S
Safaa Hamed
:: مسافر ::
انا هقولك تجربتي من كام اسبوع، انا قدمت ف المانيا بتقدم على الويب سايت بتاع tls contact و تملى بياناتك وعايز الفيزا من امتى ل امتى والتواريخ دي تفضل حافظها كدة عشان دي اللي هتبني عليها ورق كتير وتحجز معاد ولو عندك اي اسئلة بتتصل بيهم واسألهم كل اللي انت عايزه صراحة كانوا متعاونين و هتلاقي على الموقع pdf فيه كل الأوراق اللي مطلوب تجهزها، اول ورقة تعملها شهادة التحركات من مجمع التحرير وال HR letter لازم بيبقى موجه للسفارة مكتوب فيه وظيفتك و بتشتغل من امتى ومرتبك قد ايه وانهم عارفين انك هتكون ف اجازة من يوم كذا ل يوم كذا لو دورت على النت هتلاقي فيه templates لل HR letter شكله بيبقى ازاي تالت حاجة your trip itinerary و ده letter بتوجهه للسفارة بتكتب فيه انك مسافر من يوم كذا ليوم كذا و ده مسار رحلتك، يعني هقعد من يوم كذا ل كذا ف برلين من كذا ل كذا ف ميونيخ من كذا لكذا ف امستردام وهكذا وممكن تزود شوية من الاماكن اللي هتزورها ف كل حتة التواريخ مهمة جدا عشان بناءاً عليها هتعمل رابع خطوة وهي حجز طيران مؤكد ذهاب و عودة وحجز فندق مؤكد اوفنادق (لو كاتب ف مسار رحلتك انت هتقعد ف برلين ليلتين وميونيخ ليلتين لازم الحجوزات والتواريخ تبقى متطابقة) والحجوزات دي انا عملتها من شركة سياحة ف وسط البلد ب ١٠٠ جنيه خامس حاجة وثيقة تأمين سفر بتطلعها من اي شركة تأمين يغطي فترة سفرك كلها او اكتر وسادس حاجة كشف حساب البنك، كشف الحساب و حجز الطيران والفندق بتطلعهم قبل ميعاد تقديمك بكام يوم