K
Kerolos Attia
:: مسافر ::
أنا طالب جامعي مصري سافرت 6 دول.
أنا مرة كنت في صفحة بتساعد الناس انها تسافر بريطانيا و تدرس هناك ولكن مشكلة الناس ان مفيش اي مساعدة مالية بتتقدم لهم فكان فيه حالة حزن و خيبة امل لما بيسألوا عن المصاريف. فأنا كتبت تعليق قلت فيه ان فيه دول تانية في أروبا ممكن الناس تدرس فيها ارخص من بريطانيا و كمان قلت لو حد عايزني اساعده ممكن يبعتلي رسالة و اللي حصل ان ناس كتيرة جدا باعتتلي رسايل فامقدرتش ارد على كل واحد فيهم و بعد كده عرفت ان دايما لما حد يسمع أنك سافرت بيسألك ازاي وطبعا انت بتقوله على الاجرأات وهكذا وطبعا الموضوع بيبقى صعب لما ناس كتير تسألك وكمان أنت ممكن تنسى تقوله على حاجات وده طبعا مش بالقصد.
عشان كده أنا قررت اني استعمل خبرتي في مجال تكنولوجيا المعلومات و أعمل مشروع اساعد بيه كل الناس اللي عايزة تسافر.
هو هيكون موقع الكتروني على الإنترنت.
أكيد أنت بتسأل ايه الفرق طالما موجود جروب على الفسبوك و طبعا الفرق كبير.
1- الجروب بتضيع منه الحاجات بمعنى أنه صعب أنك تلاقي حاجة أنت كتبتها قبل كده.
2- ماعندكش أي نوع تحكم على الفسبوك مثلا ماتقدرش تغير الخط أو حجمه على سبيل المثال لكن على الموقع تقدر تغير اي حاجة أنت عايزها.
3- وديه اهم واحدة ان الجروب مقفول بمعنى ان أي حد هيحاول يعمل بحث على جوجل مش هايظهرله الجروب وكده مش هنقدر نساعده.
4- الموقع هيتحط عليه مقالات وطبعا مع تغير القاونين نقدر نعمل تحديث لي المقالات ديه و مش محتاجين نكتبها من أول وجديد.
5- سهولة تتبع المقالات والتحكم فيها.
6- تتبع الاحصاءات زي ان احنا نعرف متابعنا جايين من اني دولة و ايه أكتر حاجة بتهمهم و أكتر مقالة بيشوفها و حاجات تانية كتير جدا.
7- الناس اللي هتقدر تدخل على الموقع أكتر بكتير من الناس اللي تقدر تدخل على الجروب و ده ببساطة لأن الجروب مغلق و كمان لانه صفحة على الفيسبوك و مش الإنترنت.
8- المشاركات على الموقع هتبقى أكتر عشان نقطة رقم 8 وكمان عشان مفيش الزام ان حد يكون عنده فيسبوك.
9- عدد اعضاء الجروب حوالي 126 ألف (في وقت كتابة البوست) و طبعا العدد اللي بيشارك اقل بكتير و لكن الموقع في اليوم الواحد هيدخل عليه أرقام أكتر بكتير خصوصا انه متوفر بلغتين.
طبعا فيه اختلافات كتير غير دول بس أنا مش اقول كل الافكار عشان أصلا في شوية أفكار اتسرقت.
طب ايه مثلا أهداف الموقع؟
1- تشجيع الناس على السفر وكمان مساعدتهم.
2- نقدم خدمة احترافية أكتر.
3- نشارك الناس بالخبرات اللي كل واحد فينا جمعها.
4- نفهم الناس معنا المصطلحات مثلا زي overbooking و ليه الشركات بتعمله.
5- لو الموقع بقى فيه ناس كتير بتابعه و عدد الزوار كتر ممكن نقدر نتفق مع مواقع وشركات وفنادق اجنبيه على خصومات وعروض لي متابعينا.
