اللى راح المغرب سياحة ..اكلت اكل مصرى فى مطعم ايه؟

[Sanae Souna]

في حجات احلى من الأكل في المغرب

 

[Mary Friday]

اللي عنده رد على سؤاله يقول، واللي معندوش ميعملش وصي عليه وبتاع ما يمكن جرب مغربي ومعجبوش يعني

 

[Omar Ghazi]

انا هسافر المغرب عشان اكل اكل مصري
ما اروح شبرا اقرب

 

[Wael Sayed]

وأمتى ناكل الطاجين والطنجيه والبسطيله

 

[Noah Serry]

هو في حد يبقى في المغرب.. ويسأل على مطعم مصري..
ده الاكل المغربي ما يتعوضش..
البلد كبيرة وجميلة وكل منطقة ممكن تاكل فبها الاكل بطعم مختلف عن المكان التاني..
..
جرب الاكل المغربي. الحلو والمالح..
الصبح مع نسمة البرد الجميلة تشرب الحريرة..
وبعد الشروق تاخد لك فورماج وعسل وزبدة وبيض..
وعلى الغدا عندك السفرة متنوعة جدا.. ما بين
الطاجين والكسكس والرفيسة والبسطيلة والطنجية..الخ..
وتحلي بعد كده بشوية حلويات من اللي قلبك يحبهم ويردوا الروح كده مع الشاي الاخضر بالنعناع.. ولو رحت جنوب ووسط المغرب اشرب الشاي بالزعفران
وطبعا لو مريت على مناطق ساحلية زي سيدي رحال والصويرة واسفين.. ما تفوتش الاكل البحري هناك..
في الصويرة كنا اربعة اشتركنا فيكابوريا وحدة بس وكملناها بالعافية.. الاكل البحري هناك له طرق طبخ مختلفة وجميلة..
وما تنساش لو رحت مراكش تجرب ال(ببوش)
وتشرب عصير البرتقال وتاكل لحم غنم من الشوايات..
..
مهما الواحد اتكلم عن الاكل المغربي مش هيوفيه حقه..
..
اجابة لسؤالك.. انا رحت المغرب اكتر من مرة وما لقيتش هناك مطعم مصري..او يمكن عشان ما دورتش..

 

[Mohamed Mostafa Farrag]

ليه

 

[Rania Ali]

تعليقات الناس سيئة جدا ليه؟
بتردوا السؤال بسؤال ليه؟؟ واسئلة استنكارية ليه؟
كل واحد حر يروح البلد اللي عاوز يروحله.. وحر ياكل كمان اللي يحب ياكله..

موش كل الناس بتحب تجرب أكل جديد.. وفيه ناس معدتها ونفسيتها حساسة لتغيير الأكل

 

[Tamer Alawy]

ياراجل. حد يروح المغرب ويدور على اكل مصري؟!!

 

[Ahmad Mohamed El Garhy]

يعني هاروح هناك وهادور علي اكل مصري!!! الاكل المغربي حلو جداااا

 

[Sanaa Bayoud]

عندما تذهب لبلد ما فمن الافضل تجربة الاكل الخاص به وذلك في حد ذاته تجربة جميلة انا من المغرب واقول لك الاطباق المغربية لذيذة جدا حتاكل صوابعك وراها

 

[DrMahmoud Elhelw]

والله الاكل المغربي مش حلو ..شوية اصناف حلوين .. هوا صحي عن الاكل المصري

 

[Eslam Agiba]

ملقتش اكل مصرى خالص ف المغرب بس اسمع فى مطاعم فول بس مكانش تركيزى ادور ع اكل مصرى هناك

 

[Eslam Agiba]

ممكن تلاقى ف حى بو سيجور بس ابحثى ع النت

 

[Hanan El-Gogary]

أغرب حاجه إن الكل الناس بتسافر تجرب حاجات جديدة وتشوف شعوب و بلاد و أكلات مختلفة إلا المصريين يسافرو يدوروا على الأكل المصرى والمطاعم والكافيهات المصرى ...طب ماكنت تفضل فى مصر وتوفر فلوسك .

 

[Hesham Hesham]

الكسكسي والمبكبكه بس انا لسه مارحتش

 

[Mohammed Badari]

فعلا الاكل المغربي جميل ولكن مش فيه حوادق كتير

 

[Mohammed Awad El-Masry]

كل مغربي طالما في المغرب

 

[Ahmad Lotfy]

يعني انت رايح المغرب علشان تاكل اكل مصري

 

[Eman Aly Hassan]

رايح المغرب حاتاكل اكل مصري بردو

 

[Ouyon Ghizlane]

ايه المدن او الاحياء اللى زورتوها فى المغرب ؟
وايه اسم اكتر مدينة عجبك الاكل فيها ؟
واسماء الاكلات اللى عجبتك ايه ؟