K
Khalid Mamdouh Fayed
:: مسافر ::
من تجربتي في الشغل ان اغلب دول شينجن تقريباً واحد كصعوبة او كسهولة، الفرق بيبقي في التخصص المطلوب او اللغة، عملياً كلهم واحد و اظن نفس الاجراءات في حالة القبول. و دايماً المشكلة بتبقي في الاقامة و تصريح العمل، لو معاك اقامة ده بيسهل كتير او لو معاك ڤيزا D دراسة علي الاقل، طبعا مش مستحيل انك تكون في مصر و تتقبل و الشركة تبعتلك الورق و تقدم من مصر و لكن في الغالب ده بيبقي صعب شوية، لان الشركة بتقدم ملف و طلب لمكتب الهجرة انهم يعينوا اجنبي و بيثبتو بطريقة روتينية ان فيك مواصفات نوعاً ما مش موجودة في المحلي، زي انك بتتكلم عربي مثلاً او انهم علي سبيل المثال محتاجين حد يكون مصري او عربي يكون فاهم الثقافة العربية لانهم بيتعاملو مع عملاء عرب او مشاريع في بلاد عربية و هكذا.