H
Hebatalla Adel
:: مسافر ::
حصل معايا موقف افتكرته علشان كتبته فى بوست تانى هنا من شوية:
موقف حصلى فى لندن كنت حاجزة تذكرة قطار لمدينة تانية انا و اصحابى و فيه تغيير قطار فى النص الفرق بين القطارين حوالى ١٠ دقايق يعنى يدوب ننزل من هنا لهنا المهم فى وسط الرحلة القطار أعلن فى الميكرفون انه متأخر فى المحطة فهيحاول بكل استطاعته انه يعوض التأخير دة علشان ما يتأخرش فى المحطة اللى بعدها و فعلا جري بسرعة بس وصل بمحطتنا وكان فاضل ٥ دقايق على القطار التانى و مكنش فيه حد هينزل فى المحطة دى و يغير غير انا و اصحابى و معانا أسرة تانية نزلنا من القطار متوترين لقينا واحدة مستنيانة مخصوص و قالتلنا انا وقفت القطار التانى علشانكوا بس لازم نوصل بسرعة و فعلا خدتنا جرى للرصيف التانى و لحقنا القطار و كله تمام و نسينا بعد ما روحنا بالليل لقيناهم بعتين إيميل اعتذار و رجعولنا من تمن التذكرة ٦٠٪ علشان المشاكل اللى عنينا منها و كاتبين ان دة لا يمنع حقنا فى المطالبة بتعويض اكبر لو شايفينه يستحق طبعا هما مش عاملين كدة علشان سواد عنينا ولا يعرفونا اصلا لكن هما عاملين كدة علشان عارفين اللى ممكن يحصلهم لو حد قرر ما يسكتش و يقاضيهم و فعلا فيه ناس بتعمل كدة. المهم بقى فى الهري دة كله لازم نتعلم ما نسكتش لازم احنا نعرف حقنا و نطلبه. و المهم ان احنا اتفسحنا و عوضنا تمن القطار
موقف حصلى فى لندن كنت حاجزة تذكرة قطار لمدينة تانية انا و اصحابى و فيه تغيير قطار فى النص الفرق بين القطارين حوالى ١٠ دقايق يعنى يدوب ننزل من هنا لهنا المهم فى وسط الرحلة القطار أعلن فى الميكرفون انه متأخر فى المحطة فهيحاول بكل استطاعته انه يعوض التأخير دة علشان ما يتأخرش فى المحطة اللى بعدها و فعلا جري بسرعة بس وصل بمحطتنا وكان فاضل ٥ دقايق على القطار التانى و مكنش فيه حد هينزل فى المحطة دى و يغير غير انا و اصحابى و معانا أسرة تانية نزلنا من القطار متوترين لقينا واحدة مستنيانة مخصوص و قالتلنا انا وقفت القطار التانى علشانكوا بس لازم نوصل بسرعة و فعلا خدتنا جرى للرصيف التانى و لحقنا القطار و كله تمام و نسينا بعد ما روحنا بالليل لقيناهم بعتين إيميل اعتذار و رجعولنا من تمن التذكرة ٦٠٪ علشان المشاكل اللى عنينا منها و كاتبين ان دة لا يمنع حقنا فى المطالبة بتعويض اكبر لو شايفينه يستحق طبعا هما مش عاملين كدة علشان سواد عنينا ولا يعرفونا اصلا لكن هما عاملين كدة علشان عارفين اللى ممكن يحصلهم لو حد قرر ما يسكتش و يقاضيهم و فعلا فيه ناس بتعمل كدة. المهم بقى فى الهري دة كله لازم نتعلم ما نسكتش لازم احنا نعرف حقنا و نطلبه. و المهم ان احنا اتفسحنا و عوضنا تمن القطار
A
Ahmed Mohsen Hassan
:: مسافر ::
كل مره ارجع من السعودية موعود الحمد لله رب العلمين ان حد ياخد شنطتى لدرجه بقى عندى فوبيا اول مره نزلت و شنطتى فيها كل لبسى و حاجات تانيه و مصر مفيهاش بوكسر اصلا و رجعت الساعه اتنين بليل و استنى الشنطه على السير مفيش حاجه فين بقى بعد ما الناس كلها تمشى الاقى شنطه شبه شنطتى قلت بس اكيد اتلخبط و خد شنطتى الحمد لله كنت سايب فيها السى فى بتاعى كلمنى و كان من الفيوم كلمنى عن احساسك بقى و انت و ابوك نازلين مع بعض شنطه كلها موجوده الحمد لله و انت قاعد معندكش بوكسر تقعد بيه فى مصر 
