يا جماعه محتاجة مساعدتكوا جدا جدا دلوقتى انا...

[Eman Ibrahim ElKaraly]

يا جماعه محتاجة مساعدتكوا جدا جدا دلوقتى انا عاوزة اطلع على اوروبا ان شاء الله ودى اول مرة هسافر فيها وهيكون معايا واحدة صاحبتى بس انا اللى هظبط موضوع حجز تذاكر الطيران و وباسبورى ابيض فلة .
انا عاوزة اروح برشلونة الاول وبعدين واطلع على واحدة صاحبتى فى المانيا
فهل الاحسن انى اختار multi trip ولا ده ممكن يأثر عليا فى انى اخد الشنجن . ؟؟
وايه الاحسن فى تقديم الفيزا المانيا ولا اسبانيا؟
ومن حيث الورق انا مقلقة من موضوع حساب البنك هوه حساب قديم وعليه حركة بس سحب اكتر كتير من الايداع وانا قلت هعمل ايداع لمبلغ كل شوية بحيث لما اجى اقدم يبقى رصيدى عالى فهل فيه مشكله انى يبقى فيه ايداع لمبادغ كبيرة قبل السفر على طول ولا لاء ؟ ولو فيه مشكلة عادى لو قدمت كشف حساب بابا حتى لو انا بشتغل وكده ولا برضو ممكن يعمل مشكلة؟
واسفه انى طولت عليكوا وارجوكوا ساعدونى

 

[Ramy Elfar]

1 : حاولي متعمليش موضوع ايداعات كتير قبل السفر دي بتتفهم وبيتشك فيكي ، حاولي تخليه طبيعي او تزودي حاجه خفيفه بس
2 : كل السفارات واحد وحظوظ ، اختاري البلد الي هتعدي فيها مده اطول في حجوزاتك ، ولو ال 2 نفس المده بالظبط يبقا اختاري البلد الأول الي هتنزلي فيها

وربنا يوفقك

 

[Karim Habashy]

Up

 

[Enas M. Sakr]

لا موضوع الايداع مش ازمة ع فكرة طالما الحساب شغال عليه حركة يعني ، انا كان حسابي فيه حاجة هبلة كده و حطيت مبلغ كبير ع بعضه مرة واحدة قبل ما اطلع كشف الحساب ب اسبوع و الدنيا مشيت .. و اظن سفارة اسبانيا اسهل بس مش متأكدة الحقيقة

 

[John Adel]

المانيا اسهل من اسبانيا

 

[Mohamed Awad]

للاسف انا خبرتي في الشنجن برا مصر..
من اللي اعرفه يفضل إن:
- تقديم طلب الفيزا يكون من سفارة البلد اللي هتقيم فيها اطول مده في الرحله كما هو مبين من حجوزات الفنادق و الطيران.
- المهم في حساب البنك هو الحركه و يكون فيه مبلغ معقول يغطي نفقة السفر..
- الصدق في الطلب بيزيد فرص القبول
- مفيش اي قاعده ثابته للموافقات لو مفيش غلطه كبيره في الطلب.. الغالب ان حظك مع الموظف اللي بيراجع الطلب
- توقعي ان المانيا افضل لو ورقك كله مظبوط لأن المانيا ادتني اطول شنجن و لو ان اول واحده اخدتها من اسبانيا بس كانت مدتها اقل.
بالتوفيق في الرحلة البلدين تحفه.

 

[Enass Attia]

انا قدمت المانيا وماخترتش مالتي بس هم ادوهالي مالتي
انا جربت المانيا بصراحه كانوا ذوق جدا بس المهم كل الورق المطلوب يكون موجود ومترجم ومرتب
بالنسبه لحساب البنك
المفروض الإيداعات تناسب مرتبك
بس ممكن تحطي مبلغ كبير في شهر وباقي الشهور مبلغ يوازي مرتبك
انا عملت كده وكنت بأسحب مبلغ وارجع أودعه تاني بعد أسبوعين

 

[Mahmooud Ragaab Mohameed]

هيا ألمانيا وإسبانيا بيكون انترفيو ولا زى فرنسا مكتب tls

 

[Radwa Ashraf]

Up

 

[Eman Ibrahim ElKaraly]

طيب محدش فادنى فى موضوع حجز الطيران انها احسن multi trip ولا اخلينى فى الامان ادخل واخرج مم نفس البلد ؟

 

[Aya Nagib]

Khaled