مساء الخير،، انا مسافرة ان شاء الله venice اخر...

[SaLma EL Suify]

مساء الخير،، انا مسافرة ان شاء الله venice اخر الشهر لمدة 3 ايام ، عايزة اى نصايح او تجارب او خبرات سابقة تفيدنى او حاجات اتجنبها و اماكن ازورها

 

[Sameh Mohamed]

يقال انها مش محتاجة اكتر من يومين بليلة واحده وانها غالية اوي

 

[Youseif Magdy]

هى صغيرة اوى و هتوهى هناك عادى جدا بس هتنبسطى و غالبا هتزهقى فى تالت يوم فممكن تروحى اى جزيرة من الى جنبها انا روحت واحدة اسمها ليدو

 

[Sherif Ahmed Shikoo]

في مدينه قريبه منها باين فيرونا ممكن تباتي فيها وتروحي بفنيس بالقطر هتبقا ارخص بكتير

 

[Hend Salem]

فينيسيا زى ما انت عارفة كلها مياة
يعنى الشوارع بتاعتها الرئيسية عبارة بحر
نظام المواصلات عندهم الباص المائى و له مواعيد و routes كانه باص عادى جدا ... بتشترى تذكرة تركبى بيها اليوم كله .... الشارع الرئيسى اسمه جراند كانال ... و اكبر كوبرى فيها اسمه ريالتو .... و الميدان الرئيسى سان ماركو .... و ممكن تطلعى البرج فيه و تشوفى فينيسيا كلها ... و تدخلى قصر الدوق او الحاكم .... ممكن تروحى جزر مورانو و بورانو بنفس تيكت الباص ...و تزورى مصانع الزجاج هم مشهورين بصناعة الزجاج ... و تشترى هدايا تذكارية من اجمل و اجود انواع الزجاج فى العالم .... ماتركبيش الجندولا ... ب ١٠٠ يورو للفرد و تحسى انها هتتقلب بيكى فى المياة ... الاكل غالى هناك ... الافضل تاخدى حاجات معاكى او تشترى من السوبر ماركت ..... الحمام هناك ودود جدا هييجى يقف على كتفك او راسك لوحده ... ممكن تاخدى معاكى حبوب تاكليه فى ميدان سان ماركو
بوست كنت عاملاه عن فينيسيا
/Hend Salem

 

[Mohamed Mamdouh]

متركبيش الgondola عشان غالية جداااً و أخرها نص ساعة.
أنصحك عشان توفرى تركبى الvaporetto من قدام الferrovia و ده زى الأتبيس النهرى كده, هتلفى بيه venice كلها و هيخدك فى الGrand canal و انزلى فى أخر محطة إسمها Burano دى جزيرة كلها عمرات ملونة زى الصورة.
اتمشى كتير و متنسيش تعدى على Rialto و piazza San Marco و شوفى البلد من فوق من البرج.

 

[Mohamed El Fouly]

يوم واحد من ميلانو صد رد كفايه اوي عليها

 

[SaLma EL Suify]

طيب يا شباب معلش دلوقتى ايه احسن مكان اسكن فيه يكون قريب من venice و فى نفس الوقت لمطار treviso اللى انا هنزل فيه ،، انا ماعنديش مشكلة و انا راحية لسة لكن المشكلة ان طيارة الرجوع الساعة 9:30 الصبح فمحتاجة اعرف ايه وسيلة المواصلات اللى تكون متاحة فى ميعاد بدرى كدة علشان ماتسوحش

 

[Noura Ibrahim]

انتى مسافره عادى واللا مع شركه سياحه؟؟

 

[Ahmed Zaki Al-Bossaty]

اختيار جميل .. اللي ماسفرش فينيسيا .. فاته كتير
يفضل يبقى معاكي نت عشان Google Map هيسهل عليكي كتير تركبي ايه بالظبط وتتحركي إزاي لأنها شوارع ملتوية ضيقة
لو مش هتقدري نت يبقى تدخلي نت من هنا على Google تحددي أماكن وخط سيرك بوجه عام والمحطات اللي هتركبي منها وتحفظيها أو تطبعيها
مفيش تاكسي أو عربيات .. النقل البحري بس.. الاتوبيس البحري 7 يورو اتجاه واحد.. اعتقد اليوم كامل بـ 20 يورو
او تاكسي يخت وده غالي مش أقل من 60 يورو
متنزليش ليدو إلا لو عايزه شواطيْ بس
انزلي فينيسيا نفسها ..
معرفش هتنزلي على المطار مباشرة ولا باص .. عامة من بره فينيسا هتركبي من Mestre باص ليها تقريباً 1.5 يورو..
ممكن تباتي في Mestre بره فينيسا أرخص
المكان الأكتر سياحية هناك piazza San Marco
لو هتضحي و هتنزلي في هوستيل قريب منه هتبقى في وسط فينسيا
الجزر المفضلة Murano و أبعد شوية Burano وده يوم للجزر بتذكره أتوبيس بحري واحده
التمشية عامة مش هتشبعي منها و مش هقولك اكتشفي جمال التسوق والهدايا اللي بتتصنع هناك بس
الأكل: في مطاعم حلال وفيه بيتزا تونا أو خضار تبدأ من 6 يورو
زفيه سندوتشات تونا كبييره 4 يورو.. معظم المطاعم فيها شباب من بنجلادش ومسلمين هيدلوكي على الاكل الحلال
سوبر ماركت هناك قريب من نفس المنطقة Coop أسعاره حلوة
أنا قعدت 3 ليالي .. كنت عايز أقعد كمان لأن روحها حلوة اوي
رحلة سعيده

