عن أغرب موقف مريت بيه وانت مسافر

  • بادئ الموضوع بادئ الموضوع Adham Hilaly
  • تاريخ البدء تاريخ البدء
عرض العطلة
#41
اول لما وصلت مطار اثينا فى اليونان كنت بتكلم مع حد عند الtransfer office ومش فاهم حاجة منى عشان مبيتكلمش انجليزى لقيت واحد جاى بيتكلم عربى ولهجته اردنى او فلسطينى او سورى مش عارف وقالى انا بتكلم يونانى ممكن اساعدك قلتله شكرا وبحاول افهمه مشكلتى قالى انت مش لسه جاى على الطيارة من تل ابيب دلوقتى :) انا اتصدمت ومشيت وسيبته ونسيت انا كنت بسأل على ايه
 
#42
كنت مسافر بالعربية من زيمبابوي لموزمبيق عملت ٣ حوادث اخر حادثة كانت خبطة جامدة الناس اللي خبطونا ادونا عربية كملنا بيها الطريق وخلّينا عربيتنا معاهم تنصلح واحنا راجعين خدناها الغريب بقا اول ما وصلنا البلد اللي رايحنها بساعة واخد مصري توفى سلم علينا بعدين راح نام مات وقضينا الأسبوع اللي كنا مسافرينة من المشرحة للمستشفى لاوراق الدفن
 
#43
واحد كان عايز يبيع لينا حاجة في دراجون مارت في دبي وكنا بناكل بيتزا انا وزوجي. فقلنا له مش عايزين ومش راضي يمشي. فاديته سلايس راح واخدها وشد كرسي وقعد معانا ع الطربيزة عشان نتصاحب وكده.
 
#44
اغرب حاجة كل ما نزل دبي اتسأل سؤال غريب من الجوازات قبل ما يتختم لي ختم دخول
اول مرة ايه رأيك في المكملات الغذائية
ثاني مرة ايه رأيك في الرئيس
 
#45
في روسيا واحد وقفني في الشارع قالي هات سيجارة . في روسيا برضو عيل وقفني قالي فلوسي ضاعت و عاوز اروح . انا مبتكلمش روسي صاحبي اللي معايا قال للاول مبندخنش و التاني خد فلوس عشان يروح
 
عرض العطلة
#46
كنت رايح أول مره للاردن وكنت نازل ضيف عند صديق ونسيت اخد العنوان عامل حسابي هلاقيه في المطار مجاش غير بعد 6 ساعات وقالي معلش تليفوني كان فاصل وكان في الشغل في مشكله .. مكملكش عملت معاه ايه
 
#47
كنت طالع برحلة لكاترين ووقفت ف كمين الظابط المسئول رخم وتنك اووى كان ملازم اول احتياط بس فاكر نفسه لواء العساكر هناك اتصاحبت عليهم
اجى اعدى على نفس الكمين بعد 7 شهور واكيد العساكر والظباط المفروض تتغير الظابط اتنقل وعسكرى بس هو اللى فضل من الطقم بنزل من الباص ومش فاكر شكله جه سلم عليا وقالى ليك وحشه يا راجل واخبارك وكده اللى هو فاكرنى وقعدت معاه شوية ووديتله عصير ومياه ساقعة بس اتعلمت حاجة ميفضلش معاك غير المعاملة الحلوة مع الناس
 
#48
كنت في برلين انا واحد صاحبي...دخلنا مطعم مشهور شوية اسمه Vapiano...المطعم فكرته انك تطلب الاكل (بيتزا او باستا) و تتعمل من الشيف قدامك علي طول ...دخلنا علي شيف و طلبنا...المهم انا طول مانا مستني و هو بيعمل المكرونة قدامنا بحاول اقرا اسمه من علي الname tag اللي معلقه و انا مش عارف اسم مش الماني عامة...ألمهم بيسالنا اي الاخبار و كده و بعد كده سالنا السؤال المعتاد انتم منين فقلنا مصر و سكتنا قلنا بقي هيرحب و يقول نفسي اورحها والفراعنة و كده...فقلت طب ماساله انت منين(مدام الاسم غريب) ...واذا فجاتا دوننا عن جنسيات العالم كله و يرد يقولي ISRAEL!!!!!!...بحرف الZ...انا زي اللي ميكون نزل عليه الصمت المفاجئ...عدي عليه مثلا3 ثواني وانا بستوعب الكلمة...وصحبي اللي جنبي عمل انه مسمعش...و بكل سذاجة روحت قايله Nice to meet you...قولت لحسن يقلك عدو السامية و اليهود و بينكر الهولوكوست و نتحبس
 
