ع
عبدالرحمن حبت
:: مسافر ::
وزى ما بدأنا رحلتنا من برشلونه بحادثة نشل محترمه، كان برضو لازم تنتهي رحلتنا بمغامرة رهيبه جدا كانت هتكلفنا حوالي ١١٠٠٠ جنيه واحتمالية اننا ما ناخدش شنجن تاني
بداية الحكاية كانت في اليوم الأخير لينا في رحلة اوروبا كنا راجعين من مدينة ميلان الايطالية، كنت خايف صراحه يحصل اى حاجه مش لطيفه واحنا راجعين وعشان كده علمنا حسابنا انا وردينه مراتي ونزلنا بدري جدا ووصلنا المطار بدري وكل حاجه تمام وزى الفل
طبعا اللي سافر عارف انك لو اشتريت حاجات في اوروبا بتقدر تسترد الضرايب اللي دفعتها عليها ولكن الشرط الوحيد انك تاخدها من أخر مطار هتغادر منه لبلدك الأم ومن هنا بدأت المغامرة
احنا في سفريتنا اشترينا شوية حاجات مهمه كنا محتاجينها عملت مبلغ ضرايب حوالي 140 يورو وهو مبلغ كبير حقيقة وخصوصا بعد التعويم وكان لازم استرده
المهم رحت المطار وبدأت ادور على المكان اللي المفروض بسترد منه الفلوس دي ويمين وشمال لحد ما لقيته ولقيت طابور واقف عنده
فضلت واقف لحد ما وصلت لدوري اذ فجأه الاقي الموظف بيقولي لاء انت مش هنا
انت المفروض تروح تشحن شنطك وبعدين بتروح شباك تاني ومعاك الحاجه اللي انت هتسترد ضرايبها وتاخد فلوسك
قلت سهله معانا وقت لسه والدينا تمام
رحنا فطرنا ورحنا الكاونتر وشحنا الشنط وكله تمام، كان فاضل ساعه وعشر دقايق على معاد الطيارة قلت كويس هخلص موضوع الضرايب ده في عشر دقايق ونتحرك على بوابة الوصول
اتحركنا انا و ردينة محمد علي على هناك وفي طريقنا لقينا السوق الحره
المهم وقفت ردينه تتفرج على حاجات فقلتلها ايه رأيك تخليكي هنا تتفرجي وانا هخلص واجيلك بسرعه وهنا بدأت الكارثه
رحت المكان اللي المفروض اخد منه الفلوس لقيت الشباك مفتوح لكن مفيش حد قاعد
قلت مفيش مشكله خمسايه وراجع
عشر دقايق عدت وشويه بقت ربع ساعه وشوية بقت تلت ساعه وبدأت أتوتر جدا جدا
فات 25 دقيقة ولا حس ولا خبر وانا بدأت اقلق جدا واذا فجأة والله وزى نظام موظفين المجمع كده لقيت واحد ايطالي جاى مش عارف كان فين وبيعمل ايه وجاي براحته كده وبتناكه رهيبه، المهم قلت المهم نخلص عشان الحق الوقت والطياره
خلصت سريع سريع وطلعت من المكتب على السوق الحره وهنا بقى كانت كملت
دورت على ردينه في السوق الحره كلها مش لاقيها
لفيت 3 مرات ولا اربع وبرضو مفيش حاجه
الطياره معادها خلاص مش فاضل عليه حاجه وردينه مش موجوده وموبايلها معايا وهي مش عارفه اي حاجه عن معاد ولا مكان ولا رقم الطياره ولا اى حاجه
بدأت اسيب السوق الحره واخد المطار رايح جاي طولا وعرضا وحقيقة كان طوييييل جدا
ربع ساعه بحالها رايح جاي لحد ما خلاص يأست تماما وبدأت اتعب نفسيا وجسديا وكل حاجه ضلمت في وشي لدرجة اني بدأت اشوف ايه نظام الطيران اللي بعد كده وكانت طبعا مصيبه، اقل طياره هتطلع في نفس اليوم كانت بحوالي 6000 جنيه وهتطلع على الأقصر ومش من المطار ده كمان ولازم نفس اليوم عشان التأشيره اخر يوم فيا النهارده
مصيبه كمان بقى كانت ان الشنط بتاعتنا اتشحنت خلاص في الطياره واحنا مش هنكون معاها
