S
Samah Fawzy
:: مسافر ::
تفاصيل سفرى لاوكرانيا مع ايسيك من اول العقد لحد ما رجعت مصر واللى حبيت انقلها لان الجروب ده ساعدنى كتير قبل خلال السفر وكنت كل شوية اسأل عن حاجة والناس ساعدتنى بصراحة ربنا يكرمهم فأنا كمان حبيت أساعد بأطول بوست فى العالم
الاول بتشوف ايسيك فى جامعتك وتختار معاهم البلد اللى عاوز تروحلها والبرنامج اللى هتسافر عليه انا اخترت اوديسا فى اوكرانيا ومشروع تعليم انجليزى للاطفال هناك بعدها اتعملى اتنين انترفيو اونلاين مع ايسيك فى اوديسا واتقبلت على السيستم
مضيت عقد ايسيك ودفعت رسومه ١٤٠٠ جنيه وبعدها طلبت خطاب الدعوة من ايسيك اوديساعلشان الفيزا
خطوات الفيزا بقى بتدخل على الويب سايت ده
/Homepage - Ministry of Foreign Affairs of Ukraine
تحدد ميعاد للانترفيو وبيطلعلك الميعاد النهائى فى ميل او صورة كده بتطبعها وتاخدها معاك وانت رايح السفارة هم شغالين ايام الاثنين والثلاثاء والخميس من كل اسبوع
اختار لبس ترتاح فيه لانك ممكن تستنى شوية حلوين وماتزهقش خليك صبور ولما تروح بتعرف اللى ع الباب بميعادك وابقى بس فكره بيك وميعادك امتى من وقت للتانى عشان ماينساش انك موجود
طيب اخد ايه وانا رايح؟؟؟؟؟
١- عقد ايسيك هيبص عليه ويرجعهولك
٢- خطاب الدعوة من ايسيك اللى هتسافرلها وده لازم يبقى نسخة اصليه بتتبعتلك من اوكرانيا dhl اوAramex لان السفارة مش هتقبل الدعوة لو مبعوتة ميل ومطبوعة والموضوع ده هيكلفك اسبوع انتظار زيادة ودى طبعا مشكلة لو انت حاجز تيكت الطيران ومرتب تاخد الفيزا فى ميعاد معين
٣- جواز سفر سارى لمدة ٦ شهور على الاقل
٤- كشف حساب باخر ٦ شهور انجلش ويكون فيه تعاملات
٥- وثيقة تأمين من مصر للتأمين لمده شهرين انا دفعت فيها ٢٥٠ جنيه او اى شركة تأمين عادى المهم ان القيمة التامينية ماتقلش عن ٣٠ الف يورو
٦- صور شخصية
ويفضل كل الورق ده تكون واخد منه نسخة سكان الوان وبالتحديد جواز سفرك والتأمين لانه هياخدهم منك فى السفارة وكمان خطاب الدعوة بس الدعوة هياخد الاصل ويسيبلك الصورة والصور دى خليها معاك وانت مسافر امشى بيها فى البلد وتخلى الاصول فى مكان امين فى شنطك
اهم شيء لو خرجت من السفارة مافيش مجال ترجع تسأل عن حاجة غير بعدها باسبوع على ماتحجز ميعاد تانى علشان كده جهز لو عندك اسئلة او حاجة حابب تعرفها قبل ماتخرج
٧- حجز طيران ذهاب وعودة وده فايدته ايه بقى انهم يعرفوا مواعيد رجوعك علشان الفيزا وتاريخ انتهائها لان الفيزا بتاعتى انتهت قبل ميعاد سفرى من اوكرانيا بيوم وانا كنت حاجزة التيكت من بدرى وفى المطار عدوها بعد مناهدة وبهدلة لانى كمان محجبة وبعد طبعا مادفعت تقريبا ٤٠ دولار غرامة
وللشباب بتحتاج حاجات تخص موقفك من التجنيد ممكن تتصل بالسفارة تستفسر عنها وماتقلقش هم محترمين جدا وهيساعدوك
٨- لو طالب هتحتاح بيان قيد من الجامعة و يكون مترجم بالانجليزى
الفيزا بتاخد تقريبا ٢١ يوم علشان تطلع مش اسبوعين ولو طلعوها بعد اسبوعين بيبقى حظ مش حاجة ثابتة فخد بالك من الوقت وقدم بدرى وكده كده مع ايسيك دايما الورق بيكون كامل ومحدش بياخد رفض وبيجيلك ميل لما الفيزا بتطلع بس انت بعد اسبوعين برضو روح اسال وانا وحظك ممكن تكون طلعت
