P
Pauline Victor
:: مسافر ::
سيوة ❤ ❤
بصوا هو مبدئيا كده سيوة لازم تتراح ،لا بجد سيوة لازم تتراح
احنا مقصرين جدا ف حق المكان ده. الاجانب بيجوا من كل حته في العالم علشان يشوفوه واحنا مكسلين!
ثانيا سيوة تتراح ف الصيف والشتا
لو فعلا محتاج مكان علشان تفصل من ضغط الشغل والدنيا يبقي لازم تروح سيوة
الطبيعة اللي تجنن والنخل اللي ف كل حتة (بلد المليون نخلة) والبحيرات. حاجة كدة تدخلك ف عالم تاني
حبة معلومات كدة علي الماشي:
عدد سكان سيوة حوالي ٥٠ الف
السيويين مش عرب. اصلهم من بلاد المغرب (امازيغ) وبيتكلموا اللغة الامازيغية. ف طبيعي تكون مش فاهم هما بيقولوا ايه لان كل تعاملاتهم بالامزيغي. الحلو ان لغتهم مافيهاش شتيمة
من اكتر البلاد المحتفظة بالتراث بتاعها وبعاداتها وتقاليدها
الفرح ف سيوة بيستمر ٧ ايام والعريس بياكل المعازيم السبع ايام دول . (خراب بيوت يعني )
سيوة مفيهاش اختلاط بين الرجالة والستات والستات في سيوة بيشتغلوا من البيت مش بيطلعوا منه كتير علشان العادات والتقاليد وغالبا الست بتتنقب بعد الجواز
مفيش احلي من البلح بتاع سيوة حاجة مش موجودة في القاهرة! وان انت ممكن تقف عند اي مزرعة وتاكل زي مانت عاوز بس متاخدش معاك وانت ماشي ف شنطة.
مفيش احلي من الزيتون بتاع سيوة وهو بيكون مزروع وسط النخل ف مش بيكون باين
النخل بيمنع شبكة الموبايل ف لو قاعدين ف مكان كله متقفل ب خشب النخل هتلاقي موبايلك no service
البلد رخيصة جدا ف مصاريفها ك اقامة واكل بس اغلي حاجة المواصلات
مش هتكلم علي الامان !
مفيش حاجة اسمها تحرش ولا ان راجل يبص علي واحدة ست ماشية في الشارع
انا كنت بمشي بصبح علي الناس اللي معرفهاش في الشارع عادي وبيردوا ويمشوا
حتي لما كنا بنمشي بالتوكتوك بالليل وف عز الضلمة مكنتش قلقانه من المرافق معايا ولا ان حتي حد ممكن يطلع يقطع الطريق علينا
مش هتكلم علي الضيافة:
الناس ف سيوة من اكتر الناس اللي ممكن تساعدك وتاكلك من غير مقابل علشان ده واجب الضيافة بتاعهم، مش لاقية اكتر من ان رجل عظيم اسمه محمد ابو زعيق فضل معانا ٣ ايام يلف معانا وضبط كل الرحلات والحجوزات ومخدش مننا ولا جنيه وكمان جابلنا لحمة ضاني من البيت وعملهالنا علشان رحنا ف عيد الاضحي.
احنا رحنا 3 ايام,بس هي تستاهل اسبوع أو ممكن تفضل عمرك كله هناك مش هتكون عاوز ترجع
اليوم الاول:
جبل الموتي: وده المكان اللي كانوا بيدفنوا فيه الفراعنة بكل ممتلكاتهم بس طبعا اتنهب المكان
معبد امون: اتفجرمش عارفة ف عهد مين علشان ياخدوا الحجر بتاعه يبنوا بيه حاجات مش عارفة ايه
قاعة تتويج الاسكندراو معبد الواحة او معبد النتبؤات: ده اللي اتوج فيه الاسكندر
عين كيلوباترا: ممكن تنزلوا المياه بتاعتها وحوليها قاعدة كدة ممكن تشربوا فيها عصير طبيعي (تحفة)
بعدها رحنا اكلنا فته سيوي باللحمة الضاني مش هحكيلكوا عنها لازم انتوا اللي تجربوها
بعدها بالليل طلعنا علي عين مياه سخنة كبريتية ف مونتن كامب
اليوم التاني:
فطار في اوتيل الجالييت: اوتيل حلو جدا علي الطراز السيوي وممكن تعملوا فيه photo session. بالنسبة للاكل لازم تجربوا جبنة بالريحان بالعيش السيوي
بحيرة الملح: المياة دي عجيبة بتسحب الشحنات السلبية من الجسم ولو حاولت تغرق مش هتعرف لان المياة بترفع لفوق ف هتطفوا زي الخشبة علي الميا.