6- نعرف الناس معلومات كتير عن ازاي يتعاملوا في بلاد غريبة و ازاي يكسروا حاجز اللغة ومش بس كده لا كمان يعملوا ايه لو اتسرقوا وازاي يتعملوا مع المشاكل اللي بيقابلوها.
طبعا في أهداف أكتر و حاجات هتزيد مع الوقت و طبعا زي ماقلت قبل كده مش عايز أقول كل الافكار هنا.
في البداية أنا قررت ان الموقع مايكونش فيه ناس بتكتب غير اصحابه ولكن لأن كل واحد فينا عنده تجربه وخبرة مختلفة قررت فتح باب الكتابة لي كل المسافرين اللي ممكن تساعد الناس وتزود من قيمة الموقع.
كاتب المقالة هيتكتب اسمه وكمان نبذة بسيطة عنه و كل الفضل هيكون ليه.
نرجو كتابة المقالة باللغة العربية الفصحى عشان كل الدول العربية تقدر تفهمها.
طبعا تكلفة الموقع كلها عليا ومش مطلوب من اي فرد ان يدفع اي مبلغ من المال علشان يكتب على الموقع.
أنا هاهتم بالجزء التكنولوجي والمادي للموقع.
الناس اللي هتشارك في الموقع كتير من حيث الكتابة ومساعدة الناس هيبقى ليها سلطات وقدرات أكتر في الموقع زي professional email اللي هو مثلا kero@travellovers.com و كمان هيبقى ليهم حساب مخصوص على الموقع و حاجات تانية كتير.
هل ده معناه ان الجروب ملهوش لازمة؟ أو ان احنا نقدر نستغنى عن الجروب؟
الاجابة طبعا لا الموقع هيكون عليه مقالات شاملة زي مثلا "الدليل الشامل للسفر الى فرنسا" وده طبعا هيكون فيه مثلا كل حاجة عن ازاي تسافر لي فرنسا من حيث المتطلبات والفلوس في البنك إلخ...
لكن طبعا الاسئلة والمشاكل وكل المواضيع التانية هتبقى على الجروب ده غير ان الناس تقدر تاخد لينك من الموقع عشان تجاوب مثلا على واحد سأل على الجروب ازاي يسافر لي فرنسا على سبيل المثال.
اقسام الموقع مش بس هيبقى فيها نصايح السفر وشرح متطلبات التأشيرات ولكن حاجات تانية كتير مش هقدر اكشف عنها دلوقتي.
فيه طبعا معلومات كتير جدا مش هعرف اكتبها عشان هاتخد وقت كتير.
حاليا الموقع online و بيدفعله فلوس عشان يفضل شغال بس هو لسة تحت الانشاء و قريبا جدا هيخلص فانا كنت كده كده هغير الاسم لو حد عندو اقتراح لاسم ممكن يكتبه في تعليق أو يبعتهولي في رسالة.
لو حد عايز يساهم في الموقع بأي شكل زي أنه يكتب مقالة ممكن يقولي في تعليق أو يبعتلي رسالة و مش لازم تكتب أكتر من مقالة أو اي حاجة من الكلام ده كفاية أنك تشاركنا رحلتك وخبرتك وكمان ممكن تشارك عن طريق أنك تقول لكل قريبك واصحابك وكل واحد عايز يسافر عن الموقع.
أنا كنت عايز اوريكم صور من الموقع بس للاسف بسبب أن فيه بعض الافكار اللي اتسرقت فانا مش هقدر ابعت الصور ديه غير للناس اللي ناوية تساعد بس.
و احب اكرر تاني أن فيه أفكار أكتر و هتفيد ناس أكتر بكتير كمان و ان كل واحد هيشارك هيبقى ليه الفضل و اسمه هيكتب و كمان نبذة عنه ده طبعا غير الناس اللي هتشارك كتير و كمان الناس اللي مش عايزة شخصيتها تتعرف ممكن تشارك بردو.
أنا عارف ان البوست طويل و اسف اني طولت و أتمنى فعلا ان يكون فيه مساهمين كتير عشان نقدر نساعد اكبر عدد من الناس.
