبي شهادة بيانات من المرور التابعة ليه بتكون شهادة كومبيوتر وتوثقيها من مديرية الأمن والخارجية المصرية ولما تيجي هنا بتوثيقها من السفارة المصرية والخارجية العمانية وبتستبدلي الرخصة المصرية بالرخصة العمانية مباشرة (شرط ان المصرية يكون عدي عليها سنة في مصر وتكون معاكي الرخصة الجديدة اللي صدرت بعد ٢٠١٥ ولو مش معاكي ممكن تطلعيها عادي لان الورق بيطلع بتاريخ اول رخصة.)
I
Islam Mohammed
:: مسافر ::
لو شغلك فى محافظات تانيه زى الظاهره مثلا السكن هيبقى رخيص يعنى 150 ر فى الشهر للشقه و الاكل وكهربا وميه 150 بالكتير بس مشكله لازم يكون عندك عربيه لان التكسيات اغلى من مسقط لقلتها او ممكن تتفقى مع تاكسى يوديكى الشغل ويجيبك وتديليه مبلغ معين بالشهر .و العمانيين عموما محترميين لان فى قانون بيطبق على الكل بالعدل .والبلد عموما جميله