سفاري: لازم لازم لازم تعملوا سفاري, مينفعش سيوة من غير سفاري. عربيات land cruisers في بحر الرمال الاعظم وتتزحلق علي الجبال, حاجة كدة وهم يعني
بعدها عملنا ساند بوردينج علي الجبل وشاي سيوي وفضلنا قاعدين لبلليل نتفرج علي النجوم.
اليوم التالت:
البيت السيوي: متحف لشكل البيت السيوي القديم بالحاجات اللي كانوا بيستخدموها ف بيوتهم
قلعة شالي: بلده سيوه القديمة اللي الناس كانوا عايشين فيها وفيها اقدم مسجد من 900 سنة
جزيرة فطناس: جزيرة حواليها المياة من كل حتة وممكن تنزلوا فيها لو حابين
شوبينج: زيت زيتوت وعجوة وتمر اباجورات ملح وسجاجيد يدوي وحظاظات
اوتيل جعفر كان نفسي اروحه بس ملحقتش
لما تروحوا سيوة لازم تاكلوا مردم ( فراخ مشوية من الفحم بس تحت الارض)
لازم تاكلوا فته سيوي ضاني
لازم تاكلوا بلح من علي النخل وزيتون مخلل
لازم تشربوا حشيشة الليمون
لازم تشتروا زيت زيتون وعسل البلح وعجوة بالمكسرات وصابون كبريتي وصابون الملح
لازم تشتروا حظاظات
لازم تجيبوا اباجورات ملح
لازم تجيبوا كليم وسجاجيد يدوي
الاسعار
الاوتوبيس غرب الدلتا ب 150 المرة الواحدة يعني 300 جنية رايح راجع
الاقامة فندق الكيلاني 100 جنية الليلة
الفطار 20 جنية والغدا من 40-60. مكوناش بنتعشي علشان الغدا بيكون بلليل
المواصلات جوا البلد حوالي 200 التلات ايام
المزارات ببلاش بس في واحد ب 10 جنية
السفاري ب 170 جنيه
سيوة هي جنة مصر المفقودة
بصوا هو مبدئيا كده سيوة لازم تتراح ،لا بجد سيوة لازم تتراح
احنا مقصرين جدا ف حق المكان ده. الاجانب بيجوا من كل حته في العالم علشان يشوفوه واحنا مكسلين!
ثانيا سيوة تتراح ف الصيف والشتا
لو فعلا محتاج مكان علشان تفصل من ضغط الشغل والدنيا يبقي لازم تروح سيوة
الطبيعة اللي تجنن والنخل اللي ف كل حتة (بلد المليون نخلة) والبحيرات. حاجة كدة تدخلك ف عالم تاني
حبة معلومات كدة علي الماشي:
عدد سكان سيوة حوالي ٥٠ الف
السيويين مش عرب. اصلهم من بلاد المغرب (امازيغ) وبيتكلموا اللغة الامازيغية. ف طبيعي تكون مش فاهم هما بيقولوا ايه لان كل تعاملاتهم بالامزيغي. الحلو ان لغتهم مافيهاش شتيمة
من اكتر البلاد المحتفظة بالتراث بتاعها وبعاداتها وتقاليدها
الفرح ف سيوة بيستمر ٧ ايام والعريس بياكل المعازيم السبع ايام دول . (خراب بيوت يعني )
سيوة مفيهاش اختلاط بين الرجالة والستات والستات في سيوة بيشتغلوا من البيت مش بيطلعوا منه كتير علشان العادات والتقاليد وغالبا الست بتتنقب بعد الجواز
مفيش احلي من البلح بتاع سيوة حاجة مش موجودة في القاهرة! وان انت ممكن تقف عند اي مزرعة وتاكل زي مانت عاوز بس متاخدش معاك وانت ماشي ف شنطة.
مفيش احلي من الزيتون بتاع سيوة وهو بيكون مزروع وسط النخل ف مش بيكون باين
النخل بيمنع شبكة الموبايل ف لو قاعدين ف مكان كله متقفل ب خشب النخل هتلاقي موبايلك no service
البلد رخيصة جدا ف مصاريفها ك اقامة واكل بس اغلي حاجة المواصلات
مش هتكلم علي الامان !