دا اول موقف تانى موقف بقى جالى هسهس و اقعد اكتب اسمى على الشنطه قدام و ورا زى جلاد الكراسه بتاع العيال الصغيرة بس تقريبا هوا دا اللى بينفع فى مصربس برده منعش و روحت اشتريت شنطه غريبه عشان محدش يتلغبط و برده سبحان الله انزل المطار اقف على السير الاقى شنطه من الشنطتين و التانيه اللى فيها كل حاجه لسه مجتش و انا واقف الاقى شنطه شبه شنطتى بالظبط و مكتوب عليها مش عارف فلان فين من كومبوبو قلت بس ربنا سبحانه و تعالى يستر مشيت لاول السير لقيت بنت صغيرة واقفه و جنبها شتطتى قلتلها يا حبيبتى دى شنطتى قالتلى يا عمو طنط سابت الشنطه دى معايا و راحت تجيب حاجه لسه بتكلم لقيت طنط جايه من بعيد بتقولى دى شنطتى قلتلها طب اعمل فيكى مش عارف يعنى معلمه ام شنطتك و كاتبه عليها عنوانك و خدتى شنطتى برده انت عبيطه يا ست تالت موقف بقى لسه حاصل الاجازة دى واقف على السير كالعاده جت شنطه و مستنى الاساسيه الاقى عامل من بتوع الشنط اللى بيجيب للناس شنطهم و اقف جنبى و انا الهسهس اشتغل و سبحان الله و الله العظيم قام مطلع شنطه حطها على عربيته بضرب عينى كده نظرة جانبيه زى عادل امام دى شنطتى قلتله يابنى انت اعمى يعنى معاك الرقم و برده خد شنطتى ابو ام المطار ده بجد جالى عقده انا عايز اتعالج
دا اول موقف تانى موقف بقى جالى هسهس و اقعد اكتب اسمى على الشنطه قدام و ورا زى جلاد الكراسه بتاع العيال الصغيرة بس تقريبا هوا دا اللى بينفع فى مصربس برده منعش و روحت اشتريت شنطه غريبه عشان محدش يتلغبط و برده سبحان الله انزل المطار اقف على السير الاقى شنطه من الشنطتين و التانيه اللى فيها كل حاجه لسه مجتش و انا واقف الاقى شنطه شبه شنطتى بالظبط و مكتوب عليها مش عارف فلان فين من كومبوبو قلت بس ربنا سبحانه و تعالى يستر مشيت لاول السير لقيت بنت صغيرة واقفه و جنبها شتطتى قلتلها يا حبيبتى دى شنطتى قالتلى يا عمو طنط سابت الشنطه دى معايا و راحت تجيب حاجه لسه بتكلم لقيت طنط جايه من بعيد بتقولى دى شنطتى قلتلها طب اعمل فيكى مش عارف يعنى معلمه ام شنطتك و كاتبه عليها عنوانك و خدتى شنطتى برده انت عبيطه يا ست تالت موقف بقى لسه حاصل الاجازة دى واقف على السير كالعاده جت شنطه و مستنى الاساسيه الاقى عامل من بتوع الشنط اللى بيجيب للناس شنطهم و اقف جنبى و انا الهسهس اشتغل و سبحان الله و الله العظيم قام مطلع شنطه حطها على عربيته بضرب عينى كده نظرة جانبيه زى عادل امام دى شنطتى قلتله يابنى انت اعمى يعنى معاك الرقم و برده خد شنطتى ابو ام المطار ده بجد جالى عقده انا عايز اتعالج
M
Mohamed Badawy
:: مسافر ::
مطار الخرطوم جنبه أرض فاضية فيها حطام الطيارات اللي وقعت بتشوفها ساعة الإقلاع والهبوط وتبقى عمال تتشاهد.
كنت طالع من مطار طرابلس لبنغازي وكان معايا واحد قاعد جنبي على الشباك بس غلبان قوي المهم الرحلة كانت في الشتاء والغيوم كثيفة ونور الإشارة بتاع الطيارة اللي بينور ويطفي على طول جوة السحاب حاجة تانية، فجأة لقيت اللي جنبي وشه جاب ألوان الطيف وعمال يتشاهد بقوله وانا مفزوع "في ايه" بيقولي "في طيارة تقريبا جاية قصادنا وعمالة ترعش لنا" طول مدة الرحلة مش قادر أتنفس من كتر الضحك.
