لو سمحتم انا ما سافرتش قبل كده وعايزة اسافر...

[Walaa Alsabbagh]

لو سمحتم انا ما سافرتش قبل كده وعايزة اسافر اقعد مده فى UK لو حد هيتكفل بمصاريفي هناك وهقعد معاهم فى البيت اقدم على فيزا نوعها ايه ؟؟ ولو قدمت على سياحة اقدر امدها هناك ؟

 

[Alaa Ahmed Mosbah]

خليهم يتكفلوا بيا انا كمان يا لولو ارجوكي

 

[Bassem Hassan]

F

 

[Hani Khattab]

اعتقد صعب يوافقو يدولك الفيزا لو اول مره ومفيش قرابة درجة اولى او ثانية مع حد مقيم هناك Khaled Badry

 

[Selma Khaled]

انا عندي نفس هدفك بجد و تايهة جدا في الموضوع ده ... ياريت حد يساعدنا

 

[Amr Eltelawy]

بصي هيا حظوظ انا اختي بعتيتلي و كان ورقي كويس و متظبط جدا لكن اترفضت و اعرف ناس ورقهم كان مش قد كده و اتقبلوا اعملي اللي عليكي و قدمي و ربنا يكرمك

 

[Ahmed Essam El-Din]

فيزا سياحه - اوعى تقولى انك تعرفى حد هناك

 

[M-Hassan Elbatt]

لا لا لا لا لا لا لا لا لا لا لا لا لا لا لو قولتي انك ليكي حد هناك مش هتخدي فيزة خالص

 

[Lovely Abdoo]

هي فيزا السياحه لبريطانيا في المتوسط مدتها قد ايه؟ وشروطها ايه؟

 

[Hala Aldunia]

لو قولتي ليكي حد هتترفضي صدقيني الوضع مش زي زمان اختلف كتير ... فيزا سياحة وظبطي الأوراق كويس وتوكلي

 

[Christine Guirguis]

قدمي علي standard visa و متكذبيش في الابليكشن علشان بيعرفوا كل حاجه و هتتمنعي من دخول البلد.. لو حد هيتكفل بيكي بس عندك حساب كويس في البنك و قايله انك هتصرفي برضه هناك ممكن يقبلوا.. هي ملهاش مقياس لو قلتي متعرفيش حد يبقي لازم حسابك في البنك يغطي تكاليف الاقامه و الفسح و الاكل و الشرب و الفسح هنا غاليه جدا.. انتي لازم حساب البنك يكون عليه حركه و لو عندك ممتلكات ده هيزود من فرص قبول الفيزا

 

[Lamia Nessim]

حد يعرف مدتها قد ايه ولا انا بقول فالابليكيشن هقعد قد ايه وعلي أساسها بيدوني الفيزا ؟؟

 

[Kassem Shaker]

ممكن اساعدك فى الاوراق

 

[Mohmed Hamdy]

Uk Uk 7elwaa l seeen 7elwaaa

 

[Abdullah Ezzat]

انتي طالبة في كلية الطب يعني ممكن تشوفي أي مؤتمر أو كورس تبع أي رويال كوليدج زي كورس Basic surgical skills أو ACLS وتسجلي فيه وتاخدي جواب دعوة وتقدمي على الفيزا بس غالبا حيدوكي الفيزا لمدة الكورس بس. بس حتبقى بداية كويسة عشان تقدمي مرة تانية

 

[Mahmoud Elgamal]

بصى من الاخر اسهل فيزا هيه فيزا دراسه بيقدمولك فى جامعه هناك بطلب ٧٥ جنيه والأحسن يقدموا فى اكتر من جامعه ويمضوا انهم متكفلين بمصاريف دراستك بحث الطلب مبيخدش وقت وبعد الموافقه بتروحى ع السفارة وتاخدى التاشيرة بسهوله بس لازم يكون معاكى مستوى اللغة اللى همه عاوزينه ف السفارة .انا معايا الجنسيه الالمانيه وبعت لأخويه دعوه واترفض

 

[Nabil Nada]

إنجلترا غير كل دول أوربا ... حتي في السياحة ... بمعني ممكن تاخدي منها فيزا ٣ شهور وفيزا ٥ سنين وده بسعر والآخر بسعر إنجلترا مش صعب في الفيزا زي دول الاتحاد

 

[Manal Afifi]

لو الناس اللي هيبعتولك الدعوه انجليز وغندهم شغل ومكانه كويسه احتمالات قبولك عاليه لاكن لو من عيلتك وقرايب اعتقد هيبقي صعب
علي اي حال خدي كل الخطوات واسعي وحاولي وربنا بيسهل

 

[Amera Gbr]

zakri plab w e5l3i forever

 

[Ahmed Fouda]

لو قولتي انك تعرفي حد هناك مش هتاخدي الفيزا
قدمي عادي كإنك رايحه البلد سياحه