مفيش حاجة اسمها تحرش ولا ان راجل يبص علي واحدة ست ماشية في الشارع
انا كنت بمشي بصبح علي الناس اللي معرفهاش في الشارع عادي وبيردوا ويمشوا
حتي لما كنا بنمشي بالتوكتوك بالليل وف عز الضلمة مكنتش قلقانه من المرافق معايا ولا ان حتي حد ممكن يطلع يقطع الطريق علينا
مش هتكلم علي الضيافة:
الناس ف سيوة من اكتر الناس اللي ممكن تساعدك وتاكلك من غير مقابل علشان ده واجب الضيافة بتاعهم، مش لاقية اكتر من ان رجل عظيم اسمه محمد ابو زعيق فضل معانا ٣ ايام يلف معانا وضبط كل الرحلات والحجوزات ومخدش مننا ولا جنيه وكمان جابلنا لحمة ضاني من البيت وعملهالنا علشان رحنا ف عيد الاضحي.
احنا رحنا 3 ايام,بس هي تستاهل اسبوع أو ممكن تفضل عمرك كله هناك مش هتكون عاوز ترجع
اليوم الاول:
جبل الموتي: وده المكان اللي كانوا بيدفنوا فيه الفراعنة بكل ممتلكاتهم بس طبعا اتنهب المكان
معبد امون: اتفجرمش عارفة ف عهد مين علشان ياخدوا الحجر بتاعه يبنوا بيه حاجات مش عارفة ايه
قاعة تتويج الاسكندراو معبد الواحة او معبد النتبؤات: ده اللي اتوج فيه الاسكندر
عين كيلوباترا: ممكن تنزلوا المياه بتاعتها وحوليها قاعدة كدة ممكن تشربوا فيها عصير طبيعي (تحفة)
بعدها رحنا اكلنا فته سيوي باللحمة الضاني مش هحكيلكوا عنها لازم انتوا اللي تجربوها
بعدها بالليل طلعنا علي عين مياه سخنة كبريتية ف مونتن كامب
اليوم التاني:
فطار في اوتيل الجالييت: اوتيل حلو جدا علي الطراز السيوي وممكن تعملوا فيه photo session. بالنسبة للاكل لازم تجربوا جبنة بالريحان بالعيش السيوي
بحيرة الملح: المياة دي عجيبة بتسحب الشحنات السلبية من الجسم ولو حاولت تغرق مش هتعرف لان المياة بترفع لفوق ف هتطفوا زي الخشبة علي الميا.
سفاري: لازم لازم لازم تعملوا سفاري, مينفعش سيوة من غير سفاري. عربيات land cruisers في بحر الرمال الاعظم وتتزحلق علي الجبال, حاجة كدة وهم يعني
بعدها عملنا ساند بوردينج علي الجبل وشاي سيوي وفضلنا قاعدين لبلليل نتفرج علي النجوم.
اليوم التالت:
البيت السيوي: متحف لشكل البيت السيوي القديم بالحاجات اللي كانوا بيستخدموها ف بيوتهم
قلعة شالي: بلده سيوه القديمة اللي الناس كانوا عايشين فيها وفيها اقدم مسجد من 900 سنة
جزيرة فطناس: جزيرة حواليها المياة من كل حتة وممكن تنزلوا فيها لو حابين
شوبينج: زيت زيتوت وعجوة وتمر اباجورات ملح وسجاجيد يدوي وحظاظات
اوتيل جعفر كان نفسي اروحه بس ملحقتش
لما تروحوا سيوة لازم تاكلوا مردم ( فراخ مشوية من الفحم بس تحت الارض)
لازم تاكلوا فته سيوي ضاني
لازم تاكلوا بلح من علي النخل وزيتون مخلل
لازم تشربوا حشيشة الليمون
لازم تشتروا زيت زيتون وعسل البلح وعجوة بالمكسرات وصابون كبريتي وصابون الملح
لازم تشتروا حظاظات
لازم تجيبوا اباجورات ملح
لازم تجيبوا كليم وسجاجيد يدوي
الاسعار
الاوتوبيس غرب الدلتا ب 150 المرة الواحدة يعني 300 جنية رايح راجع
الاقامة فندق الكيلاني 100 جنية الليلة
الفطار 20 جنية والغدا من 40-60. مكوناش بنتعشي علشان الغدا بيكون بلليل
المواصلات جوا البلد حوالي 200 التلات ايام
المزارات ببلاش بس في واحد ب 10 جنية
السفاري ب 170 جنيه
سيوة هي جنة مصر المفقودة
