ياجماعه انا حاجز في الفندق ده في المدينه...

[Ibrahem Elhddad]

ياجماعه انا حاجز في الفندق ده
في المدينه المنوره عن طريق موقع booking
جيت اغير موعد الحجز واقدمه شويه
لقيت الرساله دي طلعالي
ياريت لو حد يفهمني ايه دي وليه
وايه المخرج منها ؟
مع العلم اني حدثت بيانات بطاقه الائتمان مع الموقع
تحديث. ...
بجد بشكركم جدا علي تفاعلكم اللي انا استفدت منه حقيقي والحمد لله الموضوع انتهي علي خير واتلغي الحجز بدون أي تكلفة
وهقول لحضراتكم كيف تم الإلغاء بنجاح الحمدلله
1- كلمت الفندق أولا علشان الغي الحجز واعدله لتوقيت آخر
2- الفندق لغي الحجز القديم وقالي أدخل booking واعمل الحجز الجديد
وتواصل مع booking وعرفهم انك لغيت وعدلت مع الفندق وهما لو سالونا هنقولهم انك لغيت واحنا موافقين علي الإلغاء
3- كلمت booking علي الرقم المخصص لمصر اللي الصديقة Marwa نزلته وصراحة طلعوا ناس محترمين جدا
مكتب booking في ألمانيا بالمناسبة
والرقم مخصص للغه العربيه
كلمت ردت علي
استاذه أريج
وأستاذ أيمن ابوسريع
كلمتهم وتواصلوا هم مع الفندق
والفندق قالهم انا موافق على الإلغاء
وتم الالفاء
والحمد لله كل شيء تم علي خير بمعاونتكم ومشاعدتكم
اشكركم جميعا شكرآ جزيلا والله

 

[Mahmoud Radwan]

خلي بالك كده الفندق حيسحب اوتوماتيك من الكريدت كارد بتاعك

 

[Luna Omar]

بيقولك لو عايز تغيير هتدفع مبلغ ١٢٦٠ لان مافيش إلغاء مجانى.. و تقريبا دا تكلفه ليله من غير ضرايب

 

[Ahmed A. Wanees]

واضح انك حاجز non-refundable
انت اخترت كده و انت بتحجز عشان بيديلك ارخص سعر ممكن مقابل ان مش من حقك تغير في الحجز بعد ما عملته

 

[Luna Omar]

ابعت لبوكينج طالما بتغيير فقط التواريخ و لسه وقت طويل على الحجز

 

[Eman Abou Ouf]

/Booking.com: The largest selection of hotels, homes, and holiday rentals

 

[Eman Abou Ouf]

ادخل على الحساب بتاعك وبعدين الكونتاكت ديتيلز وهتلاقى رقم تليفون لخدمة العملاء

 

[أحمد عبدالعزيز]

+44 20 3320 2609
ده رقم خدمه عملاء كلمهم وقلهم على كود الحجز وتابع الالغاء معاهم بكل سهوله ان شاء الله

 

[Mohab Sarhan]

انا حصل معايا حاجة شبه كده في مصر وسويت القصة مع المكان وقالي متخفش booking مش هيخصم حاجة ..رغم ان حجز booking متلغاش.. وفعلا مخصمش لوحده.. اظن القصة في ايد الفندق.. طالما انت كده كده حجزت معاهم خلاص المواعيد الجديدة.. هما هيتعاملوا مع بوكنج كانك رحت في معادك ويدفعوا رسوم بوكنج الحجز.. ده لو ضامنين انك هتروح مش هتلبسهم بعدها مثلا..

 

[Youmna Mahmoud]

بس انت بطاقتك مش صالحه فاهيخصم ازاي

 

[Youmna Mahmoud]

انا عمل معايا كده ومعرفش انه حجز مش بيتلغي و انه بفلوس .. دخلت اي تي ام تانيه قديمه وقبلها بعدها قلي غير صالحه سايباه بقي لحد ماييجي الميعاد هشوف هيحسب ازاي

 

[Khulud Hassan]

هو الحجز دا الدفع ف الفندق و لا بوكنج الي هياخد الفلوس !

 

[Mahmoud Amin]

اقفل البطاقه او فضيها

 

[Moataz Mohamed]

دخل بطاقة تانية

 

[Yasmine Mohamed Rasheed]

انا مرة حصلي كده كان الإلغاء بفلوس كلمت بوكينج نفسهم قالولي حيكلموا الفندق لو يرضي يتنازل و غالبا الفنادق بترضي علي فكرة