K
Kasem Hato
:: مسافر ::
خلال السنتين الماضيات سافرت أكتر من أغلب الناس الطبيعيين, وصلت كتير وبلاد وتعرّفت على كتير ناس وعشت أيّام حلوة وأيّام بتخزي, صارت معي كتير مواقف خلتني أتعرّف عحالي أكتر وأفهم كيف أنا بفكّر قبل ما أحاول أفهم الناس, تبهدلت أغلب الوقت, مرّات أنام بالشارع, مرّات ببيوت ناس ومرّات بهوستلات, ونزلت بفنادق ٥ نجوم كمّن مرّة لما كانت تزبط معي أقنعهم ينزلوني عندهم ببلاش
المهم بدّيش أطوّل عليكم, بس بعد شويّة التجارب هاي اللي عشتها حبّيت أشارك معكم كمّن خاطرة هلأ ببالي:
- عشان تكون تجربتك أغنى, روح عكس الناس وال mainstream, واذا بدك تلحقهم لا تلحقهم على هبل,, مثلا جرّبت السفر في أوروبا بالصيف وجرّبت بالشتا, مع انه أغلب الناس بتخاف سفر الشتاء لقيت انه كتييييير أحسن, فنادق أرخص, ناس أقل, تذاكر متوفرة بدون حجز مسبق, بزيد نسبة تعاملك مع أهل البلد الأصليين بدلا من السياح وغير ذلك, لما رحت عالهند كمان رحت عكس الموسم السياحي, كان في شوية مطر بس غير هيك كانت رحلة فخمة.. مستقبلا رح أحاول كل السفر يكون مش بالموسم السياحي..
- الناس رح يحاولوا يخوفوك من كتير أشياء, هاد الشعب كله مجرمين, أغراضك ممكن تنسرق بالهوستل, اذا عملت كاوتش سيرفنج ممكن تنخطف, الأكل بالهند كله مسمم لا تاكل الا بكنتاكي, هاي المدينة صار فيها عمل إرهابي لا تروح عليها.. أكيد مرّات لازم تكون منتبه وتاخد احتياطاتك بس اذا بدك تسمع من الناس هاي النتيجة الوحيدة اللي رح توصلها انه ضل بالبيت وما تطلع منه لييجي يوم الحساب
- أغلب الشعوب بطبيعتها لطيفة وحبّابين, لا تترك تصرفات حكومة بلد معيّن أو شي سمعته عنهم تخليك تحكم على شعب كامل,, ياما حكولي ناس انه بعّد عن السيخيين لإنه بكرهوا المسلمين, مع هيك عندي كتير أصدقاء سيخيين, بعّد عن الإيرانيين كلهم شيعة وبكرهوا العرب وبدهم يقتلونا, بتعرفوا انه انت هيك عم توصف موقفك تجاههم مش موقفهم تجاهك؟؟
- عنصر الدهشة هو اللي بعطي للسفر متعته وبخلّينا نتعلم, اذا راحت الدهشة رح تبطّل تتعلم, بكل مكان, بكل شعب, بكل رحلة في أشياء تدعو للدهشة, حاول تقرّب أكتر وتشوف التفاصيل وتفهم غيرك ورح تضل تندهش
- السفر علّمني أفهم الناس اللي مختلفة عنّي عن طريق التعرّض للعديد من الصدمات الثقافية, بداية كنت لازم أشوف الإختلاف وأفهمه عشان أعرف أتفهّمه وأحس فيه, لكن مع الوقت بتصير تقدر تتفهّم وتحس بالمختلف عنك حتى بدون ما تشوفه, شوي شوي برتفع عندك قابلية فهمك وتفهمك للآخرين ومشاكلهم واختلافك عنهم..