كنت طالع من مطار طرابلس لبنغازي وكان معايا واحد قاعد جنبي على الشباك بس غلبان قوي المهم الرحلة كانت في الشتاء والغيوم كثيفة ونور الإشارة بتاع الطيارة اللي بينور ويطفي على طول جوة السحاب حاجة تانية، فجأة لقيت اللي جنبي وشه جاب ألوان الطيف وعمال يتشاهد بقوله وانا مفزوع "في ايه" بيقولي "في طيارة تقريبا جاية قصادنا وعمالة ترعش لنا" طول مدة الرحلة مش قادر أتنفس من كتر الضحك.
A
Abd El-Rahman Ahmed
:: مسافر ::
كنت في اول كام يوم ليا و انا مسافر متعود اخد الباسبور معايا و انا خارج عشان لو حصل مشكلة أو كدة ، في يوم كنت راجع الهوستيل و ماخدتش بالي ان أي حاجة وقعت مني لحد ما لقيت تليفوني بعدها بساعتين كدة بيرن و واحد عمال يرطم بالروسي و مش فاهم منه ولا كلمة لحد ما لقيته بيقول اسمي بالكامل .. اتخضيت و بلمت و قومت ناده واحد من اللي كانوا معانا بيتكلم روسي عشان يكلمه لقيته بيقولي دة بيقول ان الباسبور بتاعك هو لقاه في الشارع و هو عايز مبلغ ما (٦٠٠) عشان يرجعه ، طبعا في موقفي دة و لأني من بلد وسخة طبعا عمرها ما هتقف جنبي وافقت .. المهم غااب فترة طويلة بتاع ساعتين كمان و الساعة بقت ١ و خلاص هموت من القلق ، لقيته بيتصل تاني انه في الطريق و عايز (٨٠٠) و الا مش هييجي و هيرمي الباسبور .. طبعا ابتزاز واضح لكن حقه الحقيقة المهم برضو قلتله تعالى و انا موافق .. المهم أصلا الشرطة كانت عندنا يومها في الهوستيل عشان تحقق في سرقة تليفون بنت صاحبتنا ، قلتلهم و قالولي تمام أما ييجوا هنقبض عليهم و بتاع .. جالي فعلا الهوستيل و ماكنش لوحده الحقيقة كان جايب معاه بتاع ١٠ محملهم في عربية فان كبيرة ، و انا طبعا خارجلهم ولا صلاح الدين من قلعته بقى (الشرطة ف ضهرنا و كله ف الأمان) فجأة لقيت الشرطة جريوا و سابوني أقسم بالله و اضطريت أدفع الفلوس مع الأسف بس من وقتها مخرجتش بالباسبور ولا مرة و اتعملت الدرس الحمد لله و توتة توتة خلصت الحدوتة.
A
Amira S. Abdel-Aziz
:: مسافر ::
كنت في باريس وبالم حاجتي عشان خلاص ماشية ورايحة لواحدة صاحبتي أبات عندها عشان تاني يوم تطلع معايا المطار ما ابقاش لوحدي.. المهم مانفعش اروح بكل الحاجة مرة واحدة ليها، فقلت هاسيب حاجات في الأمانات واروح اودي معظم الحاجة وبعدين ارجع اخدهم، وانا بادور على مكان الأمانات في الفندق تهت فلقيت واحد أفريكانو قلت أسأله وانا الفرنساوي بتاعي يمشي الحال شوية. فانا باسأله بس مش عارفة اظبط الجملة وهو مافهمش انا باسأل على ايه لقيته بيسألني بالعربي بلهجة مصرية "انتي عايزة تسألي على ايه" ! كنت هاعمل زي حزلقوم واخده بالحضن طلع سوداني وعايش هناك وشغال عامل اصلاحات في الفندق.
