S
Saif Lutfi
:: مسافر ::
رحلات و ذكريات
كوبا
السفر والتجوال حول العالم من اهم هواياتي، فقد أتاح لي معرفة ثقافات الشعوب و تغذية الابداع . بدأت رحلاتي منذ العام 1998 وشملت حتى الآن اكثر من 490 مدينة و 50 دولة حول العالم ممتدة في 5 قارات. زرت المدن الصاخبة ، والروحانية و التجارية والسياحية ، و القديمة و التي اعشقها على وجه الخصوص.
١ مارس ٢٠١٣:
بعد انتهاء مراسم زواجنا في التاريخ أعلاه ، كنّا قد خططنا ل" شهر العسل " والذي امتد ل 48 يوما شمل لندن، كانكون- المكسيك ، هافانا- كوبا ، Montego Bay- جامايكا ، ومنها لمانشستر. ارتأيت أن أوثق لهذة الرحلات بواحدة من أجمل المدن التي زرتها في حياتي وهي (هافانا) ، عاصمة كوبا او بى الاسبانى La Habana
تعتبر كوبا من آخر المعاقل الشيوعية في العالم، سكانها خليط من الافارقة المهاجرين من نيجيريا وجزيرة هايتى ، بالاضافة الى الإسبان الذين جاؤوا اليها منذ عهد كولومبس ، و بها اقليات من اليهود والعرب.
الكوبيون من اجمل مارأت عيناي: القوام ، والبشرة ، وجمال الوجه ، ومن أفضل الشعوب تعليما وثقافة، بالاضافة الى الحس الفني العالي.
توجهنا الى كوبا بعد قضاء عدة أيام في مدينة كانكون الساحلية المكسيكية، مدينة تطل على المحيط يؤمها السياح من أوروبا و أمريكا تحديدا ( عند وصولنا اليها، قام الضابط بالتحقق من جواز زوجتي السوداني الذي لم يسبق له ان رَآه من قبل ، وعند تحويلنا الى آخر اعلى رتبة من الضابط الاول وبدأ في سؤالنا بجدية اكبر، كاد ان يصاب بسكتة قلبيه عندما أخبرناه بأننا سنتوجه الى كوبا بعدها ( كوبا مثل اسرائيل عند العرب) مما جعلنا نمكث فترة أطول في مكاتبهم.
فى اثناء انتظارنا فى صف المغادرين فى مطار كانكون بالمكسيك ، سألنا مندوب الخطوط الكوبية ان كنّا Cubanos فرديت عليه وقلت No, Sudanese. هنا اطمأنت مريم وانبسطت " انو احنا بنشبه الناس السمحة دى."
بعد 1.15 ساعة ، حطت بنا الطائره في مطار Jose Marti ( لايتم ختم الجوازات ابدا بل يكتفون بإعطائك ورقة فقط، حتى لايؤثر ذلك على تدفق السياح من الولايات المتحدة تحديدا والممنوعون من السفر الى كوبا) .
حال خروجنا من المطار، شعرنا بأننا في Time Machine وعدنا الى خمسينيات القرن الماضى: موقف المطار ملئ بسيارات اللادا والفيات القديمة جدا، بخلاف سائق التاكسي الذي كانت سيارته جديدة نسبيا.
فى اثناء الطريق الطويل الى "وسط البلد" بدأت مغامرتنا، سائق التاكسي من أصول اسبانيه، مهندس بترول في العقد الخامس ، اغترب فى فنزويلا لفترة مكنته من شراء شقة و هذا التاكسي. أخبرنا عن العدد الكبير من الكوبيين المغتربين فى دول امريكا اللاتينية وخصوصا فنزويلا . كوبا أيضا تتمتع بأفضل الأطباء فى العالم ( يقدر الاطباء المغتربين بحوالي ٥٠ الف طبيب.)
