M
Moustafa Hosny
:: مسافر ::
لو هتسفروا تركيا يا جماعه لازم تزورا كابادوكيا معنديش كلام اقوله غيرً .......سبحان الله علي الجمال ،اولا احلي حاجه تعيش في فنادق الكهوف ، ثانيا متنساش تركب المنطاد ، كابادوكيا بصراحه محتاجه ليلتين من زيارتك لتركيا ، بتسفرلها طيران داخلي عن طريق مطار قيصرية وسعر تذكره الطيران ارخص من الاتوبيس مع العلم الطياره من اسطنبول ساعه والاتوبيس حوالي ١٢ ساعه،رحله المنطاد سعرها من ٧٥ ل ١٣٠ يورو حسب معدل الامان اللي بطبقه شركه المنطاد،الرحله بتكون الساعه ٥ الصبح مع وقت الشروق ومدتها ساعه، كمان فيه رحلات تانيه ممكن تعملها زي زياره المدينه تحت الارض ، رحله سفاري ،هسبكوا مع الصور والفيديو ولو حد عنده اي سوال انا تحت امره