- النكد نكد, لو قاعد بوسط البلد أو مسافر على المالديف رح يكون منكّد.. تعلّم تبطّل نكد قبل ما تسافر عشان تعرف تستمتع برحلتك وما تدفع مصاريك عالفاضي, يعني منكد ومنكّد, نكّد بالدار ببلاش أحسنلك.. والسفر لحالك كتير أحسن من السفر مع حدا من هاد النوع
شو رأيكم؟
الصورة من مدينة بيرن في سويسرا
Instagram & Youtube: IbnHattuta
مدونة ابن حتوتة
المهم بدّيش أطوّل عليكم, بس بعد شويّة التجارب هاي اللي عشتها حبّيت أشارك معكم كمّن خاطرة هلأ ببالي:
- عشان تكون تجربتك أغنى, روح عكس الناس وال mainstream, واذا بدك تلحقهم لا تلحقهم على هبل,, مثلا جرّبت السفر في أوروبا بالصيف وجرّبت بالشتا, مع انه أغلب الناس بتخاف سفر الشتاء لقيت انه كتييييير أحسن, فنادق أرخص, ناس أقل, تذاكر متوفرة بدون حجز مسبق, بزيد نسبة تعاملك مع أهل البلد الأصليين بدلا من السياح وغير ذلك, لما رحت عالهند كمان رحت عكس الموسم السياحي, كان في شوية مطر بس غير هيك كانت رحلة فخمة.. مستقبلا رح أحاول كل السفر يكون مش بالموسم السياحي..
- الناس رح يحاولوا يخوفوك من كتير أشياء, هاد الشعب كله مجرمين, أغراضك ممكن تنسرق بالهوستل, اذا عملت كاوتش سيرفنج ممكن تنخطف, الأكل بالهند كله مسمم لا تاكل الا بكنتاكي, هاي المدينة صار فيها عمل إرهابي لا تروح عليها.. أكيد مرّات لازم تكون منتبه وتاخد احتياطاتك بس اذا بدك تسمع من الناس هاي النتيجة الوحيدة اللي رح توصلها انه ضل بالبيت وما تطلع منه لييجي يوم الحساب
- أغلب الشعوب بطبيعتها لطيفة وحبّابين, لا تترك تصرفات حكومة بلد معيّن أو شي سمعته عنهم تخليك تحكم على شعب كامل,, ياما حكولي ناس انه بعّد عن السيخيين لإنه بكرهوا المسلمين, مع هيك عندي كتير أصدقاء سيخيين, بعّد عن الإيرانيين كلهم شيعة وبكرهوا العرب وبدهم يقتلونا, بتعرفوا انه انت هيك عم توصف موقفك تجاههم مش موقفهم تجاهك؟؟
- عنصر الدهشة هو اللي بعطي للسفر متعته وبخلّينا نتعلم, اذا راحت الدهشة رح تبطّل تتعلم, بكل مكان, بكل شعب, بكل رحلة في أشياء تدعو للدهشة, حاول تقرّب أكتر وتشوف التفاصيل وتفهم غيرك ورح تضل تندهش
- السفر علّمني أفهم الناس اللي مختلفة عنّي عن طريق التعرّض للعديد من الصدمات الثقافية, بداية كنت لازم أشوف الإختلاف وأفهمه عشان أعرف أتفهّمه وأحس فيه, لكن مع الوقت بتصير تقدر تتفهّم وتحس بالمختلف عنك حتى بدون ما تشوفه, شوي شوي برتفع عندك قابلية فهمك وتفهمك للآخرين ومشاكلهم واختلافك عنهم..
- النكد نكد, لو قاعد بوسط البلد أو مسافر على المالديف رح يكون منكّد.. تعلّم تبطّل نكد قبل ما تسافر عشان تعرف تستمتع برحلتك وما تدفع مصاريك عالفاضي, يعني منكد ومنكّد, نكّد بالدار ببلاش أحسنلك.. والسفر لحالك كتير أحسن من السفر مع حدا من هاد النوع
شو رأيكم؟
الصورة من مدينة بيرن في سويسرا
Instagram & Youtube: IbnHattuta
مدونة ابن حتوتة