استفسار ياريت عن تجربه السؤال للمصريين. هل...

[Ahmed Momtaz]

استفسار ياريت عن تجربه
السؤال للمصريين.
هل يمكن تغير طريقة كتابة الاسم الانجليزي ( الاسبلنج ) في جواز السفر ؟
انا بكلم علي الي معاه جواز بالفعل ، لان الي بيعمل جواز لاول مره بيكتب السبلنج الي عاوزو

 

[Ahmed Abuauf]

اه ممكن. عملتها من ٧ سنين

 

[Mahmoud Ossama]

مين اللي قالك كده
انا اول مره الموظف نفضلي وكتب اسامه باتنين S وانا كنت كاتبهاله ب S واحده عادي

 

[Ehab Elhagar]

طبعاً تقدر
وانا عملتها
هما هيدولك ورقة تكتب الاسم كامل بالانجليزي

 

[Ehab Elhagar]

وللعلم
تقدر تقولهم انه لازم بال spelling ده علشان انت واخد شهادات بنفس الاسم ولو غيرت مش هيقبلوا ده في التعيين

 

[Yusuf A Mahmoud Fahmy]

انا غيرت جواز ابني في نفس يوم استخراجه علشان اسمي كان بحروف مختلفة عن اللي في جوازي وغيروه واصريت استلمه في نفس اليوم واستلمناه في نفس اليوم علشان العيب من عندهم
هم في الاول قالولنا ان الاسم اللي هم كاتبينه صح وان youssef صح ومينفعش يطلع Yusuf
ورينالهم جواز اخته ومكتوب فيه Yusuf وجوازي وبعد شوية مقاوحة عملوه في نفس اليوم علشان كان في سفر تاني يوم

 

[Sherif Elhady]

اها ينفع انا عملتها قبل كده

 

[Ehab Elhagar]

بالمناسبة

الورقة بيديهالك تكتب في كل مرة مش المرة الاولي فقط

 

[Ahmed Masri]

للاسف عملت كدا وبردوا كتبوا اسم بنتي مختلف

 

[Rania Ali]

غالبا بيكتبوا بالحروف اللي عاوزينها في أول باسبور..
انا كنت عاوزاها Ranya و كل ورقي كدا
كتبوهالي غلط واتخانقت وطلبت واحد تاني ورفضوا.. وموظف هناك قالي أن الأسامي المشهورة لها املاء معين مبيخرجوش عنها ومتحاوليش عشان ملوش داعي
Rania و خلاص لزقت فيا مدى الحياة

 

[Rania Ali]

فيه دول خاصة أمريكا لو عرف ان نفس الشخص داخل مرتين باسمين مختلفين هيكون فيه مسائلة وتحقيق توصل للمصيبة لأن دي طريقة الهربانين والارهابيين في السفر

 

[Mahmoud Sherbini]

اه تقدر بس لازم تاكد عليه في حروف الاسم الجديد ، كنت بجدد جواز لقيت الاسم في الجواز الجديد طلع غير القديم ف طلعت واحد تالت جديد

 

[Luna Omar]

المفروض يلتزموا باللى انتم كاتبينه!!خاصة ان فى اكتر من سبيلنج للاسامى العربيه