العمل الموسمي في إيطاليا .. علشان الناس اللي...

[Maometto Rabie]

العمل الموسمي في إيطاليا ..

علشان الناس اللي كل شوية تسأل عن عقود العمل الموسمية
دي مش عقود دايمة .. بمعنى أعتبر أنك رايح تتفسح كام شهر و فى نفس الوقت تجيب فلوس ..
كسر الفيزا .. عمره ما هيفيدك .. بالعكس هيضعف موقفك جدا لو حبيت تسافر تاني ..

إيطاليا كل سنة بتفتح عقود عمل موسمية ..

عقود عمل موسمية 3 أشهر او 6 أشهر :
عقود عمل موسمية ممكن تقديمها عن طريق صاحب الشغل .. لا يمكن تجديدها الا في حالات خاصة و برده لازم الداعي هوا اللي يجدد .. لا يمكن مغادرة إيطاليا بإستخدام الفيزا دي .. على الرغم أنه مفيش كونترول .. بس وجودك في أي دولة شنجن تانية هيبقى غير قانوني و هيأدي لترحيلك . و هنتكلم عن النوع دا

عقود عمل 9 اشهر او سنة :
دي بتبقى عقود عمل عادية .. ممكن تجددها عند أي حد و تسافر بيها براحتك جوا الشنجن و مش هنتكلم عن النوع دا ..

طـــريـــــقــة تقــــــديـــــم الطــلــــــب
أول حاجه .. لازم صاحب شغل إيطالي ..
.. يكون ليك حد في ايطاليا يدورلك على صاحب شغل ..
.. مش هتعرف تلاقى حد من ع النت ..
.. صورة من جواز سفرك ملونة ..

إزاي أتأكد أن صاحب الشغل قدم طلبي .. ؟
بعد التقديم . بياخد وصل لحد ما الرد بيجيلة

خلال 3 شهور الرد بيوصل لصاحب الشغل .. سواء بالموافقة أو بالرفض .

أسبــــاب عــدم الحصــول علــى عقـد العمـل أو تـــأخـره

عدم توفر الشروط المطلوبة في صاحب الشغل
أو يكون مش بيدفع ضرايب
يكون شركة وهمية
أو انه يسحب الطلب " يلغية "
خطأ في جواز السفر
النصب و الاحتيال من طرف اشخاص يوهموك انهم قدموا الطلب
اسباب أمنية اذا كان خطر دخولك لايطاليا
اذا كان عندك سوابق في بلدك أو في ايطاليا

طبعا لازم تاخد بالك من شوية حاجات .. بإستثناء مصاريف العقد
متديش فلوس لصاحب الشغل غير لما تاخد العقد ف أيدك
لازم تتأكد ان العقد جه مظبوط بالحرف و التاريخ
أحتفظ دايما بنسخ من أي ورق هتقدمه

طبعا زي ما أنتوا شايفين الموضوع مش سهل و فيه نصب كتير و رفض أكتر ف لو انت شايف أنك مش هتقدر تقنع السفارة بأنك هترجع تاني بعد انتهاء العقد سيبك من الموضوع دا اسأسا

 

[Manal Afifi]

السنه اللي فاتت في الصيف كان في فضيحه كبيره في ايطاليا ، شركه بعتت جابت 70 واحد من رومانيا وكل واحد دفع 2000€ علي اساس هيجي سنه وهياخد في الشهر 1500€ صافي وسكن والناس دفعت وركبت الطياره ونزلوا مطار روما ملاقوش اي حاجه اصلا وطلع كله نصب والناس اتظاهرت في المطار ورومانيا بعتت سفيرها في ايطاليا ووزيرها سافر وكانت مشكله كبيره
ايطاليا زي بالظبط بتوع تهريب الناس في المراكب كتير منهم نصابين والاكتر تجار بشر فياريت الكل ياخد باله

 

[Mohamed Ahmed]

لو بالنسبة للعقود بتفتح ف شهر معين ؟آخر معلومه وصلتني ما فيش شهر محدد ليها ممكن ف اي وقت وكانت بتفتح مرتين ف السنه ودلواقتي مرة واحدة بس

 

[Rafef Hafez]

Hafez Ali

 

[Mohammed Gamal Abd El-Azime]

لو سمحت كنت عاوز اسال عن الفيزا ال ٩ شهور اعملها ازاى ؟؟

 

[Ibrahim Gamal]

.

 

[Shikabala Black Mj]

ممكن اسم أو صيغة العقود ديه بالإيطالي يكون أفضل

 

[Alaa Hemdan]

طيب لو واحد مسافة فيزا بيزنس ينفع ينشأ شركه وياخد اقامه ؟؟

 

[Maometto Rabie]

أقل حاجه نص مليون يورو لو هتفتح شركة و لازم تفضل فاتحها سنتين ع الاقل قبل ما داخد الفيزا أو تشتري سندات من الحكومة بقيمة 2 مليون يورو