أنا مرة كنت في صفحة بتساعد الناس انها تسافر بريطانيا و تدرس هناك ولكن مشكلة الناس ان مفيش اي مساعدة مالية بتتقدم لهم فكان فيه حالة حزن و خيبة امل لما بيسألوا عن المصاريف. فأنا كتبت تعليق قلت فيه ان فيه دول تانية في أروبا ممكن الناس تدرس فيها ارخص من بريطانيا و كمان قلت لو حد عايزني اساعده ممكن يبعتلي رسالة و اللي حصل ان ناس كتيرة جدا باعتتلي رسايل فامقدرتش ارد على كل واحد فيهم و بعد كده عرفت ان دايما لما حد يسمع أنك سافرت بيسألك ازاي وطبعا انت بتقوله على الاجرأات وهكذا وطبعا الموضوع بيبقى صعب لما ناس كتير تسألك وكمان أنت ممكن تنسى تقوله على حاجات وده طبعا مش بالقصد.
عشان كده أنا قررت اني استعمل خبرتي في مجال تكنولوجيا المعلومات و أعمل مشروع اساعد بيه كل الناس اللي عايزة تسافر.
هو هيكون موقع الكتروني على الإنترنت.
أكيد أنت بتسأل ايه الفرق طالما موجود جروب على الفسبوك و طبعا الفرق كبير.
1- الجروب بتضيع منه الحاجات بمعنى أنه صعب أنك تلاقي حاجة أنت كتبتها قبل كده.
2- ماعندكش أي نوع تحكم على الفسبوك مثلا ماتقدرش تغير الخط أو حجمه على سبيل المثال لكن على الموقع تقدر تغير اي حاجة أنت عايزها.
3- وديه اهم واحدة ان الجروب مقفول بمعنى ان أي حد هيحاول يعمل بحث على جوجل مش هايظهرله الجروب وكده مش هنقدر نساعده.
4- الموقع هيتحط عليه مقالات وطبعا مع تغير القاونين نقدر نعمل تحديث لي المقالات ديه و مش محتاجين نكتبها من أول وجديد.
5- سهولة تتبع المقالات والتحكم فيها.
6- تتبع الاحصاءات زي ان احنا نعرف متابعنا جايين من اني دولة و ايه أكتر حاجة بتهمهم و أكتر مقالة بيشوفها و حاجات تانية كتير جدا.
7- الناس اللي هتقدر تدخل على الموقع أكتر بكتير من الناس اللي تقدر تدخل على الجروب و ده ببساطة لأن الجروب مغلق و كمان لانه صفحة على الفيسبوك و مش الإنترنت.
8- المشاركات على الموقع هتبقى أكتر عشان نقطة رقم 8 وكمان عشان مفيش الزام ان حد يكون عنده فيسبوك.
9- عدد اعضاء الجروب حوالي 126 ألف (في وقت كتابة البوست) و طبعا العدد اللي بيشارك اقل بكتير و لكن الموقع في اليوم الواحد هيدخل عليه أرقام أكتر بكتير خصوصا انه متوفر بلغتين.
طبعا فيه اختلافات كتير غير دول بس أنا مش اقول كل الافكار عشان أصلا في شوية أفكار اتسرقت.
طب ايه مثلا أهداف الموقع؟
1- تشجيع الناس على السفر وكمان مساعدتهم.
2- نقدم خدمة احترافية أكتر.
3- نشارك الناس بالخبرات اللي كل واحد فينا جمعها.
4- نفهم الناس معنا المصطلحات مثلا زي overbooking و ليه الشركات بتعمله.
5- لو الموقع بقى فيه ناس كتير بتابعه و عدد الزوار كتر ممكن نقدر نتفق مع مواقع وشركات وفنادق اجنبيه على خصومات وعروض لي متابعينا.