ذكر لنا أهمية التعليم ومجانيته حتى المرحلة الفوق الجامعية ، وأن العلاج مجاني للكوبيين فى جميع المستشفيات مهما كان المرض ،و انك قد تدفع دولار واحد للعلاج كحد أقصى ! استعجبت من الحكومة التي توفر علاجا ل11 مليون مواطن بالاضافة الى تعليم عالي الجودة بالرغم من أن مواردها- كما أخبرنا السائق- هي السكر والسجائر الكوبي المعروف، وشراب ال Rum ، بالاضافة الى السياحة كأكبر عائد للبلد. الطريق ممتلئ بالسيارات الامريكية مثل الشيفرلويت موديل الخمسينيات، وعلى جانبيه يشمخ البنيان القديم منذ فترة الاستعمار الإسباني.
(نصيحة: لازم تنزل مع اسرة كوبية وما تتورط وتنزل فى فنادق خمسة نجوم. دى النصيحة الحتتقال ليك فى مواقع سياحية كتيرة. )
حجزت مع اسرة كوبية فى منزلها الكائن منذ العام 1883. المنزل كائن بوسط البلد وفيهو 3 غرف للإيجار ومعاهو حمام ملحق ، واصحاب المنزل عندهم شقة صغيرة معانا فى نفس السكن. جاري بى الحيطة طلع يهودى من اسرائيل فى العقد السادس من عمره ، ودائما ما بياخد الاجازة بتاعته هو وزوجتة كل عام بقضيها فى امريكا الجنوبية، تناولت معاهم وجبة افطار وحكى لي انو عنده شقة فى اسرائيل مؤجرها لى واحد سودانى ، وكيف انو السودانى ده زول طيب وكريم وبهتم ليهو بى العمارة وقت هو يكون فى اجازتة. لقيتو زول متعلم ومثقف وبحب السودان والسودانيين. استلطفت الونسة معاهو وزوجته والاستماع لى تجاربة التسفارية فى بلاد الانديز والمايا. مع انو سكنا بعض لبضعة ايام ، ولكن للأسف صادفتة مره واحدة فى الافطار.
فى اول صباح لنا بهافانا قررنا أن ناخد جولة حول المدينة. بالطبع تأتيك طاقة جميلة فتتمشى لكيلومترات دون ان تشعر. بدأنا بالكورنيش الى ان وصلنا Morro Castle ومنها قررنا ان نأخذ "ركشة": الركشة عبارة عن عجلة بى 3 لساتك وسواق ببدل فى شوارع شبه مسطحة. سواق العجلة طلع من مدينة الثوار سانتياغو دى كوبا وخريج جامعة تخصص علم إجتماع."
ما أذهلني هو أن السائق وبعد ان علم بأننا من السودان ، سألنا ان كنا من شماله ام جنوبه!! .. سؤاله هذا بدأ نقاشا عن حرب الجنوب والانفصال وحكومة المؤتمر الوطني، المامه بالسودان والعالم شئ يذهل. "كنا ناوين ناخده على مشوار صغير ، ولكن ثقافة السواق قادته الى باب رزق معانا لأنو طلع بتكلم انجليزى كويس ، وفى نفس الوقت مرشد سياحى مميز. الخريج ساعدنى قبال ما نخش اى متحف او ساحة ، او مكان مشهور ، بأعطائنا خلفية جميلة بتساعد على ماذا اتوقع والمفروض امسك زمن وين."
بدأنا رحلتنا بزيارات لأهم المعالم مثل ساحة الكنيسة Plaza de la Catedral ومصنع للسجائر الكوبي الفاخر الذي يصل فيه سعر علبة واحدة الى 500 دولار، زرنا الحانة المفضلة ل Ernest Hemingway واسمها Floridita "طبعا الحانة قبله للسياح وزحمة بطريقة خرافية ، واصلا كانت مطعم سمك وبار.. جنب الحانة فى اتنين نساوين عجائز مزينات بالاحمر اخدت معاهم صورة. طبعا ده كلو محومنا صاحبنا بالركشه.. الشوارع مليانة بى سياح من اوروبا وامريكا والجو ما بستحمل انك تحوم فيهو بى اكتر من رداء وفنلة خفيفة، وسفنجة."
