عندي سؤال بخصوص شهادة الإعفاء المؤقت للجيش ....

[Ahmed Khaled Moussa]

عندي سؤال بخصوص شهادة الإعفاء المؤقت للجيش . انا واخد الشهادة دي سنة 2014 وهي إعفاء مؤقت مش نهائي وانا عندي 25 سنة ووالدي 53 سنة حاليا فهل صلاحية الشهادة دي بتنتهي كل 3سنين فعلا ولازم تروح تجددها لحين انتهاء السبب يعني بلوغي سن الثلاثين عشان بس اذا حصل نصيب وحبيت اسافر حاجه زي كده متكونش عائق في استخراج تصريح السفر

 

[Ahmed E. Fahid]

أول حاجة ربنا يديك ويدي والدك الصحة وتمام العافية.
تاني حاجة طالما والدك لازال تحت الستين يبقى مش هايدولك الإعفاء النهائي بسهولة. عندك في التأجيل هاتلاقي تاريخ تجديد المعاملة هايبقى امتى ان شاء الله وكل مرة تروح هاتاخد قرار. يا تجديد التأجيل يا إعفاء نهائي وكل حالة حسب ظروفها.
وخلال الفترة اللي انت فيها معاك إعفاء مؤقت هاتفضل تاخد تصريح للسفر مع كل مرة تسافر فيها. زمان كان مدته 3 شهور وتقدر تستعمله أكتر من مرة دلوقتي ماعرفش الحال وصل لفين. لكن الأكيد طالما معاك التأجيل ساري هاتفضل تاخد تصريح سفر بدون مشاكل ان شاء الله.