صباح الخير انا جديدة فالجروب ده وماشاء الله...

[Magec Heart]

صباح الخير
انا جديدة فالجروب ده وماشاء الله حضراتكو شجعتونى جدا على فكرة السفر
بس انا عندى ظروفى خاصة انى طالبة واهلى متشددين
فإذا كان حد يعرف يفيدنى اسافر ازاى واعمل ايه بالخطوات
وايه البلد الى هصرف فيها اقل تكلفة والفترة الزمنية الى اقدر اقعدها باقل تكاليف بجد اكون شاكرة افضالكو جداااااا
❤
#السفر_حلم_مش_قادرة_احققه
تعديل:مفيش مشاكل عائلية جماعة انا قصدى انى معنديش اى معلومات عن السفر بسبب تشددهم وخوفهم عليا انما باذن الله اقنعهم واسافر

 

[Mohammed Sherif]

البلد اللي ملهاش تأشيرة ابدي ب اندونيسيا حلوه جدااا

 

[Mohammed Sherif]

والبلاد الافريقية اللي بدون تاشيره ونفس الوقت رخيصه

 

[وسام طه]

ممكن اسامي لبعض الدول دي بتكلفتها الحالية ?

 

[Ahmed Hamouda]

طيب نحل المساكل العائليه الاول وبعدين نفكر في السفر

 

[Ahmed Tammam]

لو مظبطة نفسك على مبلغ محترم .. يبقى طيرى على كوريا عالطول .. دولة من غير تاشيرة و انتى سهل تعدى من المطار عشان البنات مش بيدققوا معاهم

 

[Ahmed Ward]

مش هتعرفي تسافري اي دولة لوحدك
حتي لو الدولة بدون تأشيرة مادام الجواز بتاعك مش مكتوب فيه مهنة انسي انك تسافري

 

[وسام طه]

هل الدول الافريقية معترف بالشهادات المصرية فيها ??

 

[Mahmooud Ragaab Mohameed]

تاشيره تايلاند سهله بالنسبة لى طلاب ولا ؟؟

 

[Salman Khaled]

تعليقا علي راي حضرتك التمسك بالدِّين والقيم ليس تشدد داه هو عين الوسطيه اما التشدد داه هو الغلو في الدين ذيالي يقرر انو ميتجوزش خالص او يصوم علطول اما الي يمشي علي الدين والقيم داه عين التوسط . انا سافره كتير وبالي ١١ سنه بره البلد بس بقول لحضرتك بلدنا فيها أماكن كتير برضو حلوه ارضي اهلك ولم تشوفي كل الي في بلدك فكري تسافري .

 

[Ziad Hamed]

بالنسبة للأهل تقولي لهم طالعة أتعلم أو تبع مشروع
بالنسبة للدولة أرشح ماليزيا أو أي دولة حواليها بدون تصريح أمني
بالنسبة للمصاريف أكتر حاجة هتضايقك سعر التذكرة باقي الحاجات رخيصة يمكن أقل من مصر

 

[Ahmed Ward]

يا جماعة لو مش مكتوب في جواز السفر مهنة او وظيفة محددة لازم يبقي فيه تصريح امني

 

[Shady Mohamed Ali]

سافري معانا على يخت حول العالم

 

[Sam Moo]

ياجماعه مين الادمن هنا

 

[Ahmed Ward]

وحضرتك عاوز الادمن في ايه

 

[Maii Mabrouk]

.

 

[Eslam Sameer]

بالنسبه لموضوع الأهل مش شايفو تشدد
انا عندي بنت وعمري ماهسفرها لوحدها برة لوحدها ، شرعا البنت تسافر مع محرم الا للضرورة زي العمل او الدراسه ، ثانيا انا واحد سافرت وشايف ان السفر في مخاطر فعلا واكيد البنت بطبيعتها الانثويه يكون صعب عليها وشكرا

 

[عمرو الشافعي]

حضرتك طاعة الأهل أولى من السفر والصبر لحين الزواج ان شاء الله وتبقي تسافري مع زوجك .

 

[Mohammed Sherif]

الباسوور المصري ضعيف ياجماعه لازم تروح دول بدون تاشيره الاول وترجع تقدم علي دول براحتك لان دا بيعطي مصداقيه للدول تسمحلك تدخل بلادها

 

[محمد الرفاعى]

حد يقدر يفدني بالنسبه للسفر لكوريا الجنوبيه من السعوديه