ومرة تانية في سفرية تانية في باريس برضه كنت أنا وصديقة جزائرية بندور عالفندق اللي هنبات فيه ومش لاقيينه والساعة بقت 10:30 بالليل واحنا خايفين وممش عايزين نوقف أي حد نسأله.. واحنا معديين جنب كافيتريا عليها 4 رجالة سمعت واحد فيهم بيحكي حاجة بالمصري وهو نفس الحضن كنت هاروح اديهلهم برضه سألناهم عالفندق نادوا عالجرسون مصري طبعا وشاور لنا عالفندق.. والله ممكن حد يضحك يقول لي انتي مسافرة للمصريين برضه بس بصراحة في مواقف ز دي باحس ربنا بيحبني وبيبعت اللي يساعدني ^_^
طلع سوداني وعايش هناك وشغال عامل اصلاحات في الفندق.ومرة تانية في سفرية تانية في باريس برضه كنت أنا وصديقة جزائرية بندور عالفندق اللي هنبات فيه ومش لاقيينه والساعة بقت 10:30 بالليل واحنا خايفين وممش عايزين نوقف أي حد نسأله.. واحنا معديين جنب كافيتريا عليها 4 رجالة سمعت واحد فيهم بيحكي حاجة بالمصري وهو نفس الحضن كنت هاروح اديهلهم برضه سألناهم عالفندق نادوا عالجرسون مصري طبعا وشاور لنا عالفندق.. والله ممكن حد يضحك يقول لي انتي مسافرة للمصريين برضه بس بصراحة في مواقف ز دي باحس ربنا بيحبني وبيبعت اللي يساعدني ^_^
S
Seba Mahmoud Nagy
:: مسافر ::
أول مرة أسافر وحدى راجعة من الساحل الشمالى للقاهرة بال Super Jet و ماعرفتش إيه هو موقف رمسيس ده و لا شكله إيه فبالتالى ما نزلتش فيه علشان أركب للمعادى (بيتى) و نزلت أخر الخط فى ألماظة و برضه مش عارفة هى فين و لا أى حاجة فسألت اركب إيه للمعادى و عرفت إنه لازم انزل رمسيس بعدين اركب للمعادى و طلعت إتصاحبت مع السوّاق و إتفقت معاه يقولى لما موقف رمسيس ده يجى علشان ما توهش و من هناك سألت و ركبت للمعادى و ماكانش معايا فلوس اركب تاكسى خالص و إتبهدلت جامد جداً بس عدت على خير الحمد لله رب العالمين
L
Luna Omar
:: مسافر ::
كنت فى سمرقند و لازم اروح طشقند عشان اخذ الطياره الصبح بدرى و كان اول يوم رمضان. و كل منطقه سمرقند مافيش فيها بنزين، المحطات بتبيعه سوق سودا و باقى العربيات غاز. بتلاقى بقى فلاحين كدة فى عزب و قرى و معاهم طشت و كبشه و بيبيعوا لك!! المهم فضلنا ندور بالليل لغايه لما طلع لنا ناس قالوا عندهم بس نسيب الطريق و ندخل وراهم فى منطقه مقطوعه. طبعا قلت ل اللى معايا لما تعمل ايه مش داخله وراهم و الاخر اتفقنا اننا ندفع اكتر و هم يجيبوه لنا و نزلت وقفت فى الظلام على اساس معايا سلاح عشان ماحدش يقل عقله وحطوا لنا البنزين. و دا موقف شديد الخطورة و وصلت المطار بعد ما العربيه كانت هتتقلب و الباسبور غرق بالميه و بعد الأختام باظت.. و تقنعهم بقى انك مصرى و مش مزور و مش بتتكلم روسى و هاتوا لى السفير. لحقت الطيارة و هى بتقفل الأبواب بعد مشكله مع الأمن و ما ادراك ماهو الامن الروسى
M
Mohamed Badawy
:: مسافر ::
كنت مقيم في سورية ومنظم حياتي كعازب فكنت عامل يوم الأربعاء للغسيل، المهم راجع بالليل قوي وروحت حاطط بنطلون جينز كنت لابسه في الغسالة مع باقي الغسيل. صحيت الصبح علشان انشر الهدوم لقيت 100 دولار لازقة في باب الغسالة، الحقيقية المحفظة كلها ب 600 دولار و200 دينار كويتي. اتصلت بصاحب الشقة وقولت له يا تبعت حد يفك الغسالة يا اشتريها منك واكسرها براحتي بتهريج طبعا علشان اطلع باقي الكروت بطاقة وبنوك الخ سقطت وراء الحلة. المهم بقى ان كان في حاجة في الغسيل بهتت على الدولارات طالعة خضرة مزهزه أخذهم بنك وسوق سودة مفيش حد راضي يغيرهم. تفكيري وصلني انقعهم في كلور والحمد لله صرفتهم. غسيل أموال كما يجب أن يكون
M
Mohamed Badawy
:: مسافر ::
كنت مسافر أمريكا في رمضان سنة 2000 المهم قولت أصوم، نزلت جبت شوية حاجات من سوبر ماركت وانا خارج لقيت علب فول مدمس على الرف، رجعت البيت واتسحرت و100 فل و14. الفول كان طعمه تحفة فقلت اشوف المكونات بتاعته إيه لقيت داخل فيه دهن خنزير. يا سعاد أنا اتسحرت فول بالخنزير يا سعاد