استلمت باسبورك والفيزا الحمد لله الخطوة اللى بعدها لو ماكنتش حجزت طيران احجز على ميعاد انتهاء الفيزا لو مش عاوز وجع دماغ مع الامن فى المطار وشوف مع ايسيك المكان اللى هتسافر منه اخر مدينة هتبقى فيها عشان لو فى مطار قريب بدل ما تضطر تاخد قطر لمدينة تانية انا حجزت على التركية بس ناس كتير معايا حجزوا Lufthanza و Austrian هى اغلى حاجة بسيطة بس سيرفيس افضل شوية والناس الطف فى التعامل فى المطار زى ما اتقالى انا ححزت وقتها التيكت قبل الميعاد اللى هسافر فيه بحوالى شهر وكان سعرها ٧٢٠٠ وفى ناس معايا حجزوا نفس التواريخ بس ب ٨٣٠٠ والفرق كان بسبب انى حجزت قبلهم باسبوع ورحلتى كان فيها ترانزيت ساعة فى مطار اتاتورك فى الذهاب والعودة ومابتحتاجش تصريح امنى شرط انك ماتخرجش من المطار ونصيحة لو هتنزل ترانزيت حاول ان المدة تكون اطول من ساعه عشان الزحمة وعلى ماتلاقى ال gate الصح بتاعتك من غير ماتبقى بتجرى
حجزنا التيكت وتمام نيجى بقى للشنطة اختار اصغر شنطة ممكنة والكلام ده بالذات للبنات نحاول شنطتنا ماتعديش ١٥-١٨ك لاسباب كتير انك مع ايسيك هتروح مدن كتير وصدقونى سلالم محطات القطر بالذات فى كييف مش قليلة واكيد هيعجبكوا فى البلد حاجات تحبوا تشتروها كتير بالذات البنات من لبس وميك وهدايا لان البلد حلوة ورخيصة جدا
على الطيارة لو هتسافر مع الخطوط التركية مسموحلك وانت راجع من اوكرانيا بشنطة لحد ٣٠ك بحد اقصى ٣٢ك وشنطة معاك للطيارة ماتزيدش فى الحالة دى عن ٨ ك ولو حتى جرام واحد ومسموح بشنطة لاب توب مثلا وزنها مايزيدش عن ٦ ك. واللاب جواها والا هتتحسب شنطة زيادة ووزن زيادة وساعتها هتدفع ١٠ دولار لكل كيلو زيادة ووانت بتاخد البوردينج بتاعك اتاكد من انهم حطولك التاج الاحمر على كل شنطك عشان ماترجعش على باب الطيارة يقولولك سيب شنطة من شنطك اصل مش عليها تاج وكده ممكن تبقى متهربة وده برضو حصل معايا بس اتحلت لما فضيت شنطة اللاب ولقوها اصلا خفيفة وفاضية وهى اللى شكلها ضخم على الفاضى وحطولى التاج وطلعت الحمد لله الطيارة بسلام
نيجى للسفر نفسه بقى بتروح المطار قبل ميعادك ب ٣ ساعات عشان تشوف الاجراءات ولو لا قدر الله فى مشكلة يكون عندك وقت تحلها بهدوء بتلبس فى رجلك شوز سهل او حتى سوري شبشب لانك هتقلعه اكتر من مرة خلال الرحلة علشان التفتيش خصوصا لو فى ترانزيت وبلاش مجوهرات واساور معدن او حتى حزام لو امكن كل ماكنت اخف كل ماكنت اسرع ومشاكلك اقل
وصلنا البلد اللى هتروحها لو مثلا اوكرانيا فى المطار اشترى خط تليفون واشحنه باقة نت تكفيك شهر مثلا ومش غالى خالص ارخص من مصر بكتير بالنسبة للفلوس فعملة البلد جريفن مابيتعاملوش باليورو كتير اكتر تعاملاتهم بالدولار فلو هتسافر مع ايسيك ممكن تاخد ١٠٠دولار لكل اسبوع لو ناوى تتفسح كل ويك اند وتتبسط مع نفسك ولو عدى عليك اول اسبوعين تلاته وحاسس انك ماصرفتش حاجة احب اقولك استنى اخر اسبوعين وانت هتصرف كل اللى معاك بالذات لو هتختم زيارتك بأوديسا لانها مدينة حلوة جدا والاسواق هناك كتير واسعارها رخيصة ومغرية انك تشترى وحاول ماتغيرش فئات كبيرة خليك ٣٠ دولار فى ٣٠ دولار ووزع فلوسك فى اكتر من مكان عشان لو ضاعوا او اتسرقت لا قدر الله وشيل ١٠٠ دولار لوحدها بعيد عن ايدك للطوارىء