لاحظت أن الشعب قنوع جدا بما يملك ويجيد الاستمتاع باللحظة بصورة مبهرة : حال خروجنا من المنزل، نجد اولاد وبنات "الحلة" واقفين يتونسوا مع بعض والعجائز بلعبو فى الدومنه. وانا حايم الاهالى بكونو فاتحين ابواب وشبابيك بيوتهم لانو الجو مسخن ومافى مكيفات طبعا الا فى الفنادق والبيوت المفتوحة للإيجار.
برضو بمثل الغناء والعزف حاجة اساسية وسط اى شلة بتتكون من 4 افراد، فبنكون ماشين فى الشارع وبنسمع ناس بتغنى او بترقص. كان بجينى احساس انو الناس دى كلها بتعرف بعض وبتحب بعض بطريقة انسانية.
نسبة الفقر شديدة لكن اى واحد سعيد فى وظيفتة وبأديها بهمة واخلاص ، احتمال لانو فرص العمل ما ساهلة عشان كدة الواحد بينتج ومبسوط بى العندو. نسبة للفرص المحدودة للعمل ، بتلقى ناس كتيرة شغالين فى الاعمال الفنية والابداعية ، فبتلقى الحاوى ، العازف ، الخطاط ، البهلوانى ، او واحد ملخبط جسمة ولبسة وعامل فيها زى تمثال شوكلاتة ، ولا عامل بناء. المهم انو الناس دى مبدعة فى خلق رزقهم ومستمتعين بعملهم.
البلد لا يوجد فيها شحادين تماما ، ومرة بالصدفة دخلت محل فاخر جدا اسمو Choclate Factory فيهو صناعة الشكولاتة بطريقة احترافية وزواره من الطبقه العليا. لقيت واحد شحاد ولبسه حاجة مزرية دخل المحل الراقى ده ، و وقف يشحد فى الزبائن ، اخد اللفة بتاعتة وطلع بما طلع ومافى زول طرده واصحاب المحل والموظفين كانوا متعايشين مع المنظر بصوره عاديه. حيت الانسانية والاشتراكية فى الشعب الكوبى وطلعت بى درس قيم جدا.
أجمل ما فى هافانا هى البرامج المسائية البكون فيها عرض حى. كلنا ممكن نكون سمعنا بنادى ال Beuna Vista وبتعنى (المنظر الجميل)والفلم الاتعمل عنه، وهو من أشهر النوادى العالمية وفيهو أخطر عرض ممكن تشاهده فى حياتك، وانا بقول شهادتى دى وحظيت بمشاهدة اكبر كرنفال رقص فى العالم بتاع ريو دى جانيرو فى البرازيل فى عام 2000 ولكن الشاهدتو لمده 3 ساعات يفوق الوصف. لازم تحجز وتدفع لتذكرتك مقدما ، والمكان ما الحاجة الكبيرة وبفتكر كدة اظرف عشان تشعر بحميمية المكان اكتر. طرابيز دائرية وبتتحلق حولها قروبات سياح من جميع انحاء العالم ، وديكور قديم وعتيق. الفرق متنوعة وفيها أحسن العازفين ، اعمارهم بتتراوح من الثلاثينيات الى السبعين، ومن اشهر الفنانين المرحوم ابراهيم فيريرا واغنيتة المشهورة Chan Chan ، كل الفنانين يمتلكون اصوات خرافية بيوصلو المشاهد لى مرحلة اغلب الحضور بطلع المسرح ويرقص. حتيتو معاهم وطلعت مريم ما مشغلة الكاميرا صاح واصبحت الليلة ذاكرة فقط.
المتحف القومى لى ال Fine Arts ده عالم براهو فيهو رسومات ومنحوتات من بداية ال 1900 إلى الألفية ورسامين مشهورين من كوبا ، بس معروفين فى امريكا اللاتينية. على ما اذكر فيهو قرابة ال 30 الف قطعة فنية وللأسف ممنوع التصوير فيهو.
