M
Mahmoudx Cairo
:: مسافر ::
زي اي حد بيحلم بالسفر فكرت كتير وخت خطوات وكانت فكرتي باختصار اني مش حابب اسافر دوله عربيه تماما واوروبا بالنسبالي صعبه لاكتر من سبب لكن مش مستحيل بحثت وعرفت ان في حوالي 45 دوله بدون فيزا للمصريين درستهم كلهم عالنت ولقيت احسن وافضل بلد ليا هي ماليزيا من حيث اقامه تلات شهور سهوله تعامل في حاجات كتير اقتصاد ممتاز حاجات كتير عجبتني فيها قبل السفر درستها عالنت لمده شهر تقريبا يوتيوب جوجل فيس بوك كل حاجه فيها معلومه عن ماليزيا قريتها لدرجه اني كنت حافظ اسعار اي حاجه مهما كانت بسيطه واسعار الموصلات وخريطه المترو والشوارع والمطار وكل معلومه ولو بسيطه ممكن احتاجها لان دي اول سفريه ليا خارج مصر وفعلا خت القرار وبدأت اتابع اسعار تذاكر الطيران واتابع الوظايف هناك من خلال النت وفعلا حجزت علي مصر للطيران كانت التذكره ذهاب وعوده ب5100ج قبل التعويم مع 500$ بوكيت ماني وكان وقتها التصريح الامني مطلوب وكان اول حاجه مطلوبه فيه دعوه من شخص ماليزي مع اني رايح سياحه المفروض فبعد بحث وسؤال بعض الاصدقاء لقيت اني هسافر من غيره واهم حاجه اثبات لظابط المطار اني رايح سياحه فعلا وعقبه اخري وهي 1000$ وانا خارج وكل الي كان معايا وقتها 500$ بس والحمدلله بطريقه ما عديت علي خير كان السفر حوالي17ساعه ترانزيت 3ساعات في بانكوك تايلاند وصلت ماليزيا ودخلت المطار الي كنت حافظ شكلو بالفديو عاليوتيوب ونتيجه البحث المكثف وطلعت برا كنت متفق مع حد هيوصلني بعربيه لمنطقه قريبا الي حدا ما من المطار اسمها سيردانج وفعلا نزلت فيها وكان الجو مختلف تماما عن مصر ومطر شديد مع حر المهم لفيت فنادق كتير لحد ملقيت سعر مناسب الي حدا ما مع انو كان غالي شويه لكن في الاول اهم كام يوم الراحه وفعلا نزلت في الفندق وارتحت كام يوم وانا بتجول وبدرس المنطقه حواليا وعدي اربع ايام كنت اتعرفت علي اكثر من شخص في المنطقه ومن خلالهم نزلت المنطقه الي متير حظرني منها قبل السفر وهي منطقه البوكيت بينتانج لكثره العرب والدعاره والبارات والزحمه واحيانا عدم الامان لشخص جديد وفعلا نزلت المنطقه في خامس يوم ليا ولقيت شغل مناسب براتب كويس الي حدا ما وفعلا نقلت في المنطقه ونزلت في الشغل خامس يوم ليا في ماليزيا ونقلت لفندق قريب من الشغل لان سكن الشغل بالنسبالي كان مش لطيف واشتغلت شويه ودرست المنطقه حواليا ومن شغل للتاني وهكذا وطبعا كلو في خلال اول 3شهور ليا وكان لزم اعمل اي حاجه في الاقامه طبعا الدخول بفيزا سياحه لمده تلات شهور مجانا كنت عارف واتاكدت اكتر من هناك من الاقامات لقيت ان في اكتر من حل بالنسبالي او عموما وهو اجدد الفيزا يعني اسافر لاي دوله قريبه زي اندونيسيا مثلالمده بسيطه وارجع تاني اخد تلات شهور تاني الموضوع ممكن يعدي مره والتانيه لكن التالته صعب شويه وممكن اعمل نفس الموضوع بدون الخروج عن طريق ناس بتشتغل في كده وتقريبا التكلفه واحده بتكون في حدود ال1500 رنجت للمره الواحده وفعلا عملت كده وسافرت وجددت اكتر من مره الحلول الاخري هي 3فيزا طالب بتكلف حوالي 7000 رنجت لدراسه الانجلش مثلا في معهد بتكون الدراسه لمده ست شهور واقامه سنه 4 زواج ودي بتكون فيزا لمده ست شهور وبعد كده تتجدد لمده خمس سنين 5 بزنس بفتح مشروع والتكلفه للاقامه بتكون حوالي 3000$ واقامه سناتين ويحق لك تدي اقامه ل6افراد بعد كده ودي فيزا اخري 6 فيزا عمل لمده سناتين بيعلها صاحب العمل مجانا للعامل او بتعملها عن خد بيعمل اقامات بتكلف حوالي 12000 رنجت ااالخ طبعا البلد ممتازه وانا كنت مبسوط جدا فيها وقعدت فيها سنه ونص اتعلمت كتير من التجربه في خبرتي في عملي خبره في السفر تعلم لغات مختلفه زي الاندونيسي الماليزي البنجالي وتقويه الانحلش طبعا وكان شغلي شيف مع شغل اخر مثل السمسره وفتح مشاريع لاشخاص بعموله وهكذا وانشاء الله راجع قريبا هناك لتكمله المسيره...كنت بحاول لو خد عنده تجربه مشابهه لدي يعرفني بيها لاني حابب اغير لو في بلد افضل وبسهوله في السفر زيها