اوكرانيا بيتكلموا روسي اكتر من الاوكرانى لانه اسهل ومتداول اكتر بالنسبة للانجلش فمحدش بيتكلم انجلش ممكن اقل من ٥٪ مثلا فدور على الشباب فى الشارع نسب ان تلاقى حد فيهم بيتكلم انجلش بتكون اكبر مالقيتش يبقى معاك google translate وانت مع الوقت هتلاقيك بدات تفهم روسي لوحدك مش هتتكلم بس هتعرف تتعامل المصريين بيسلكوا فى اى حتة
بتتحرك ازاى فى البلد؟؟ بالباص نظام الباص هناك سهل جدا ومن اى حتة لاى حتة فى البلد ب ٥ جريفن اى عدد من المحطات متواصل المهم لو نزلت ورجعت تانى تدفع تانى
ازاى نعرف رقم الباص؟ واركب منين ؟؟ جوجل ماب اكتب العنوان اللى هتروحه هيطلعلك ليست بارقام الباصات القريبة منك وباقرب محطة باص ممكنة والمده بالدقيقة فماتقلقش مش هتتوه فى البلد حتى لو اول مرة تستخدم جوجل ماب ولو يعنى باظت خالص اطلب اوبر وخلاص
جوجل ماب دايما شغال معاك اى مكان انت فيه واحتمال تحب تروحه تانى اعمله label هتلاقى مع الوقت خريطة المدينة كلها بقت متعلمة بالاماكن اللى انت روحتها وهتبقى اسهل بالنسبة لك تحدد هتروح منين لفين وازاى فى اقصر وقت
وممكن تتنقل بين المدن اما بالباص وممكن تحجز تيكت من الويب سايت ده /Продажа билетов на автобус. Купить билет на автобус по Украине и заграницу on-line - ticket.bus.com.ua
او تحجز قطر لو المسافة بعيدة من الويب سايت ده
/Online reservation and purchase tickets - Ukrzaliznytsia
والحجز سهل اهم حاجة يكون معاك فيزا لو هتحجز اونلاين مش من المحطة نفسها ودى ممكن تعملها CIB او اى بنك تانى وتعرفهم انها فيزا للسفر وتشتغل برا مصر الموضوع سهل ومش مكلف وبرضو هتنفعك لو فلوسك خلصت وحبيت حد يبعتلك فلوس من مصر
لو مسافر مع نفسك سياحة ممكن تقعد فى هوستل تقريبا تكلفة الليلة بتكون ١٥٠جريفن ده متوسط لمكان كويس ونضيف فى وسط المدينة فى اوديسا لو زاد عن ٢٠٠ يبقى الاوتيل احسن بس الهوستل هتعمل فيه اصحاب اكتر
اهم حاجة خليك مرن مافيش حد ماحصلوش مشاكل وهو مسافر بس لو انت مسافر متطوع او حتى سياحة فانت مسافر تتبسط ماتسمحش لحاجة تدايقك وتعكنن عليك يومك كل المشاكل بتتحل وتخلص لكن الوقت اللى انت فيه فى بلد لوحدك عشان تتبسط ممكن مايتكررش تانى حاول تستفيد من كل حاجة حواليك واعمل اصحاب من اهل البلد وساعتها هتتبسط بجد حتى لو مابيفهموش انجلش ولا انت بتفهم لغتهم الصحبة هى اللى بتفرق وبتعمل طعم وذكرى حلوة من السفرية واخر حاجة خلي ماتنافقش نفسك لمجرد انك فى بلد ماحدش يعرفك فيه وممكن تعمل حاجات كتير غلط متهيئلى ان السفر لوحدك هو احسن حاجة تختبر بيها نفسك ومبادئك وتتبسط برضو
