السلام عليكم هتكلم عن رحلتي لتونس الشقيقه ❤...

[Ahmed Elshreff]

السلام عليكم
هتكلم عن رحلتي لتونس الشقيقه ❤
انا كنت في تونس من 31_7 الي 28_8 كتدريب طبي
بالنسبه للتأشيره دي اصعب خطوه وحرفيا اسوأ خطوة ليك كمصري فمتديش انطباع عن البلد واهلها من خلال موظف التأشيرات لانه اسوأ حد ممكن تقابله في حياتك عموما انا كانت اول مره واخدتها بعد 14 يوم بالظبط
نتكلم بقي عن البلد
تقريبا كده انا لفيت معظم البلد من مونستير لسوس لصفاقس لتونس للقيروان لصحاري للجزر زي جزيره غار الملح (الجان) وجزيره كوريات وحمامات والمهديه وجربه والقيروان وقابس وغيره
نتكلم عن الاماكن :
الاماكن السياحيه جميله جدا ومعظمها شؤاطي بحر متوسط
بس طبعا مش كله حلو علي حسب انتا نازل فين عموما اقليبيه والمهديه والحمامات كشواطئ حلوين جدا بالاضافه للجزر طبعا وبالنسبه للمدن كل واحد بيعجبه نظام معين مثلا الهدوء في مونستير العاصمه طبعا فيه اماكن كتير تقدر تزورها صفاقس العاصمه الاقتصاديه وتقدر تشتري حاجات حلوه انا شخصيا عجبتني مونستير جدا البلد هاديه وبحرها حلو والعاصمه طبعا جميله جدا
نقطه بسيطه
متحاولش تقارن تونس بمصر خصوصا في شؤاطي دهب او شرم لانهم احسن طبعا و لان كل بلد وليها اللي بيميزها وتونس حلوه جدا بس من غير مقارنات
الاماكن الاثريه فيه كتير زي الجم والقيروان اول مدينه اسلاميه ومسجد عقبه بن نافع ومسجد الزيتونه ومتحف باردو الخلاصه انتا هتلاقي حضارات كتير كده في نفس الاماكن فخد راحتك
ومن احلي الاماكن طبعا الجنوب لو بتحب رحلات السفاري ❤❤ عموما لو معاك حد تونسي هترتاح كتير او اشتغل علي trip advisor
تاني شئ الشعب
من الاخر احلي حاجه في تونس هي شعب تونس
الشعب جميل جدا جدا وهادي وبيحب المصريين جدا وتلاقيهم بيهزروا وعارفين معظم الممثلين
انا شخصيا اتعاملت مع توانسه كتير جدا بحكم التدريب فعلا في معاملتهم محترمين جدا جدا ومتحسش انك غريب عنهم
لغتهم صعبه جدا لانه بيخلطوا العربي بالفرنساوي فهتلاقي صعب انك تفهمهم بس هما هيفهموك كويس جدا فاوعي تغلط فيهم كرم العرب وشهامتهم
طبعا كل شئ متاح في تونس بس انتا اللي بتختار حسب مبادئك ودينك
وبالنسبه للبايعين او كده فاصل معاهم او قول للبياع هذا بقديش وهو ينزل معاك اعتبر نفسك في مصر وخد راحتك في الفصال
نيجي للاكل
لازم تجرب اكلهم لانك هتلاقيه مختلف عنا تماما
اشهر اكلهم السمك و المقلوب مقروظ والكسكسي وطبعا التونه دي شئ اساسي هي والبيض لازم يدخلوا في كل حاجه معظم اكلهم بالهريسه فلو مبتحبش الاكل المشطشط قولهم الاول
انا رايي ان احنا في مصر اكلنا افضل خصوصا بقي المحاشي وورق اللحمه والمكرونات وكده بس ميمنعش انك تجرب الاكل الصحي بتاعهم ممكن يعجبك مينفعش تمشي من غير ماتجرب الكسكسي والمقروظ علي الاقل
اخر شئ المواصلات
معظمها تاكسي او اتوبيس صغير كده بيسموه لواج بس ده مثلا من مدينه لمدينه او ممكن تركب قطر من مدينه لمدينه
فحدد من الاول انتا عاوز ايه علشان متتسوحش لان المواصلات مش متوفره بالقدر الكافي
طبعا الدينار بحوالي 7.5 مصري
والتكلفه علي حسب تقديرك ومصاريفك هناك يعني المصاريف قريبه من مصر بس اغلي حاجات بسيطه
اسيبكم مع جزء من الصور
استمتعوا بتونس الحلوه ❤❤

