A
Ahmed El Shabrawy
:: مسافر ::
كنت في مونت كارلو و عديت الشارع من نص الطريق مش من مكان عبور المشاة، وفقني ضابط و طلب اثبات شخصيه اديته جوازي و عملت اني مش فاهم فرنساوي... لقيته بيقولي يو سبيك انجليش؟ قلتله نو انا عربي... راح باعت لعسكري زميله بيعرف يتكلم عربي و جه عشان يستجوبني، و الحمد لله طلع تونسي و بيشجع الترجي
M
Mohamed Khairat
:: مسافر ::
اول مرة اروح تركيا مكنتش عارف اوصل بالظبط للاماكن ال محدد زياراتها كل الناس ال سألتهم جوابهم يبقى بعدد الامتار يقولو مثلا على بعد 10 متر على بعد 20 متر بس كدة حسيت أنهم عاملين زى جوجل ماب مش زى عندنا مثلا بعد اول شارع روح يمين وتلف الدوار وتعدى الناصية وجمب البنزيمة
T
Tarek Makram
:: مسافر ::
واحده شغاله ف الدعاره وانا ف تايلاند .. لقيتها داخله الفندق وانا قاعد ف اللوبي .. بصتلى بصه كده لحد دلوقتى فاكرها
المهم طلعت على اوضه فوق و ربع ساعه ونزلت كنت انا ف جنينه الفندق بره ساعه ما نزلت كنت قاعد وماسك الموبايل
واذ فجأه لقيتها جت من ورايا و مدت ايديها على ال ااااا و بتقولى قاعد ف اوضه كام .. فانا رحت اتخضيت بقي . بس الحمدلله يعني مليش ف الحرام
المهم طلعت على اوضه فوق و ربع ساعه ونزلت كنت انا ف جنينه الفندق بره ساعه ما نزلت كنت قاعد وماسك الموبايل
واذ فجأه لقيتها جت من ورايا و مدت ايديها على ال ااااا و بتقولى قاعد ف اوضه كام .. فانا رحت اتخضيت بقي . بس الحمدلله يعني مليش ف الحرام
E
Emad Allam
:: مسافر ::
كان عندي شغل في فرانكفورت في ألمانيا سنة 2004 بس عرفت أجيب تأشيرة لفرنسا عشان كان ساعتها اعرف حد هناك، ورغم إن الشغل كان في فرانكفورت، حجزت تذكرة لباريس عشان اخد الختم واركب اي قطر بعد كده واطلع فرانكفورت، كانت اول مرة اسافر فنسيت اعمل تصريح الجيش، الضابط رجعني اجيب التصريح والطيارة طبعا فاتتني، رجعت المطار تاني يوم اخد اي طيارة لباريس او روما أو اي مدينة أوروبية (بشرط يكون سعرها ارخص من تذكرة باريس عشان ده شرط) مالقيتش ولا طيارة فيها مكان فاضي، رحت تالت يوم نفس الكلام برضو مفيش أماكن، فجأة لقيتهم بينادوا على مكان فاضي في طيارة .... فرانكفورت اللي رايحها من الاساس وكمان كرسي في البيزنس كلاس.
M
Mohamed Badawy
:: مسافر ::
كنت راجع من موزمبيق عن طريق أثيوبية على الخطوط الأثيوبية الطيارة اتأخرت 6 ساعات وكانت free seating تحولت لشبه أتوبيس عام، وصلت أديس أبابا الطيارة ال Connection اتلغت وفي المطار قالوا لي ممكن تطلع على نفس الطيارة بعد بكرة طبعا اتجننت عليهم انا ومجموعة مصريين كبيرة لغاية ما السيستم بتاع المطار كله وقع وابتدوا شغل يدوي، قالوا لنا نطلع على جدة على الخطوط السعودية ومن هناك على القاهرة وهما ولا عارفين الطيارة هتيجي على أي بوابة ونلف على البوابات كلها ولا الدموع. واحنا ماشيين في المطار اليفط اثيوبي والترجمة بالصيني. الطيارة جت بعدها بحوالي 8 ساعات وطلبوا من واحد معانا يعمل إذاعة داخلية "الطيارة رقم كذا اللي طالعة جدة بدل طيارة كذا للقاهرة بوابة كذا وحسبي الله ونعم الوكيل فيكي يا أثيوبيا" واحنا ميتين على نفسنا من الضحك وطبعا الشنط ضاعت بس رجعت بعدها بأسبوع بفضل الخطوط السعودية.
R
Rania El Bahaey
:: مسافر ::
حجزت لندن ترانزيت چينيڤ وانا مش معايا شنجن ، امنعت من دخول المطار الا صالة الوصول وكمان وصلت متأخرة بعد الطيارة ما قامت بسبب تأخير الاقلاع من القاهرة ! اضطريت افضل قاعدة ٦ ساعات مكاني في انتظار الطيارة اللي بعدها ولولا اني عرفت اتفاهم معاهم مكنوش رضيوا يطلعوني عليها اصلاً !!