لو فى اى سؤال او حاجة انا نسيتها أسألوا وانا تحت امركوا ان شاء الله وانا لو افتكرت حاجة تانية هازودها على البوست
وكفاية كده ع البوست بدل ماتدعوا عليا
الاول بتشوف ايسيك فى جامعتك وتختار معاهم البلد اللى عاوز تروحلها والبرنامج اللى هتسافر عليه انا اخترت اوديسا فى اوكرانيا ومشروع تعليم انجليزى للاطفال هناك بعدها اتعملى اتنين انترفيو اونلاين مع ايسيك فى اوديسا واتقبلت على السيستم
مضيت عقد ايسيك ودفعت رسومه ١٤٠٠ جنيه وبعدها طلبت خطاب الدعوة من ايسيك اوديساعلشان الفيزا
خطوات الفيزا بقى بتدخل على الويب سايت ده
/Homepage - Ministry of Foreign Affairs of Ukraine
تحدد ميعاد للانترفيو وبيطلعلك الميعاد النهائى فى ميل او صورة كده بتطبعها وتاخدها معاك وانت رايح السفارة هم شغالين ايام الاثنين والثلاثاء والخميس من كل اسبوع
اختار لبس ترتاح فيه لانك ممكن تستنى شوية حلوين وماتزهقش خليك صبور ولما تروح بتعرف اللى ع الباب بميعادك وابقى بس فكره بيك وميعادك امتى من وقت للتانى عشان ماينساش انك موجود
طيب اخد ايه وانا رايح؟؟؟؟؟
١- عقد ايسيك هيبص عليه ويرجعهولك
٢- خطاب الدعوة من ايسيك اللى هتسافرلها وده لازم يبقى نسخة اصليه بتتبعتلك من اوكرانيا dhl اوAramex لان السفارة مش هتقبل الدعوة لو مبعوتة ميل ومطبوعة والموضوع ده هيكلفك اسبوع انتظار زيادة ودى طبعا مشكلة لو انت حاجز تيكت الطيران ومرتب تاخد الفيزا فى ميعاد معين
٣- جواز سفر سارى لمدة ٦ شهور على الاقل
٤- كشف حساب باخر ٦ شهور انجلش ويكون فيه تعاملات
٥- وثيقة تأمين من مصر للتأمين لمده شهرين انا دفعت فيها ٢٥٠ جنيه او اى شركة تأمين عادى المهم ان القيمة التامينية ماتقلش عن ٣٠ الف يورو
٦- صور شخصية
ويفضل كل الورق ده تكون واخد منه نسخة سكان الوان وبالتحديد جواز سفرك والتأمين لانه هياخدهم منك فى السفارة وكمان خطاب الدعوة بس الدعوة هياخد الاصل ويسيبلك الصورة والصور دى خليها معاك وانت مسافر امشى بيها فى البلد وتخلى الاصول فى مكان امين فى شنطك
اهم شيء لو خرجت من السفارة مافيش مجال ترجع تسأل عن حاجة غير بعدها باسبوع على ماتحجز ميعاد تانى علشان كده جهز لو عندك اسئلة او حاجة حابب تعرفها قبل ماتخرج
٧- حجز طيران ذهاب وعودة وده فايدته ايه بقى انهم يعرفوا مواعيد رجوعك علشان الفيزا وتاريخ انتهائها لان الفيزا بتاعتى انتهت قبل ميعاد سفرى من اوكرانيا بيوم وانا كنت حاجزة التيكت من بدرى وفى المطار عدوها بعد مناهدة وبهدلة لانى كمان محجبة وبعد طبعا مادفعت تقريبا ٤٠ دولار غرامة
وللشباب بتحتاج حاجات تخص موقفك من التجنيد ممكن تتصل بالسفارة تستفسر عنها وماتقلقش هم محترمين جدا وهيساعدوك
٨- لو طالب هتحتاح بيان قيد من الجامعة و يكون مترجم بالانجليزى
الفيزا بتاخد تقريبا ٢١ يوم علشان تطلع مش اسبوعين ولو طلعوها بعد اسبوعين بيبقى حظ مش حاجة ثابتة فخد بالك من الوقت وقدم بدرى وكده كده مع ايسيك دايما الورق بيكون كامل ومحدش بياخد رفض وبيجيلك ميل لما الفيزا بتطلع بس انت بعد اسبوعين برضو روح اسال وانا وحظك ممكن تكون طلعت