 

[Mary Hanem]

Sondes Azizi

 

[وحيد عبد المقصود]

يعيشك

 

[Hela Sioud]

Boutheina Boutheina

 

[Boutheina Boutheina]

تنوروا تونس يا مصريين احنا شعب واحد و اخوة

 

[Dina Moharram]

Maha Moharram

 

[Maha Moharram]

هو انا ممكن اسأل التدريب الطبي ده عباره عن ايه؟

 

[Hend Mansoor]

نسأل الاسئلة المهمة
جبتلي ايه من تونس؟!

 

[Hela Sioud]

هي فيزا تونس صعبه فعلا ؟

 

[Hossam Abbass]

ايه المؤسسة الطبية اللي طلعت تدريب عن طريقها؟

 

[Gihan Abdel Moneim]

انزل بالاكل يا شريف

 

[Tamer Gemaie]

تونس بلد جميلة بس للتصحيح حكة السردين مش التونة

 

[Hader Ashraf]

ف

 

[Osteo Osteo]

فيزا تونس فعلا غبيه يليها فى غباء الفيزا وده الاصعب على الاطلاق الجزاير

 

[Ahmed Fawzy]

Doctora BondoƧa

 

[Aya Abo El Dahab]

هما الكسكسى عندهم بالخضار واحنا فى مصر الكسكسى عندنا حلو او بشربه

 

[Tarek Shafiek]

Imen Ouechtati

 

[Charfi Aouicha]

نورتنا يا باشا ... فرحت انه عجبتك تونس وخاصة منستير

 

[Ligne Rouge]

علي فكرة انت ما اكلتش نص الاكل التونسي والي هو احلي حاجة مثل الطاجين البريك السلاطة المشوية والارز الجربي.....وما تقدرش تقارن بين مين احلي الاكل التونسي او المصري عشان انت متعود بالاكل المصري كمان احنا نشوف ان الاكل التونسي احلي من المصري عشان تعودنا باكلنا.نجي لنقطة انه كل شي مباح في تونس وده مش صح هي زي مصر يعني لو عايز تتبع السكة الشمال ممكن ولو عايز تمشي في طريق الصح ممكن بس مش كل شي مباح عشان في قانون يمنع وجرب كده تعمل حاجة وهتلاقي الشرطة مسكاك علي طول.نجي للشواطئ تونس شواطئها مصنفه من احسن الشواطئ العالمية اي ضمن التصنيف العالمي ما اعرف ان كانت شواطئ مصر كمان مصنفه بس انت اكيد ما رحتش لاجمل الشواطئ التونسية والي هيا قليل حتي من لتوانسة الي بيعرفوها.اخر نقطة افي بيشتغلوا في السفارة دول فضحنا في كل حته بس ما يعبروش عن الشعب بس كمان في سفارة مصر بتونس مش مقصرين الصراحة هههههههه يبهدلوك علي ما يعطوك فيزا.عموما انت شرفتنا ونورتنا وياريت تنزل اكثر. صور عن تونس

 

[Eslam Hesham]

كنت ديما اقول لأي حد تونسي قبل ما أكلم معاه بص هقولك حاجه يقولي والله ما بصيت هههههه لحد ما فهمت معني الكلمه عندهم
التونسه شعب حلو اوي اوي وانا كان من اقرب الأصدقاء ليا توانسه