هسافر نيجريا الشهر اللى جاى لمؤتمر وحجزولى على...

[Mohi Ahmed]

هسافر نيجريا الشهر اللى جاى لمؤتمر وحجزولى على الخطوط الأثيوبية عندى سؤالين

1- هل حد جربها قبل كده (الخطوط الأثيوبية) وايه تقيمه ليها حلو ولا ايه؟ وهل لو لسة فى امكانية انهم يحجزوا على مصر للطيران هتكون أفضل ولا ايه (الاثيوبة ومصر للطيران) هم الشركات المتاحة للسفر

2- فيه ترانزيت فى أثيوبيا (فى اديس ابابا)هل بتحتاج فيزا ترانزيت ولا بدل مش هدخل البلد ما بتحتاجش فيزا؟
شكرا على مساعدتكم

 

[Helal Helal]

اديس ابابا جميله والسوق الحره رخيصه مش محتاج فيزا ترنزيت

 

[Amr Kamal]

مش محتاج فيزا ترانزيت. مطار أديس مؤرف و مفيهوش حاجه تتعمل. خد مصر للطيران جميله في الرحلات الطويله

 

[Amro Abou Elfetouh]

طيران كويس بس اختار الاكل علشان الاكل كلة حراق جدا

 

[Amr Kamal]

و طيران الإثيوبي جميل بردو

 

[Ahmed Hamdy]

جربتها قبل كده مرتين....كانت نضيفه بصراحه والمضيفين محترمين ...انا شايفها انضف من مصر للطيران بصراحه.
بالنسبه للترانزيت مش محتاج فيزا طالما مش هتدخل البلد .
مطار اديس ابابا زحمه جدا ومش نظيف والمحلات فيه غاليه فلو هتقعد كتير خد حاجه تسليك واكل بسيط.

 

[محمد عادل]

هي آراء ويمكن عشان انا كنت لسه راكب قبلها القطريه...بس انا محبتش خالص خالص الخطوط الأثيوبيه ولا أكلهم وكنت مش طايق ريحه الاكل طول الرحله والكراسي عاديه يعني مش وحشه ولا حلوه والمضيفين كويسين بس الطياره والاكل مش حلوين خاالص...مش هتحتاج فيزا ترانزيت

 

[Hala Aldunia]

مش محتاجة فيزا ورخيصة وجميلة بس الطيران سمعت انهم أي كلام

 

[Ahmed Gado]

مصر للطيران ...أفصل

 

[Ahmed Moustafa]

مش بطاله خلي بالك لو معاك اكثر من 3000 دولاى بلغ لاما ممكن ياخدوهم حتى لو ترانزيت ممكن تدخل اديس بفيزا من المطار . المطار قريب جدا من البلد او بالاصح جوه البلد

 

[Mo Melegee]

جربها و ابقي احكيلنا لما ترجع
السفر مغامرة فلازم تجرب كل مرة حاجة جديدة حتي لو حد قالك انها وحشة

 

[MaZen Mah]

لا مصر للطيران ولا الاثيوبيه بس احنا مضطريين
مصرللطيران احسن الوحشين

 

[Mo Melegee]

انت مسافر افريقيا يبقي خلي كل حاجة ف رحلتك افريكانو
المهم انك اقرا كويس ع نيجيريا و اعرف الحياة هناك ماشية ازاي و شوف نازل فين و هتعرف تروح فين و هتتحرك بايه و كده

 

[Mostafa Elswefy]

الاثيوبيه طيران محترم

 

[Mohamed Goudaa]

الفرق مش كبير بين الشركتين.
عن نفسي بفضل مصر للطيران. بس غالبا في موقفك بختار الطيارة اللي هوصل بيها القاهرة الاول.
و مش هتحتاج فيزا ترانزيت في اديس

 

[Emad Fawzy]

بصراحه كل المعلومات حلوي اووووي

 

[Anan Mazen]

انا سافرت علي الخطوط الاثيوبيه ونزلت ترانزيت في اديس وخطوط محترمه وزى الفل

 

[Prince Nory]

الطيران ممتاز واديس لو دخلتها ممتازة

 

[Mohammed Hashad]

انا مش حكلمك علي الإثيوبية علشان لم استخدمها بس نصيحتي انك تأخذ بالك في نيجيريا علي متعلقاتك الحراميه والنصابيين كتير جدا وفي غايه الاحترافيه في السرقه .لا تثق بأحد حتي في الفندق لا تترك اشياءك

 

[Helal Helal]

خلى بالك من النصبين انا عمرى ماتنصب عليه اتنصب عليه هناك ٤ مرات بيسرقوكى وينصبوا مستحيل تحسى وحاجه كمان لو لقيتى اى مصرى هناك اوعى تتكلمى معاه لانهم بيبقوا حتان نصب