6- نعرف الناس معلومات كتير عن ازاي يتعاملوا في بلاد غريبة و ازاي يكسروا حاجز اللغة ومش بس كده لا كمان يعملوا ايه لو اتسرقوا وازاي يتعملوا مع المشاكل اللي بيقابلوها.
طبعا في أهداف أكتر و حاجات هتزيد مع الوقت و طبعا زي ماقلت قبل كده مش عايز أقول كل الافكار هنا.
في البداية أنا قررت ان الموقع مايكونش فيه ناس بتكتب غير اصحابه ولكن لأن كل واحد فينا عنده تجربه وخبرة مختلفة قررت فتح باب الكتابة لي كل المسافرين اللي ممكن تساعد الناس وتزود من قيمة الموقع.
كاتب المقالة هيتكتب اسمه وكمان نبذة بسيطة عنه و كل الفضل هيكون ليه.
نرجو كتابة المقالة باللغة العربية الفصحى عشان كل الدول العربية تقدر تفهمها.
طبعا تكلفة الموقع كلها عليا ومش مطلوب من اي فرد ان يدفع اي مبلغ من المال علشان يكتب على الموقع.
أنا هاهتم بالجزء التكنولوجي والمادي للموقع.
الناس اللي هتشارك في الموقع كتير من حيث الكتابة ومساعدة الناس هيبقى ليها سلطات وقدرات أكتر في الموقع زي professional email اللي هو مثلا kero@travellovers.com و كمان هيبقى ليهم حساب مخصوص على الموقع و حاجات تانية كتير.
هل ده معناه ان الجروب ملهوش لازمة؟ أو ان احنا نقدر نستغنى عن الجروب؟
الاجابة طبعا لا الموقع هيكون عليه مقالات شاملة زي مثلا "الدليل الشامل للسفر الى فرنسا" وده طبعا هيكون فيه مثلا كل حاجة عن ازاي تسافر لي فرنسا من حيث المتطلبات والفلوس في البنك إلخ...
لكن طبعا الاسئلة والمشاكل وكل المواضيع التانية هتبقى على الجروب ده غير ان الناس تقدر تاخد لينك من الموقع عشان تجاوب مثلا على واحد سأل على الجروب ازاي يسافر لي فرنسا على سبيل المثال.
اقسام الموقع مش بس هيبقى فيها نصايح السفر وشرح متطلبات التأشيرات ولكن حاجات تانية كتير مش هقدر اكشف عنها دلوقتي.
فيه طبعا معلومات كتير جدا مش هعرف اكتبها عشان هاتخد وقت كتير.
حاليا الموقع online و بيدفعله فلوس عشان يفضل شغال بس هو لسة تحت الانشاء و قريبا جدا هيخلص فانا كنت كده كده هغير الاسم لو حد عندو اقتراح لاسم ممكن يكتبه في تعليق أو يبعتهولي في رسالة.
لو حد عايز يساهم في الموقع بأي شكل زي أنه يكتب مقالة ممكن يقولي في تعليق أو يبعتلي رسالة و مش لازم تكتب أكتر من مقالة أو اي حاجة من الكلام ده كفاية أنك تشاركنا رحلتك وخبرتك وكمان ممكن تشارك عن طريق أنك تقول لكل قريبك واصحابك وكل واحد عايز يسافر عن الموقع.
أنا كنت عايز اوريكم صور من الموقع بس للاسف بسبب أن فيه بعض الافكار اللي اتسرقت فانا مش هقدر ابعت الصور ديه غير للناس اللي ناوية تساعد بس.
و احب اكرر تاني أن فيه أفكار أكتر و هتفيد ناس أكتر بكتير كمان و ان كل واحد هيشارك هيبقى ليه الفضل و اسمه هيكتب و كمان نبذة عنه ده طبعا غير الناس اللي هتشارك كتير و كمان الناس اللي مش عايزة شخصيتها تتعرف ممكن تشارك بردو.
أنا عارف ان البوست طويل و اسف اني طولت و أتمنى فعلا ان يكون فيه مساهمين كتير عشان نقدر نساعد اكبر عدد من الناس.
