H
Hend Salem
:: مسافر ::
فينيسيا ... إيطاليا
----------------
فينسيا أو البندقية من أجمل المدن اللى زرتها
المسافة بين ميونخ و فينيسيا حوالى ست ساعات بالقطار
فنيسيا مدينة مبنية على 118 جزيرة بيربط بينهم حوالى 40 جسر و لإن المدينة معرضة للغرق بسبب إرتفاع منسوب المياة بشكل سنوى تدريجى و نظرا للأهمية التاريخية للمدينة فاليونسكو تبنت مشروع لمحاولة إنقاذ المدينة التارخية من الغرق ...
طبعا هنلاحظ من الصور إن أغلب المبانى الدور الأرضى فيها مغمور بالمياة بالفعل و ماحدش بيستخدمه .... طبعا إرتفاع المياة أثرعلى المبانى بشكل كبير لدرجة إن غالبية المبانى بقى فيها ميول واضحة جدا ....
فينيسيا مدينة صغيرة نوعا مساحتها حوالى أربعة كيلو يعنى ممكن تتمشى فيها و تتفرج عليها بالكتير فى يومين تلاتة ...
الظريف فى فينيسيا إن فى نظام مواصلات عامة زى الباص بس مائى و له جدول مواعيد و تذاكر و محطات و القنوات الكبيرة تعتبر شوارع رئيسية و القنوات الصغيرة شوارع جانبية و عليها علامات زى ممنوع الدخول و المرور فى إتجاة واحد و الناس عندهم قوارب صغيرة بدل العربيات .... و عندهم الإسعاف عبارة عن لانشات و لها سرينة
المدينة مبنية بطريقة المساحات أو الميادين الكبيرة و كل ميدان فيه برج كنيسة ... أشهر ميادينها هو سان ماركو اللى فيه قصر الحاكم أو الدوق .....
الجراند كانال هو زى الشارع الرئيسى فى فينسيا.... و جسر ريالتو يعتبر أكبر و أشهر جسر فى فينسيا ....
المبانى هناك تاريخية و أثرية و غالبيتها عبارة عن فنادق و مطاعم ...
طبعا كلنا عارفين إن فينيسيا مشهورة بالجندولا و فيه إقبال من السياح عليها رغم إرتفاع سعرها ....
و طبعا لأن الكلام ده ممنوع فى ألمانيا فكانت من أمتع الحاجات اللى عملتها إنى أكلت الحمام فى سان ماركو ... الحمام هناك لطيف مجرد مايشوف الأكل ييجى يقف على كتفك على رأسك إنتم و نصيبكم
مورانو و بورانو جزيرتين ممكن تزوروهم بالباص المائى .... مورانو مشهورة بمصانع الزجاج ... ممكن تزور المصانع و المعارض الموجودة هناك و تشترى هدايا تذكارية جميلة
على فكرة فى عندنا فى إسكندرية فى محطة الرمل مبنى تراثى إسمه ليتل فينيس المعمارى اللى صممه إستوحى فكرته من قصر الدوق الموجود فى ميدان سان ماركو
أتمنى لكم زيارة ممتعة لفينيسيا
----------------
فينسيا أو البندقية من أجمل المدن اللى زرتها
المسافة بين ميونخ و فينيسيا حوالى ست ساعات بالقطار
فنيسيا مدينة مبنية على 118 جزيرة بيربط بينهم حوالى 40 جسر و لإن المدينة معرضة للغرق بسبب إرتفاع منسوب المياة بشكل سنوى تدريجى و نظرا للأهمية التاريخية للمدينة فاليونسكو تبنت مشروع لمحاولة إنقاذ المدينة التارخية من الغرق ...
طبعا هنلاحظ من الصور إن أغلب المبانى الدور الأرضى فيها مغمور بالمياة بالفعل و ماحدش بيستخدمه .... طبعا إرتفاع المياة أثرعلى المبانى بشكل كبير لدرجة إن غالبية المبانى بقى فيها ميول واضحة جدا ....
فينيسيا مدينة صغيرة نوعا مساحتها حوالى أربعة كيلو يعنى ممكن تتمشى فيها و تتفرج عليها بالكتير فى يومين تلاتة ...
الظريف فى فينيسيا إن فى نظام مواصلات عامة زى الباص بس مائى و له جدول مواعيد و تذاكر و محطات و القنوات الكبيرة تعتبر شوارع رئيسية و القنوات الصغيرة شوارع جانبية و عليها علامات زى ممنوع الدخول و المرور فى إتجاة واحد و الناس عندهم قوارب صغيرة بدل العربيات .... و عندهم الإسعاف عبارة عن لانشات و لها سرينة
المدينة مبنية بطريقة المساحات أو الميادين الكبيرة و كل ميدان فيه برج كنيسة ... أشهر ميادينها هو سان ماركو اللى فيه قصر الحاكم أو الدوق .....
الجراند كانال هو زى الشارع الرئيسى فى فينسيا.... و جسر ريالتو يعتبر أكبر و أشهر جسر فى فينسيا ....
المبانى هناك تاريخية و أثرية و غالبيتها عبارة عن فنادق و مطاعم ...
طبعا كلنا عارفين إن فينيسيا مشهورة بالجندولا و فيه إقبال من السياح عليها رغم إرتفاع سعرها ....
و طبعا لأن الكلام ده ممنوع فى ألمانيا فكانت من أمتع الحاجات اللى عملتها إنى أكلت الحمام فى سان ماركو ... الحمام هناك لطيف مجرد مايشوف الأكل ييجى يقف على كتفك على رأسك إنتم و نصيبكم
مورانو و بورانو جزيرتين ممكن تزوروهم بالباص المائى .... مورانو مشهورة بمصانع الزجاج ... ممكن تزور المصانع و المعارض الموجودة هناك و تشترى هدايا تذكارية جميلة
على فكرة فى عندنا فى إسكندرية فى محطة الرمل مبنى تراثى إسمه ليتل فينيس المعمارى اللى صممه إستوحى فكرته من قصر الدوق الموجود فى ميدان سان ماركو
أتمنى لكم زيارة ممتعة لفينيسيا