#49
قعدت اربع ايام فى اليابان مباكلش فرحت السوبرماركت اقل الولد بالانجليزى عاوز حاجه مفيهاش خنزير او هام يقلى نو انجليش نو انجليش فادور الاقى موز بس فاشتريه واكله على كده اربع ايام لحد ما زهقت فدخلت السوبر ماركت فلقيت واحد ففتحلى الترجمهة قالى اكتب وانا افهم فكتبتله ففهم وجبلى الحاجه بعدها رحت للكاشير اللى بيقلى نو انجليش ده وروقته والتاتى قعدت اكتبله حاجات كتير وجبتها ههههههههههههه
 
#50
راجع من دهب للقاهره الاتوبيس وقف ف رست بعد نفق الشهيد احمد حمدي مش فاكر اسمه و مش عاوز افتكره نزلت اجيب سجاير رجعت لقيت الاتوبيس مشي و معاه حاجتي و انا مش معايا الا المحفظه كلمت واحد صاحبي يروح موقف الماظه عشان الشنط و انا ف الصحرا و مفيش ولا اتوبيس راضي يقف حتى اشرحله اللي حصل فضلت ٣ ساعات لحد ما ركبت اتوبيس طنطا و انا لابس شورت و تيشرت الاتوبيس كله كان باصصلي حسيت ساعتها ان انا روسي نزلت الدائري و ركبت المحور و مشيت ساعه الا ربع لحد ما روحت كنت خلاص بتشاهد
 
عرض العطلة
#51
الكوتش ضرب واحنا فى الطريق لمرسى علم وما ادراك الطريق ... قبل كدة كنت راكبة القطر بتاع زمان التعبان شوية انا واهلى كنا راجعين من اليكس وكان فى عيلين فوق على الرف عملوا حمام مياه علينا
 
#53
باريس بكرهها بكرهها وبحس بالعنصرية فيها جدا ،، انا بروحها كتير وكل مرة بيحصلي ازمة يا اما اتسرق وتضيع حاجتي وطالما بتكلم english محدش بيساعدني غير الجزائريين والمغاربة وبيفهموني بالعافية او يا اما اشوف مهازل في الفندق مع العلم اني بتسرق في مولات كبيرة والفندق 5 star بس بيتعاملو بعنصرية لمجرد اني قاعدة في اللوبي كنت مجهدة جدا وراجعة تعبانة وقعدت علي كرسي وفي ترابيزة عليها اكياس مش بتاعتي اساسا ويجي المعفن موظف واقف يقولي اعدي كويس ومتسيبيش الاكياس بالشكل دة انتي في باريس وببببسسسسسسسسسي جابة لنفسة الحيوان وعملتلهم كارثة وبلغت شركتي وقدمولي اعتذار وكانت هوليلللللللة بس عالم حقيرة جدا الفرنساويين نفسهم مش العرب المتجنسين عالم يييااااااكي
 
#55
لا وموقف تاني بقي مسسسسسخرة كنت مع زميلاتي في لوبي الفندق لسة واصلين وهلكانين من التعب في فرانكفورت وعادة ٧ صباحا دي في الفندق ناس كتير بتعمل ًcheck out واحنا طبعا منتظرين وانا بكلم زميلتي وبقولها هوة حمادة اللي واقف علي الكاونتر دة مش هيخلص بقي ويشوفلنا الاوض انا عاوزة اناااااام حمادة دة طلع مصري وقالي اتفضلي يا قطة خلاص خلصت طبعا كان نفسي اهرب وقتها
 
عرض العطلة
#56
كان معايا ملوخيه ناشفه وانا مسافره فتشوني في مطار تورونتو كأنو بيحسبوه بانجو واتعمل معايا الجلاشهوانا أقولهم يجماعه دي ملوووكيه ملووووكيه وبردو مبيسدقوش
 
#58
كنت في جدة في رمضان نزلت من الفندق قبل المغرب بعشر دقايق ركبت مع سواق تاكسي باكستاني عشان اروح مطعم اجيب اكل وكان يادوب الحق قبل الاذان، الواد لا عارف عربي ولا انجليزي والمسخرة بجد انه وقف ورا عربية راكنة وقدامها حيطة وقعد يضرب كلاكس خمس دقائق وانت اخدت بالي ان قدامنا حيطة واقوله حيطة بالعربي والانجليزي طريق مسدود وهو يهزلي دماغة ويضحك بس يومها فطرت قبل العشاء بربع ساعة :)
 
#59
سافرت السعوديه و انا طالع في مطار جده الظابط قالي ان معايا واحده ست علي السيستم و ما ينفعش اسافر غير لما أجيبها و الطيارة سافرت و عليها الشنط و قاعدت يوم لحد ما جبت وسطه و طلعت من البلد الوسخه ديه
 
#60
كان عندي شغل في الساحل الشمالي رايح جاي علي الطريق وعارف بتوع الكمين في وادي النطرون
ومره كانت زوجتي معي وراجع
وقفني الكمين وسلم عليا وسألني مين اللي مع حضرتك
قلت له المدام
قال بس دي مش اللي بتيجي معاك كل مره
 
عرض العطلة
عرض العطلة
عرض العطلة
أعلى أسفل
عودة
قائمة