أما متحف الثورة الكوبية فيهو توثيق لى كل مراحل ثورة 26 يوليو بقيادة المحامى فيديل كاسترو والدكتور جيفار Ernesto Che Guevara. زى اغلب المتاحف فيهو قميصه وبندقيتة، لكن اكتر حاجة شدتنى كان فيهو توثيق لى آلاف الاساتذة والمعلمين الكانوا بمشوا يدرسوا حول العالم لنشر المعرفة وليس الماركسية فقط، وطبعا عندهم جنود حاربو فى حروب الاستقلال فى افريقيا. برضو فيهو دبابة كاسترو الدخل بيها والطائرات الامريكية الضربوها. بقدر ما كاسترو عمل شغل مميز واهتم بالتعليم والصحة، ولكن كان ديكتاتور من الطراز الاول وصفى كل الحركات المسلحة الساعدته فى الاطاحة بى بابستا وهاجر فى فترة حكمه اكتر من 200 الف كوبى لى فلوريدا خوفا من بطشه.
الساحة القديمة Plaza Vieja منطقة جميلة وفيها صيانة جميلة للمبانى القديمة وكمية كبيرة بتاعة مطاعم ومحلات هدايا. دى قيلت فيها يوم كامل والواحد ما زهج من الطرب واللف فى ازقتها.
بعد مضى 5 ايام ركبنا سفينة ابحرت بينا حول الجزيرة و وقفنا يوم فى مدينة Santiago De Cuba ودى مدينة مشهورة بى الشعر ، والكتاب، وانطلقت منها ثورة 26 يوليو وفيها برضو مقبرة جميلة جدا لعظماء البلد مثل Mr. Bacardi. السفينة حامت بينا 3 ايام و نزلنا فى Montego Bay- Jamica. السفينة طبعا فيها شغب غريب مع اى برنامج يخطر على البال. من صباح الرحمان الى العرض المسائى. فى فيلمين بيستعرضوا الشغب حينزلو فى الكومنتات لامن اعمل شوية editing lool
Chan Chan
Candela- Ibrahim Ferrer
كوبا
السفر والتجوال حول العالم من اهم هواياتي، فقد أتاح لي معرفة ثقافات الشعوب و تغذية الابداع . بدأت رحلاتي منذ العام 1998 وشملت حتى الآن اكثر من 490 مدينة و 50 دولة حول العالم ممتدة في 5 قارات. زرت المدن الصاخبة ، والروحانية و التجارية والسياحية ، و القديمة و التي اعشقها على وجه الخصوص.
١ مارس ٢٠١٣:
بعد انتهاء مراسم زواجنا في التاريخ أعلاه ، كنّا قد خططنا ل" شهر العسل " والذي امتد ل 48 يوما شمل لندن، كانكون- المكسيك ، هافانا- كوبا ، Montego Bay- جامايكا ، ومنها لمانشستر. ارتأيت أن أوثق لهذة الرحلات بواحدة من أجمل المدن التي زرتها في حياتي وهي (هافانا) ، عاصمة كوبا او بى الاسبانى La Habana
تعتبر كوبا من آخر المعاقل الشيوعية في العالم، سكانها خليط من الافارقة المهاجرين من نيجيريا وجزيرة هايتى ، بالاضافة الى الإسبان الذين جاؤوا اليها منذ عهد كولومبس ، و بها اقليات من اليهود والعرب.
الكوبيون من اجمل مارأت عيناي: القوام ، والبشرة ، وجمال الوجه ، ومن أفضل الشعوب تعليما وثقافة، بالاضافة الى الحس الفني العالي.
توجهنا الى كوبا بعد قضاء عدة أيام في مدينة كانكون الساحلية المكسيكية، مدينة تطل على المحيط يؤمها السياح من أوروبا و أمريكا تحديدا ( عند وصولنا اليها، قام الضابط بالتحقق من جواز زوجتي السوداني الذي لم يسبق له ان رَآه من قبل ، وعند تحويلنا الى آخر اعلى رتبة من الضابط الاول وبدأ في سؤالنا بجدية اكبر، كاد ان يصاب بسكتة قلبيه عندما أخبرناه بأننا سنتوجه الى كوبا بعدها ( كوبا مثل اسرائيل عند العرب) مما جعلنا نمكث فترة أطول في مكاتبهم.
