صباح الخير.. انا نازله اجازه مصر انا واسرتي...

[Asmaa Tawfeek]

صباح الخير..
انا نازله اجازه مصر انا واسرتي معانا طفل ٣ سنين.. عاوزين نروح مكان ٤ او ٥ ايام يكون حلو ومنلظر طبيعيه ممتعه وبحر .. بس المسافه متكونش بعيده بري لان معايا طفل.. ولو في اماكن بعيده ياريت تقولولي احجز ارخص تذكره طيران داخلي ازاي ..
ياريت تفيدوني بخبراتكم..
انا السنين اللي فاتت نزلت في ريزورتس في الغردقه والعين السخنه فخمين اوووي بس مخرجناش بره الفندق .. اكل ونوم مشفتش اي مناظر طبيعيه ولا بحر عدل .. نفسي نشحن طاقه ايجابيه السنه دي.

 

[Haidy Khattab]

F gedaaan انا كده بالظبط

 

[Ahmed Moussa]

راس شيطان الطبيعه في ابهي صورها
او دهب

 

[Manal Afifi]

وانا كمان بس في الشتاء

 

[Amany Nashed]

اطلعى رحلات سفارى ودايفنج المتعة الكاملة فى الغوص بصراحة

 

[Mostafa Elswefy]

مرسي علم مباشر من عندك

 

[Bilal Hani]

جمصه او بلطييم صدقيني هتنبسطي اوي =D

 

[دينا علي]

دهب طابا نويبع ، بس معرفش مش عيزاها بعيدة عن ايه بالضبط ؟ تداكر الطيران منكان تحجزي على شركة النيل لأن مصر للطيران غالية اوي

 

[Mohamed Badawy]

اللي معملش غطس مش فاهم هو فايته إيه، وأحسن حاجة بسعر معقول الغردقة

 

[Wesam Al-attar]

الغردقه .. الجونه وهم

 

[Ahmed A. Wanees]

و انا كمان
بس مش نازل مصر تاني خالص

 

[Sara S. Rady]

طالما مش عايزه مسافة بعيده برى يبقى روحي السخنه بورتو وتلفريك وهتتبسطى يإما لو هتستحملو سفر ١٠ ساعات برى من القاهرة ممكن تروحى مرسى علم احلى وانظف بحر ممكن تشوفيه وفي كل الاحوال لو اتفقتى مع شركة سياحة هي الي تحجزلك وتظبطلك بروجرام زي منتى عايزه احسن ماتحجزي لنفسك

 

[Amr Elfar]

اي مكان في مصر فية مناظر طبيعية مختلفة عن اللي رحتية قبل كدا هيكون فرهدة ومش مناسب للاطفال
وكمان حضرتك محددتيش الوقت
اعتقد ان مرسي مطروح هتبقي اقتراح كويس بس برضة يعتمد حضرتك نازلة امتي

 

[Ahmed Abou El Ela]

Rixos سيدى عبد الرحمن

 

[Amr Fadlallah]

سيوه

 

[Shiemaa Abdelraouf]

عايزه مناظر طبيعيه متسافري بره مصر شوفي تركيا بس مش اسطنبول روحي الاماكن الريفيه فيها اصحابي بيقولو حلوه اوي ولو ممكن ابعد شويه يبقه ماليزيا متتوصاش وممكن منها تروحي بالباخره علي بالي كلها مناظر تحفه

 

[Mostafa Napil]

دهب
السوبر جيت بياخد 10 ساعات
افضل مكان فيه طبيعة خلابة

 

[Rana Tarek]

دهب

 

[Mohamed Faris Labana]

لو عندك امكانيه تروحي بالطيران واماكن هاديه جدا ومريح نفسيا وفيها فنادق تحفه وتنفع للاطفال ولزوجك انصحك تروحي مرسي علم طيران وهناك اغلي التنقل بعربيات سياحه لان المسافات بعيده لو هتزوري اماكن والعربيه معاكي افضل لان هتصرفي علي المسافات ولكن تحفه جدا واغلب المنتجعات اجانب ومريحه وساحره وبالتوفيق

 

[Wael Gamal Eldeen]

بصي حضرتك عموما في الغردقة الريزورتس الهاي كلاس ما بيكونش فيها ترفيه بمعنى الترفيه عشان بيكون معظمها معمول للاستجمام اكثر من كونه ترفيه
لو حضرتك عايزه اوتيل معاملة ممتازة وفيه اكوا بارك والزرع والورد بالاوانه المبهجة في كل حته ومساحة ضخمة ومسابح كبيرة وكتير وضخمة وبحر معقول وممكن تعملوا في سنوركلينج ومطعم جيد جدا وخدمة ممتازة وقريب من منطقة سينزو مول وعلى مسافة مش بعيدة عن الغردقة البلد وانيميشن تيم ممتاز " ولكن الغرف متوسطة " وبسعر معقول
يبقى ارشح لحضرتك
ديزيرت روز
هتستمتعي