 

[Ahmed Mamdouh Shaheen]

Don't forget tasting the best fresh pasta in Venice ( Dal Moro's fresh pasta )

 

[Ahmed Mohamed Hassan]

وفري بلاش فينيسيا نصيحة وبدل 3 ايام في فينيسيا نفس المبلغ تقدري تقضي بية شهر كامل في البحر المتوسط بالترتيب كدة بلطيم جمصة راس البر.

 

[Mohamed Yassin]

يومين حلو قوي تروحي الكاتدرائيه وتركبي المركب بتاعتهم ديه النص ساعه ب١٠٠ يورو .... تشتري منتجات زجاج مورانو وبس ولو مسفرة بالقطر شوفي فندق قدام المحطة

 

[Mohamed Alsayed]

كفايه عليها يوم واحد انا رحتها يوم واحد من سلوفينيا ورجعت بليل لوبليانا

 

[Eman Mabrouk]

F

 

[Æsrææ Abu-Bakr]

الاوبرا بتاعتها حلوة قوي
في مكان اسمه Libreria Acqua Alta ظريف
بليل في الغالب حتقضيه في piazza san marco تسمعي الفرق الي بتعزف في الكافيهات و ممكن تفكي الكيس و جربي ترامسيو عندهم

 

[صبرة عبد الحميد]

مبدئيا هي مدينة واهمة بجد وجمالها كله بالليل وعلي فكرة مش غالية خالص سواء اكل او سوفينيز تجبيها منها بيانتست سان ماركو اشهر حاجة هناك .اشتري اول ما توصلي تكيت الباص كدة انا مش متذكرة اوي كلن اسمها اية بس بتفضلي تلفي بيها طول اليوم اصحبنا اللي كانوا معانا لانهم طاليان طلعونا من فنيسا علي اللي كلها في الماية علي شاطئ فنيسا وبرده حلو اوووي اووووي .الحمام والتصوير معاه طبعا زي كل اوربا اصلا حاجة ماتتفوتش .الجندول اللي هناك الناس بتتفق وتفاصل في سعره كمان عن تجربة وممكن تتفقي مع اي سياح وتاجروه مع بعض وبتفضلوا تتصوروا وكدة وطبعا ارخص ما تاخده لوحدك

 

[Marian Wahba]

انا عايشة في فينيسيا لو عايزة تسالي عن حاجة
بصي اهم الأماكن تروحي ميدان سان ماركو و طبعا تدخلي الكاتدرائية تشوفيها فعلا جميلة و تطلعي البرج دا ب ٥ يورو و هاتشوفي المتحف و الميدان من نقطة عالية
تروحي جزر مورانو و بورانو و تورشلو
تروحي كوبري ريالتو و في كذا كنيسة مفتوحين للزوار بجد تحسي انك داخلة متحف كبير
التحركات هنا بالمراكب الاكل مايعتبرش غالي عموما هاتنبسطي جدا لان الشمس هنا بتغرب متاخر الساعة٩ بليل فاتحسي ان اليوم فيه بركة

 

[Abdallah Hassan Abdelkareem]

•شوفي الاوبرا اسمها Teatro la frnice ودي من اشهر دار الاوبرا و اقدمها على مستوى اوروبا
•زيارة جزر Murano & Burano جميله جدا و تستحق الزيارة و ممكن من هناك تشتري تذكار من المصنوعات الزجاجية و على ما اذكر تقدري تروحيها من محطة San Marco رحلة جماعية
• ممكن بليل بعد ماتقضي يومك تروحي ميدان San Marco في كافيهات هنك جميلة جدا و كل كافيه في باند موسيقي بيسمعوكي معظم المزيكا الكلاسيكية و طبعا لازم تجربي الTiramsiu عندهم لانك مش هتكليه في اي حته في العالم احلى منه
• رحله بالجندول طبعا في ال Grand canal هيه غالية شوية الساعه او الfull ride ب ٨٠ يورو لكن ممكن تاخدي نص ساعه او half ride ب ٤٠ يورو
•لو ناوين تروحوا شاطئ و تنزلو البحر فيه هناك Lido beach بيترحلو بالتاكسي النهري
•rialto bridge
•Bridge of sighs
عامة Venice من المدن الجميلة و الي مش هتشوفي زيها ابدا و مليانة بالاماكن عشان كدا بردك trip advisor ممكن يساعدك عالاماكن اللي ممكن تشوفيها حسب اهتماماتك

 

[Passant Youssef]

Mmkn t7gzi f hostel generator .. Msh ghali khals w hlw gdn w fi nos venice