هوا فعلاً في قانون جديد في المطارات انهم...

[LoAy Fayez]

هوا فعلاً في قانون جديد في المطارات انهم بيوزنوا الهاند باج وانت طالع الطيارة؟!! وان لو فيها زيادة بيغرموك!!

حد قالي انه حصل معاه كده على طيران العربية فانا قولت يمكن علشان طيران رخيص واقتصادي بس اتحكالي انه حصل بردو على طيران الامارات؟!!

حد عنده الخبر الاكيد؟

 

[Mohammed Awad El-Masry]

ده مش جديد بس حسب المزاج و المطار و الشركة
بس هما من حقهم يوزنوها

 

[Ahmed Ward]

مابيحصلش غير في اوروبا فقط
الهاند باك المفروض ٧ كيلو
بس عادي محدش بيوزنها غير في الطيران الداخلي في اوروبا بيوزن الهاند باك ومش دايما

 

[Hussien Khatab]

يا باشا من زمان وزن الشنطه دي وعلي حسب شركة الطيران اللي انته طالع عليها وعلي حسب المطار كمان

 

[Mohammed Sherif]

حاول تخليها 7مش ازيد وخلي فيها اهم حجات ليك

 

[Ahmed Hamouda]

بتحصلي على طول وبسافر مصر طيران و طيران سعودي بيوزنوها فعلا

 

[Fatma Omar]

انا هسافر الاسبوع الجاي ع العربية عادي هي كدا كدا لازم يكون لها وزن ف شركات 7ك وف 10 ك العربية 10 ولوشكلها عادي مش بيوزنو لو شكلها كبير بتتوزن

 

[Ahmad Shaltout]

حصل معايا فى دبى مع انها كانت تذكرة واحدة لخمس دول والامارات كانت قبل الاخيرة
قلتلها يعنى ٤ رحلات بنفس الشنطة وماحدش كلمنى قالتلى اصل هنا "هَبّ" وشروط الطيران مفهاش تهاون
اخدت لابتوب فى ايد وشوية هدوم فى ايد وعديت وبعدين رحعتهم تانى فى الشنطة

 

[Abdala Nabil Hussien]

هي طول عمرها المفروض ٧ كيلو بس لو زياده خفيفه بتعدي وحصلت معايا علي طيران الإمارات

 

[Omar Tharwat]

علي حسب مزاج الموظفين او لو جايلهم تعليمات غيز كدا الاغلب بيعدي بيها

 

[Christeen Magdy]

i travelled on emirates before and they don't weight the handbag

 

[Ahmed Moussa]

انا رحت اثيوبيا يوم 25 ورجعت 30 مفيش الكلام ده خالص

 

[Ahmed Mohammed]

حصل معايا عالخطوط السعودية في جدة من ٦ سنين ووزنوها

 

[Mahmoud Ali Aldin]

مفيش حاجه من دى حصلت معايا ولا مع اصحابى

 

[Mahmoud Fawzy Aless]

لسه جاي من يومين ولا حصل الهوا

 

[Badr Helmy]

حصل قدامي في مصر للطيران من دبي القاهرة و خلوا الناس يدفعوا فلوس او يرجعوا الشنط

 

[Shady Eshishtawi]

انا لسه مسافر داخلى من باريس ل نيس ومحدش وزن الهاند باك خالص

 

[Luna Omar]

بيحصل فى بعض الشركات و بعض الشركات لما تشك فى حجم الشنطه فقط. أوروبا بتشوف الحجم و الوزن على طول

 

[Heba Yahia]

ولا حصل معايا ولا مره علي طيران الاتحاد وتايلاند والسعودي

 

[Soha Helmy]

عادة لا يحدث . و لكن حدث معي من قبل في مطار جدة و حدث مع زملاءي في مطار ينبع الاسبوع الماضي