مهما اوصفلكم مش هتستوعبوا الدنيا كانت ضلمه ازاي وسودا ازاي لكن لأخر لحظه كنت بجري في كل مكان على أمل اخير واذا فجأة ينقشع الظلام والاقي ردينه جاي من بعيد بتجري، مش هتتخيلوا اللقاء كان عامل ازاي
المشكله انها كانت تعبانه جدا هي كمان من كتر الجري وغالبا كانت فقدت الأمل وحالتها كانت صعبه جدا جدا، لسه هتبدأ تعيط من التعب والخضه قلتلها مفيش وقت خااااااالص
يلا بينا كان فاضل بالظبط 10 دقايق على موقع الاقلاع
طلعنا نجري نجري نجري نجري والله مش عارف اوصفلكم كنا عاملين ازايى
وصلنا على الجوازات لقيت صف طويل اخترقته واستأذنت منهم وكملنا جاريه لحد ما وصلنا لبوابة الطياره، كان خلاص كل الناس مشيت من بدري جدا، لقينا البنت بتقولنا بسرعه واخدت مننا التيكت وبصت على الجوازات وركبنا اخر عربية متجهه للطياره
مش هنسي اليوم ومش هنسي كرم ربنا ولطفه معانا وازاى كنا فعلا في مأزق فظيع وربنا نجانا منه والحمد لله
طبعا انا غلطان لاني سبت ردينه بدون اي وسائل اتصال ولاني اتأخرت عليها جدا فبدأت تقلق وبدأت تدور عليا وبقت هي تيجي اكون انا مشيت وهي تيجي انا امشي لحد ما اتقابلنا
اـــــــــــــــــ
طيب نتعلم ايه بقى من كل ده
1- روح بدري اخر يوم وخلص كل حاجاتك بدري واعمل حساب اى ظروف مش محسوبه
2- لو انت ومعاك حد فلازم يكون الشخص التاني معاه وسيلة اتصال بيك بأى حال من الأحوال
3- لازم يكون الجميع عارف معاد الطيارة وبتطلع منين وكل تفاصيلها
4- اوعوا ابدا ابدا تفقدوا الأمل لإنها بتخلص في لحظه
5- ربنا كريم اوي اوي وفي أى موقف ادعوه بصدق هتلاقوه معاكم
بداية الحكاية كانت في اليوم الأخير لينا في رحلة اوروبا كنا راجعين من مدينة ميلان الايطالية، كنت خايف صراحه يحصل اى حاجه مش لطيفه واحنا راجعين وعشان كده علمنا حسابنا انا وردينه مراتي ونزلنا بدري جدا ووصلنا المطار بدري وكل حاجه تمام وزى الفل
طبعا اللي سافر عارف انك لو اشتريت حاجات في اوروبا بتقدر تسترد الضرايب اللي دفعتها عليها ولكن الشرط الوحيد انك تاخدها من أخر مطار هتغادر منه لبلدك الأم ومن هنا بدأت المغامرة
احنا في سفريتنا اشترينا شوية حاجات مهمه كنا محتاجينها عملت مبلغ ضرايب حوالي 140 يورو وهو مبلغ كبير حقيقة وخصوصا بعد التعويم وكان لازم استرده
المهم رحت المطار وبدأت ادور على المكان اللي المفروض بسترد منه الفلوس دي ويمين وشمال لحد ما لقيته ولقيت طابور واقف عنده
فضلت واقف لحد ما وصلت لدوري اذ فجأه الاقي الموظف بيقولي لاء انت مش هنا
انت المفروض تروح تشحن شنطك وبعدين بتروح شباك تاني ومعاك الحاجه اللي انت هتسترد ضرايبها وتاخد فلوسك
قلت سهله معانا وقت لسه والدينا تمام
رحنا فطرنا ورحنا الكاونتر وشحنا الشنط وكله تمام، كان فاضل ساعه وعشر دقايق على معاد الطيارة قلت كويس هخلص موضوع الضرايب ده في عشر دقايق ونتحرك على بوابة الوصول
اتحركنا انا و ردينة محمد علي على هناك وفي طريقنا لقينا السوق الحره
المهم وقفت ردينه تتفرج على حاجات فقلتلها ايه رأيك تخليكي هنا تتفرجي وانا هخلص واجيلك بسرعه وهنا بدأت الكارثه