استلمت باسبورك والفيزا الحمد لله الخطوة اللى بعدها لو ماكنتش حجزت طيران احجز على ميعاد انتهاء الفيزا لو مش عاوز وجع دماغ مع الامن فى المطار وشوف مع ايسيك المكان اللى هتسافر منه اخر مدينة هتبقى فيها عشان لو فى مطار قريب بدل ما تضطر تاخد قطر لمدينة تانية انا حجزت على التركية بس ناس كتير معايا حجزوا Lufthanza و Austrian هى اغلى حاجة بسيطة بس سيرفيس افضل شوية والناس الطف فى التعامل فى المطار زى ما اتقالى انا ححزت وقتها التيكت قبل الميعاد اللى هسافر فيه بحوالى شهر وكان سعرها ٧٢٠٠ وفى ناس معايا حجزوا نفس التواريخ بس ب ٨٣٠٠ والفرق كان بسبب انى حجزت قبلهم باسبوع ورحلتى كان فيها ترانزيت ساعة فى مطار اتاتورك فى الذهاب والعودة ومابتحتاجش تصريح امنى شرط انك ماتخرجش من المطار ونصيحة لو هتنزل ترانزيت حاول ان المدة تكون اطول من ساعه عشان الزحمة وعلى ماتلاقى ال gate الصح بتاعتك من غير ماتبقى بتجرى
حجزنا التيكت وتمام نيجى بقى للشنطة اختار اصغر شنطة ممكنة والكلام ده بالذات للبنات نحاول شنطتنا ماتعديش ١٥-١٨ك لاسباب كتير انك مع ايسيك هتروح مدن كتير وصدقونى سلالم محطات القطر بالذات فى كييف مش قليلة واكيد هيعجبكوا فى البلد حاجات تحبوا تشتروها كتير بالذات البنات من لبس وميك وهدايا لان البلد حلوة ورخيصة جدا
على الطيارة لو هتسافر مع الخطوط التركية مسموحلك وانت راجع من اوكرانيا بشنطة لحد ٣٠ك بحد اقصى ٣٢ك وشنطة معاك للطيارة ماتزيدش فى الحالة دى عن ٨ ك ولو حتى جرام واحد ومسموح بشنطة لاب توب مثلا وزنها مايزيدش عن ٦ ك. واللاب جواها والا هتتحسب شنطة زيادة ووزن زيادة وساعتها هتدفع ١٠ دولار لكل كيلو زيادة ووانت بتاخد البوردينج بتاعك اتاكد من انهم حطولك التاج الاحمر على كل شنطك عشان ماترجعش على باب الطيارة يقولولك سيب شنطة من شنطك اصل مش عليها تاج وكده ممكن تبقى متهربة وده برضو حصل معايا بس اتحلت لما فضيت شنطة اللاب ولقوها اصلا خفيفة وفاضية وهى اللى شكلها ضخم على الفاضى وحطولى التاج وطلعت الحمد لله الطيارة بسلام
نيجى للسفر نفسه بقى بتروح المطار قبل ميعادك ب ٣ ساعات عشان تشوف الاجراءات ولو لا قدر الله فى مشكلة يكون عندك وقت تحلها بهدوء بتلبس فى رجلك شوز سهل او حتى سوري شبشب لانك هتقلعه اكتر من مرة خلال الرحلة علشان التفتيش خصوصا لو فى ترانزيت وبلاش مجوهرات واساور معدن او حتى حزام لو امكن كل ماكنت اخف كل ماكنت اسرع ومشاكلك اقل
وصلنا البلد اللى هتروحها لو مثلا اوكرانيا فى المطار اشترى خط تليفون واشحنه باقة نت تكفيك شهر مثلا ومش غالى خالص ارخص من مصر بكتير بالنسبة للفلوس فعملة البلد جريفن مابيتعاملوش باليورو كتير اكتر تعاملاتهم بالدولار فلو هتسافر مع ايسيك ممكن تاخد ١٠٠دولار لكل اسبوع لو ناوى تتفسح كل ويك اند وتتبسط مع نفسك ولو عدى عليك اول اسبوعين تلاته وحاسس انك ماصرفتش حاجة احب اقولك استنى اخر اسبوعين وانت هتصرف كل اللى معاك بالذات لو هتختم زيارتك بأوديسا لانها مدينة حلوة جدا والاسواق هناك كتير واسعارها رخيصة ومغرية انك تشترى وحاول ماتغيرش فئات كبيرة خليك ٣٠ دولار فى ٣٠ دولار ووزع فلوسك فى اكتر من مكان عشان لو ضاعوا او اتسرقت لا قدر الله وشيل ١٠٠ دولار لوحدها بعيد عن ايدك للطوارىء