فى اثناء انتظارنا فى صف المغادرين فى مطار كانكون بالمكسيك ، سألنا مندوب الخطوط الكوبية ان كنّا Cubanos فرديت عليه وقلت No, Sudanese. هنا اطمأنت مريم وانبسطت " انو احنا بنشبه الناس السمحة دى."
بعد 1.15 ساعة ، حطت بنا الطائره في مطار Jose Marti ( لايتم ختم الجوازات ابدا بل يكتفون بإعطائك ورقة فقط، حتى لايؤثر ذلك على تدفق السياح من الولايات المتحدة تحديدا والممنوعون من السفر الى كوبا) .
حال خروجنا من المطار، شعرنا بأننا في Time Machine وعدنا الى خمسينيات القرن الماضى: موقف المطار ملئ بسيارات اللادا والفيات القديمة جدا، بخلاف سائق التاكسي الذي كانت سيارته جديدة نسبيا.
فى اثناء الطريق الطويل الى "وسط البلد" بدأت مغامرتنا، سائق التاكسي من أصول اسبانيه، مهندس بترول في العقد الخامس ، اغترب فى فنزويلا لفترة مكنته من شراء شقة و هذا التاكسي. أخبرنا عن العدد الكبير من الكوبيين المغتربين فى دول امريكا اللاتينية وخصوصا فنزويلا . كوبا أيضا تتمتع بأفضل الأطباء فى العالم ( يقدر الاطباء المغتربين بحوالي ٥٠ الف طبيب.)
ذكر لنا أهمية التعليم ومجانيته حتى المرحلة الفوق الجامعية ، وأن العلاج مجاني للكوبيين فى جميع المستشفيات مهما كان المرض ،و انك قد تدفع دولار واحد للعلاج كحد أقصى ! استعجبت من الحكومة التي توفر علاجا ل11 مليون مواطن بالاضافة الى تعليم عالي الجودة بالرغم من أن مواردها- كما أخبرنا السائق- هي السكر والسجائر الكوبي المعروف، وشراب ال Rum ، بالاضافة الى السياحة كأكبر عائد للبلد. الطريق ممتلئ بالسيارات الامريكية مثل الشيفرلويت موديل الخمسينيات، وعلى جانبيه يشمخ البنيان القديم منذ فترة الاستعمار الإسباني.
(نصيحة: لازم تنزل مع اسرة كوبية وما تتورط وتنزل فى فنادق خمسة نجوم. دى النصيحة الحتتقال ليك فى مواقع سياحية كتيرة. )
حجزت مع اسرة كوبية فى منزلها الكائن منذ العام 1883. المنزل كائن بوسط البلد وفيهو 3 غرف للإيجار ومعاهو حمام ملحق ، واصحاب المنزل عندهم شقة صغيرة معانا فى نفس السكن. جاري بى الحيطة طلع يهودى من اسرائيل فى العقد السادس من عمره ، ودائما ما بياخد الاجازة بتاعته هو وزوجتة كل عام بقضيها فى امريكا الجنوبية، تناولت معاهم وجبة افطار وحكى لي انو عنده شقة فى اسرائيل مؤجرها لى واحد سودانى ، وكيف انو السودانى ده زول طيب وكريم وبهتم ليهو بى العمارة وقت هو يكون فى اجازتة. لقيتو زول متعلم ومثقف وبحب السودان والسودانيين. استلطفت الونسة معاهو وزوجته والاستماع لى تجاربة التسفارية فى بلاد الانديز والمايا. مع انو سكنا بعض لبضعة ايام ، ولكن للأسف صادفتة مره واحدة فى الافطار.
