تقريري المختصر عن رحلتي إلى صلالة: نعم هذه...

  • بادئ الموضوع بادئ الموضوع Ahmad Wadan
  • تاريخ البدء تاريخ البدء
عرض العطلة
#61
ميغركوش يجماعه هو كلامه صحيح اه لكن دلوقتي كل ال لونه أخضر ده بيموت من الحرارة والشمس والوقت ال بيتكلم عليه 3و 4 كانو حر موت في مسقط. ...وصلاله مش هتفرق كتير عن مسقط ..عموما عمان كلها جوها بيختلف درجات بسيطة عن بعض لكن مش بتوصل خالص للدرجه ال بتقول عليها ...!! صلاله جميله انا معاك وأماكن كتير كمان مش بس صلاله ...لكن درجة الحرارة مش زي مابتقول طبعا ....تقبل نقدي اخي ...ولكن حتي لا يذهب احد وينصدم من الحرارة الشديدة ...وبرضو ال عايز يسافر سياحه تحت أمره ومن عنيا اجبلو تاشيرة سياحه....لكن الصراحه حلوة
 
#62
افضل الاوقات للسفر في صلالة هو وقت الخريف فقط شهريوليو و اغسطس وسبتمبر لان بعد كدة الاماكن الخضرا دي مش بتكون موجودة وجو صلالة افضل بكتيييييييييير ومحتلف عن مسقط وافضل طبعا
 
عرض العطلة
#67
بالنسبه للاكل هناك
مشهورين بالمظبي فراخ و لحم
لحم الجمل منتشر جدا جدا هناك
فراخ مظبي بيكون علي الزلط
مش زي مصر يقولك مظبي و هو معمول علي الفحم
الفواكه هناك
الترجيل ( جوز العند الأخضر )
عندهم موز بتاع صلاله صغير كده
بس تأكله طعمه موز بالحليب بجد
و فاكهه بابايا
شيكو
 
#69
الدلع كله ✋✋✋✋
-2R5hf7WiC0eBqFFIjaVl-6UOaBhvCTn.jpeg
 
عرض العطلة
عرض العطلة
#77
الريال تقريبا ب 45 جنيه
الباص من مسقط لصلاله رايح بس 12 ريال
الفنادق تبدأ من 40 ريال حتي 90 ريال ف اليوم عشان ده موسم وبتكون مليانه
الشقق الفندقيه ارخص شويه وتبدأ من 30. ريال ف اليوم
وممكن تحجز شقه مفروشه هناك بس هتتعب ف الاول لحد ما تلاقي
تذكرة الطيران من مسقط لصلاله رايح جاي لان المسافه حوالي الف كيلو تقريبا من 70 ل 100ريال وبتزيد ف الموسم
الاكل كويس هناك واللحوم طازجه عشان عندهم مزارع طبيعيه كتير هناك وممكن تجرب اكلة المظبي وهي لحم مشوي ع الزلط الساخن وطعمها جميل جدا والخبز بتاعهم هناك جامد قوي ولحم الجمل هنا طعمه عالمي والفواكه تحفه والموز كويس جدا وقصب السكر وشراب النارجيل وعندهم فاكهه اسمها مستعفل وهي هي فاكهة القشطه عندنا وحلوه جدا
الصبح ممكن تروح الاوديه اللي بتجري فيها المايه زي وادي دربات وتروح عين ارزات وشاطي المغسيل. تطلع الجبل وكله مكتسي بالخضره والجو رذاذ وحاجه تفتح النفس وبالليل تروح الاسواق اللي ف البلد او المجمعات زي سوق بيت الحافه او تروح الكافيهات اللي ع الجبل او تحت والقعده حلوه جدا وممكن تشتري لحم وفحم وتشوي مع نفسك وتعيش 4 ايام كويسين
وبيكون فيه مهرجان اسمه مهرجان صلاله السياحي بيكون فيه معارض وحفلات فنيه لنجوم كبار بييجوا هناك منهم مصريين طبعا ومسرحيات كمان ونصل تليفزيوني مباشر يومي من هناك ع تلفزيون السلطنه وتكون مدة المهرجان شهر تقريبا يفضل انكم تروحوا ف وقت المهرجان
المدينه بتكون زحمه جدا ف الخريف بجنسيات دول مجلس التعاون الخليجي والمواطنين العمانيين اللي من برا صلاله
وفيها امن وامان والشرطه بتتعامل باحترام كبير مع الزائرين والمقيمين والشعب طيب ومحترم وبيحب يساعد
ممكن متشوفش الشمس لمدة اربع ايام عادي
 
عرض العطلة
عرض العطلة
عرض العطلة
أعلى أسفل
عودة
قائمة