رحت المكان اللي المفروض اخد منه الفلوس لقيت الشباك مفتوح لكن مفيش حد قاعد
قلت مفيش مشكله خمسايه وراجع
عشر دقايق عدت وشويه بقت ربع ساعه وشوية بقت تلت ساعه وبدأت أتوتر جدا جدا
فات 25 دقيقة ولا حس ولا خبر وانا بدأت اقلق جدا واذا فجأة والله وزى نظام موظفين المجمع كده لقيت واحد ايطالي جاى مش عارف كان فين وبيعمل ايه وجاي براحته كده وبتناكه رهيبه، المهم قلت المهم نخلص عشان الحق الوقت والطياره
خلصت سريع سريع وطلعت من المكتب على السوق الحره وهنا بقى كانت كملت
دورت على ردينه في السوق الحره كلها مش لاقيها
لفيت 3 مرات ولا اربع وبرضو مفيش حاجه
الطياره معادها خلاص مش فاضل عليه حاجه وردينه مش موجوده وموبايلها معايا وهي مش عارفه اي حاجه عن معاد ولا مكان ولا رقم الطياره ولا اى حاجه
بدأت اسيب السوق الحره واخد المطار رايح جاي طولا وعرضا وحقيقة كان طوييييل جدا
ربع ساعه بحالها رايح جاي لحد ما خلاص يأست تماما وبدأت اتعب نفسيا وجسديا وكل حاجه ضلمت في وشي لدرجة اني بدأت اشوف ايه نظام الطيران اللي بعد كده وكانت طبعا مصيبه، اقل طياره هتطلع في نفس اليوم كانت بحوالي 6000 جنيه وهتطلع على الأقصر ومش من المطار ده كمان ولازم نفس اليوم عشان التأشيره اخر يوم فيا النهارده
مصيبه كمان بقى كانت ان الشنط بتاعتنا اتشحنت خلاص في الطياره واحنا مش هنكون معاها
مهما اوصفلكم مش هتستوعبوا الدنيا كانت ضلمه ازاي وسودا ازاي لكن لأخر لحظه كنت بجري في كل مكان على أمل اخير واذا فجأة ينقشع الظلام والاقي ردينه جاي من بعيد بتجري، مش هتتخيلوا اللقاء كان عامل ازاي
المشكله انها كانت تعبانه جدا هي كمان من كتر الجري وغالبا كانت فقدت الأمل وحالتها كانت صعبه جدا جدا، لسه هتبدأ تعيط من التعب والخضه قلتلها مفيش وقت خااااااالص
يلا بينا كان فاضل بالظبط 10 دقايق على موقع الاقلاع
طلعنا نجري نجري نجري نجري والله مش عارف اوصفلكم كنا عاملين ازايى
وصلنا على الجوازات لقيت صف طويل اخترقته واستأذنت منهم وكملنا جاريه لحد ما وصلنا لبوابة الطياره، كان خلاص كل الناس مشيت من بدري جدا، لقينا البنت بتقولنا بسرعه واخدت مننا التيكت وبصت على الجوازات وركبنا اخر عربية متجهه للطياره
مش هنسي اليوم ومش هنسي كرم ربنا ولطفه معانا وازاى كنا فعلا في مأزق فظيع وربنا نجانا منه والحمد لله
طبعا انا غلطان لاني سبت ردينه بدون اي وسائل اتصال ولاني اتأخرت عليها جدا فبدأت تقلق وبدأت تدور عليا وبقت هي تيجي اكون انا مشيت وهي تيجي انا امشي لحد ما اتقابلنا
اـــــــــــــــــ
طيب نتعلم ايه بقى من كل ده
1- روح بدري اخر يوم وخلص كل حاجاتك بدري واعمل حساب اى ظروف مش محسوبه
2- لو انت ومعاك حد فلازم يكون الشخص التاني معاه وسيلة اتصال بيك بأى حال من الأحوال
3- لازم يكون الجميع عارف معاد الطيارة وبتطلع منين وكل تفاصيلها
4- اوعوا ابدا ابدا تفقدوا الأمل لإنها بتخلص في لحظه
5- ربنا كريم اوي اوي وفي أى موقف ادعوه بصدق هتلاقوه معاكم