فى اول صباح لنا بهافانا قررنا أن ناخد جولة حول المدينة. بالطبع تأتيك طاقة جميلة فتتمشى لكيلومترات دون ان تشعر. بدأنا بالكورنيش الى ان وصلنا Morro Castle ومنها قررنا ان نأخذ "ركشة": الركشة عبارة عن عجلة بى 3 لساتك وسواق ببدل فى شوارع شبه مسطحة. سواق العجلة طلع من مدينة الثوار سانتياغو دى كوبا وخريج جامعة تخصص علم إجتماع."
ما أذهلني هو أن السائق وبعد ان علم بأننا من السودان ، سألنا ان كنا من شماله ام جنوبه!! .. سؤاله هذا بدأ نقاشا عن حرب الجنوب والانفصال وحكومة المؤتمر الوطني، المامه بالسودان والعالم شئ يذهل. "كنا ناوين ناخده على مشوار صغير ، ولكن ثقافة السواق قادته الى باب رزق معانا لأنو طلع بتكلم انجليزى كويس ، وفى نفس الوقت مرشد سياحى مميز. الخريج ساعدنى قبال ما نخش اى متحف او ساحة ، او مكان مشهور ، بأعطائنا خلفية جميلة بتساعد على ماذا اتوقع والمفروض امسك زمن وين."
بدأنا رحلتنا بزيارات لأهم المعالم مثل ساحة الكنيسة Plaza de la Catedral ومصنع للسجائر الكوبي الفاخر الذي يصل فيه سعر علبة واحدة الى 500 دولار، زرنا الحانة المفضلة ل Ernest Hemingway واسمها Floridita "طبعا الحانة قبله للسياح وزحمة بطريقة خرافية ، واصلا كانت مطعم سمك وبار.. جنب الحانة فى اتنين نساوين عجائز مزينات بالاحمر اخدت معاهم صورة. طبعا ده كلو محومنا صاحبنا بالركشه.. الشوارع مليانة بى سياح من اوروبا وامريكا والجو ما بستحمل انك تحوم فيهو بى اكتر من رداء وفنلة خفيفة، وسفنجة."
لاحظت أن الشعب قنوع جدا بما يملك ويجيد الاستمتاع باللحظة بصورة مبهرة : حال خروجنا من المنزل، نجد اولاد وبنات "الحلة" واقفين يتونسوا مع بعض والعجائز بلعبو فى الدومنه. وانا حايم الاهالى بكونو فاتحين ابواب وشبابيك بيوتهم لانو الجو مسخن ومافى مكيفات طبعا الا فى الفنادق والبيوت المفتوحة للإيجار.
برضو بمثل الغناء والعزف حاجة اساسية وسط اى شلة بتتكون من 4 افراد، فبنكون ماشين فى الشارع وبنسمع ناس بتغنى او بترقص. كان بجينى احساس انو الناس دى كلها بتعرف بعض وبتحب بعض بطريقة انسانية.
نسبة الفقر شديدة لكن اى واحد سعيد فى وظيفتة وبأديها بهمة واخلاص ، احتمال لانو فرص العمل ما ساهلة عشان كدة الواحد بينتج ومبسوط بى العندو. نسبة للفرص المحدودة للعمل ، بتلقى ناس كتيرة شغالين فى الاعمال الفنية والابداعية ، فبتلقى الحاوى ، العازف ، الخطاط ، البهلوانى ، او واحد ملخبط جسمة ولبسة وعامل فيها زى تمثال شوكلاتة ، ولا عامل بناء. المهم انو الناس دى مبدعة فى خلق رزقهم ومستمتعين بعملهم.
البلد لا يوجد فيها شحادين تماما ، ومرة بالصدفة دخلت محل فاخر جدا اسمو Choclate Factory فيهو صناعة الشكولاتة بطريقة احترافية وزواره من الطبقه العليا. لقيت واحد شحاد ولبسه حاجة مزرية دخل المحل الراقى ده ، و وقف يشحد فى الزبائن ، اخد اللفة بتاعتة وطلع بما طلع ومافى زول طرده واصحاب المحل والموظفين كانوا متعايشين مع المنظر بصوره عاديه. حيت الانسانية والاشتراكية فى الشعب الكوبى وطلعت بى درس قيم جدا.
