انا مقيم في الامارات وكنت عايز اسافر لبنان 5...

[Zac Anderson]

انا مقيم في الامارات وكنت عايز اسافر لبنان 5 ايام اجازه بالنسبه للمصريين من غير فيزا صح وبالنسبه لموضوع ال 2000 دولار ده بجد ولا عادي لان مش من الطبيعي ابقي ماشي ب 2000 دولار هيبقي معايا فيزا وممكن 300 دولار كاش مثلا فا دي مشكله ولا عادي ؟ ممكن ناس الي عندها خبره وسافرت قبل كدا تفيدني انا مسافر اول اكتوبر ان شاء الله

 

[Nour Yehia]

انا سافرت لبنان بس من القاهرة ...فعلا من غير فيزا و لازم يكون معاك 2000دولار و تاخد الفيزا فى المطار ب 25 دولار...او ممكن تطلعها من السفارة بتاعتهم بس مش عارفة بالنسبة ليك و انت برة اية

 

[David Farag]

خد الدولارات فئه ٢٠ و ٥٠ و سافر ببدله شياكه كده و هيسألك معاك الفلوس تقوله اه بكل ثقه و خلي فيه good eye contact.. مش هيبص فيهم ولا هيقولك وريهوملي و لو شافهم مش هيعدهم
#متجربه مرتين

 

[Mahmoud Said Elsayed]

لبنان الفيزا من المطار

 

[Sami Elmetwali]

لو معاك ماستر كارد ايه المشكله وكمان انت جاي من دبي

 

[Waleed Bedair]

لو مقيم في الامارات و مسافر من هناك مش من مصر مش مختاج ٢٠٠٠ دولار معاك بس لازم يكون معاك هويتك الاماراتيه و كريديت كارد.....اما لو حتسافر من مصر فاستحمل بقه عشان لازم يشوفوا دولاراتك و حاولت اقنعهم اني معايا كريديت كارد يغطي اكتر من الالفين دولار و مش منطقي امشي بكاش كتير ...لا حياه لمن تنادي و مفيش في بقهم غير التعليمات كده يا فندم ...

 

[Ramy Atef]

بص يا باشا انا عن تجربه لازم لو انت مصري لازم يكون معاك ٢٠٠٠ دولار وحجز اوتيل وهمي في لبنان وبس كده

 

[Wael Hassabo]

انا لما بسافر لبنان بيسألو على 2000$ فى مطار القاهرة و يس بطلعهم وهم فى أيدى يشوفهم من غير مايلمسهم و فى مطار بيروت محدش بيسال عليهم اصلا بتملى إستمارة و تشترى طوابع فيزا تقريبا ب 24$ و الظباط المختص يستلم منك و تاخد التأشيرة و شكرا

 

[Ihab Ellithy]

انا سافرت هناك كذا مره و ال ٢٠٠٠ دولار مهمين عشان بيسرعوا الإجراءات فى الامن العام بدل ما يقعدوا يسألوك انت نازل فين و هترجع امتى و جاى ليه و هكذا

 

[Luda Versace]

بيعدوهم ف مطار لبنان تا2000$ ورقة ورقة وكنت رايحة من دبى مش من مصر

 

[Yousra Mahmoud]

طلع فيزا من السفاره اللبنانيه عندك وريح دماغك بتاخد يوم واحد وتستلمها تاني يوم وممكن نفس اليوم .. هتبقا اغلى حاجة بسيطه من الرسوم اللي هتدفعها في المطار بس هتريحك من وجع الدماغ ولا هتقف في طوابير الفيزا في المطار ولا حد هيسالك عن الفلوس

 

[Hany El-Deeb]

خد الفيزا من هنا ب 160 جنيه اريحلك

 

[Shahenda Shokry]

لا عادي كنت ماشيه ب ٤ امن نفسك و اتكل علي الله

 

[Mahmoud Taha]

ياعم لبنان اية وبتاع اية دى اغلى بلد فالدول العربية بالنسبة للاسعار ..وكمان لبنان مفهاش حاجة مميزة تشوفها غير الكباريهات ..واصلا اللبنانيين متعجرفين وعايشين فى الدور ..بلا منها سافر تونس او المغرب احلى بكتير وناسها محترمين

 

[Kareem Adel]

Adel Elrais

 

[Ahmed Maher Gobbah]

لازم كاش وساعات كتير بيتعدوا... يااما تاخج فيزا من السفارة هنا

 

[Ahmed Elmelegy]

انا كنت جاي من القاهره ل دبي فالظابط رخم علشان التيكت فيها ترانزيت ودخلت لظابط تاني في مكتب وقعد يهري كتير ويقول دولارات وكلام من ده وانا بكل ثقه وتقل وباصصله كنت محول 150 دولار بس ورقه ب 100 و 50 ورقه فئه 1 دولار فكانو شكلهم باكو كده جميل
وكمان باكو فكه دراهم
لقيته تنح وقالي اتفضل تروح وتيجي بالسلامه

 

[Ayman Gomaa]

الفيزا ب ٩٥ درهم بتطلع في نفس اليوم او تاني يوم الضهر من غير وجع قلب لا قلق

 

[نورسالم ابورية ابوريه]

فيزا مدتها كم يوم لوسمحتو

 

[Tan Tan]

لازم وضرورى 2000 دولار كاش فى جيبك ولازم وضرورى حجز فندق ولو ليوم واحد
الأمن العام فى مطار بيروت واعى جدا ودقيق
انا مصرى وبسافر دايما شغل وكل مره بيسالونى على ال 2000 دولار وحجز الفندق