اوكرانيا بيتكلموا روسي اكتر من الاوكرانى لانه اسهل ومتداول اكتر بالنسبة للانجلش فمحدش بيتكلم انجلش ممكن اقل من ٥٪ مثلا فدور على الشباب فى الشارع نسب ان تلاقى حد فيهم بيتكلم انجلش بتكون اكبر مالقيتش يبقى معاك google translate وانت مع الوقت هتلاقيك بدات تفهم روسي لوحدك مش هتتكلم بس هتعرف تتعامل المصريين بيسلكوا فى اى حتة
بتتحرك ازاى فى البلد؟؟ بالباص نظام الباص هناك سهل جدا ومن اى حتة لاى حتة فى البلد ب ٥ جريفن اى عدد من المحطات متواصل المهم لو نزلت ورجعت تانى تدفع تانى
ازاى نعرف رقم الباص؟ واركب منين ؟؟ جوجل ماب اكتب العنوان اللى هتروحه هيطلعلك ليست بارقام الباصات القريبة منك وباقرب محطة باص ممكنة والمده بالدقيقة فماتقلقش مش هتتوه فى البلد حتى لو اول مرة تستخدم جوجل ماب ولو يعنى باظت خالص اطلب اوبر وخلاص
جوجل ماب دايما شغال معاك اى مكان انت فيه واحتمال تحب تروحه تانى اعمله label هتلاقى مع الوقت خريطة المدينة كلها بقت متعلمة بالاماكن اللى انت روحتها وهتبقى اسهل بالنسبة لك تحدد هتروح منين لفين وازاى فى اقصر وقت
وممكن تتنقل بين المدن اما بالباص وممكن تحجز تيكت من الويب سايت ده /Продажа билетов на автобус. Купить билет на автобус по Украине и заграницу on-line - ticket.bus.com.ua
او تحجز قطر لو المسافة بعيدة من الويب سايت ده
/Online reservation and purchase tickets - Ukrzaliznytsia
والحجز سهل اهم حاجة يكون معاك فيزا لو هتحجز اونلاين مش من المحطة نفسها ودى ممكن تعملها CIB او اى بنك تانى وتعرفهم انها فيزا للسفر وتشتغل برا مصر الموضوع سهل ومش مكلف وبرضو هتنفعك لو فلوسك خلصت وحبيت حد يبعتلك فلوس من مصر
لو مسافر مع نفسك سياحة ممكن تقعد فى هوستل تقريبا تكلفة الليلة بتكون ١٥٠جريفن ده متوسط لمكان كويس ونضيف فى وسط المدينة فى اوديسا لو زاد عن ٢٠٠ يبقى الاوتيل احسن بس الهوستل هتعمل فيه اصحاب اكتر
اهم حاجة خليك مرن مافيش حد ماحصلوش مشاكل وهو مسافر بس لو انت مسافر متطوع او حتى سياحة فانت مسافر تتبسط ماتسمحش لحاجة تدايقك وتعكنن عليك يومك كل المشاكل بتتحل وتخلص لكن الوقت اللى انت فيه فى بلد لوحدك عشان تتبسط ممكن مايتكررش تانى حاول تستفيد من كل حاجة حواليك واعمل اصحاب من اهل البلد وساعتها هتتبسط بجد حتى لو مابيفهموش انجلش ولا انت بتفهم لغتهم الصحبة هى اللى بتفرق وبتعمل طعم وذكرى حلوة من السفرية واخر حاجة خلي ماتنافقش نفسك لمجرد انك فى بلد ماحدش يعرفك فيه وممكن تعمل حاجات كتير غلط متهيئلى ان السفر لوحدك هو احسن حاجة تختبر بيها نفسك ومبادئك وتتبسط برضو
لو فى اى سؤال او حاجة انا نسيتها أسألوا وانا تحت امركوا ان شاء الله وانا لو افتكرت حاجة تانية هازودها على البوست
وكفاية كده ع البوست بدل ماتدعوا عليا