أجمل ما فى هافانا هى البرامج المسائية البكون فيها عرض حى. كلنا ممكن نكون سمعنا بنادى ال Beuna Vista وبتعنى (المنظر الجميل)والفلم الاتعمل عنه، وهو من أشهر النوادى العالمية وفيهو أخطر عرض ممكن تشاهده فى حياتك، وانا بقول شهادتى دى وحظيت بمشاهدة اكبر كرنفال رقص فى العالم بتاع ريو دى جانيرو فى البرازيل فى عام 2000 ولكن الشاهدتو لمده 3 ساعات يفوق الوصف. لازم تحجز وتدفع لتذكرتك مقدما ، والمكان ما الحاجة الكبيرة وبفتكر كدة اظرف عشان تشعر بحميمية المكان اكتر. طرابيز دائرية وبتتحلق حولها قروبات سياح من جميع انحاء العالم ، وديكور قديم وعتيق. الفرق متنوعة وفيها أحسن العازفين ، اعمارهم بتتراوح من الثلاثينيات الى السبعين، ومن اشهر الفنانين المرحوم ابراهيم فيريرا واغنيتة المشهورة Chan Chan ، كل الفنانين يمتلكون اصوات خرافية بيوصلو المشاهد لى مرحلة اغلب الحضور بطلع المسرح ويرقص. حتيتو معاهم وطلعت مريم ما مشغلة الكاميرا صاح واصبحت الليلة ذاكرة فقط.
المتحف القومى لى ال Fine Arts ده عالم براهو فيهو رسومات ومنحوتات من بداية ال 1900 إلى الألفية ورسامين مشهورين من كوبا ، بس معروفين فى امريكا اللاتينية. على ما اذكر فيهو قرابة ال 30 الف قطعة فنية وللأسف ممنوع التصوير فيهو.
أما متحف الثورة الكوبية فيهو توثيق لى كل مراحل ثورة 26 يوليو بقيادة المحامى فيديل كاسترو والدكتور جيفار Ernesto Che Guevara. زى اغلب المتاحف فيهو قميصه وبندقيتة، لكن اكتر حاجة شدتنى كان فيهو توثيق لى آلاف الاساتذة والمعلمين الكانوا بمشوا يدرسوا حول العالم لنشر المعرفة وليس الماركسية فقط، وطبعا عندهم جنود حاربو فى حروب الاستقلال فى افريقيا. برضو فيهو دبابة كاسترو الدخل بيها والطائرات الامريكية الضربوها. بقدر ما كاسترو عمل شغل مميز واهتم بالتعليم والصحة، ولكن كان ديكتاتور من الطراز الاول وصفى كل الحركات المسلحة الساعدته فى الاطاحة بى بابستا وهاجر فى فترة حكمه اكتر من 200 الف كوبى لى فلوريدا خوفا من بطشه.
الساحة القديمة Plaza Vieja منطقة جميلة وفيها صيانة جميلة للمبانى القديمة وكمية كبيرة بتاعة مطاعم ومحلات هدايا. دى قيلت فيها يوم كامل والواحد ما زهج من الطرب واللف فى ازقتها.
بعد مضى 5 ايام ركبنا سفينة ابحرت بينا حول الجزيرة و وقفنا يوم فى مدينة Santiago De Cuba ودى مدينة مشهورة بى الشعر ، والكتاب، وانطلقت منها ثورة 26 يوليو وفيها برضو مقبرة جميلة جدا لعظماء البلد مثل Mr. Bacardi. السفينة حامت بينا 3 ايام و نزلنا فى Montego Bay- Jamica. السفينة طبعا فيها شغب غريب مع اى برنامج يخطر على البال. من صباح الرحمان الى العرض المسائى. فى فيلمين بيستعرضوا الشغب حينزلو فى الكومنتات لامن اعمل شوية editing lool
Chan Chan
Candela- Ibrahim Ferrer
أناعبالي زور Las Tunas و جزيرة La Juventud