M
Maometto Rabie
:: مسافر ::
تجربتي مع تأجير عربية .. أيطاليا مطار بيرجامو
أنا أجرت من شركة اسمها Autoclick Rent a Car
في نظري من أحسن الشركات ..
حجزت من ع موقعهم فيات 500 اتوماتيك لمدة سبع ايام بالتأمين بحوالي 190 يورو + 50 يورو بيتم استردادهم لما ترجع العربية كاملة بنزين .
السعر شامل : 30 يورو علشان كنت ناوي أخرج بيها بره ايطاليا .
و 30 يورو علشان رجعتها ف غير أوقات العمل الرسمية بتاعتهم .
طلعت من مطار بيرجامو أتصلت بيهم واحده ردت عليا و قالتلي اقف فين علشان الفان تيجي تاخدني .
وصلت المكتب فى حوالي 5 دقايق طلعتلي شوية أوراق " لازم يكون معاك رخصة دولية ، و لو انت مقيم بقالك اكتر من سنة ف الاتحاد الاوروبي لازم رخصة سواقة من اي بلد ف الاتحاد "
المهم واحد دخل راح جابلي العربية ، أخدتها منه لاحظت انه فيها خدش بسيط ف جنب العربية حوالي 3 أو 4 سنتي ، رجعتلهم و صممت انها تكتبة ف العقد ، مع انها حولت تقنعني أن حتى لو أنا اللي خبطها مش هدفع حاجه .
أخدت العربية و سوقت بيها حوالي 1100 كيلو ، و خبطها ف الجنب و خدشت المراية تقريبا العربية كانت محتاجه بودي باينت بجوالي 600 أو 700 يورو ، المهم لما جيت أرجعها قالولي أحطها ف الباركنج بتاع المطار و اسيب جواها المفتاح و أخد صورة من التانك و من مكان العربية علشان يعرفوا يوصلوا ليها .
ف نفس اليوم لقتها بتتصل بيا بتقولي اني مبعتش ايميل ، قلتها انا بعت اول ما حطتها و حطيت 5 صور مش بس صورتين .. المهم الكلام دا كان بعد ما سبت العربية بحوالي 12 ساعه يعني لو كنت أتأخرت نص يوم كامل مكنش حد هيعرف ... " غير من التكت بتاع الباركنج " ، المهم قالتلي خلاص انها لقت الايميل و هتبعتلي ايميل أول ما تلاقي كل حاجه مظبوطة و فعلا بعتتلي ايميل فيه الفاتورة بتاعت الريليس بتوع ال 50 يورو ، مع اني مكنتش منتظرهم لأني ف بالي أنا طلعت عين اهل العربية .
العيوب :
1- الشركة مش ف المطار علشان كده بتروحلهم بأتوبيس بيجي ياخدك مخصوص من المطار لو أنت حاجز .
2- لو مش هتشتري التأمين لازم كريديت كارد .. بس دا فى كل شركات الايجار .
المميزات :
1- السعر الرخيص .
2- نفس العربية اللي حجزتها هيا اللي روحت أستلمتها .
3- العربية جديدة أقل من 6 شهور العربية اللي كنت واحدها كانت 6000 كيلو .
4- ع الرغم من ان التأمين غالي إلا انه بيتيح لك استعمال الديبيت كارد ، و في حالتي فيزا الكترون اللي معظم الشركات بترفضها ، دا غير راحت البال.
أي حد عنده سؤال ياريت يكتبة و انا هرد علية
أنا أجرت من شركة اسمها Autoclick Rent a Car
في نظري من أحسن الشركات ..
حجزت من ع موقعهم فيات 500 اتوماتيك لمدة سبع ايام بالتأمين بحوالي 190 يورو + 50 يورو بيتم استردادهم لما ترجع العربية كاملة بنزين .
السعر شامل : 30 يورو علشان كنت ناوي أخرج بيها بره ايطاليا .
و 30 يورو علشان رجعتها ف غير أوقات العمل الرسمية بتاعتهم .
طلعت من مطار بيرجامو أتصلت بيهم واحده ردت عليا و قالتلي اقف فين علشان الفان تيجي تاخدني .
وصلت المكتب فى حوالي 5 دقايق طلعتلي شوية أوراق " لازم يكون معاك رخصة دولية ، و لو انت مقيم بقالك اكتر من سنة ف الاتحاد الاوروبي لازم رخصة سواقة من اي بلد ف الاتحاد "
المهم واحد دخل راح جابلي العربية ، أخدتها منه لاحظت انه فيها خدش بسيط ف جنب العربية حوالي 3 أو 4 سنتي ، رجعتلهم و صممت انها تكتبة ف العقد ، مع انها حولت تقنعني أن حتى لو أنا اللي خبطها مش هدفع حاجه .
أخدت العربية و سوقت بيها حوالي 1100 كيلو ، و خبطها ف الجنب و خدشت المراية تقريبا العربية كانت محتاجه بودي باينت بجوالي 600 أو 700 يورو ، المهم لما جيت أرجعها قالولي أحطها ف الباركنج بتاع المطار و اسيب جواها المفتاح و أخد صورة من التانك و من مكان العربية علشان يعرفوا يوصلوا ليها .
ف نفس اليوم لقتها بتتصل بيا بتقولي اني مبعتش ايميل ، قلتها انا بعت اول ما حطتها و حطيت 5 صور مش بس صورتين .. المهم الكلام دا كان بعد ما سبت العربية بحوالي 12 ساعه يعني لو كنت أتأخرت نص يوم كامل مكنش حد هيعرف ... " غير من التكت بتاع الباركنج " ، المهم قالتلي خلاص انها لقت الايميل و هتبعتلي ايميل أول ما تلاقي كل حاجه مظبوطة و فعلا بعتتلي ايميل فيه الفاتورة بتاعت الريليس بتوع ال 50 يورو ، مع اني مكنتش منتظرهم لأني ف بالي أنا طلعت عين اهل العربية .
العيوب :
1- الشركة مش ف المطار علشان كده بتروحلهم بأتوبيس بيجي ياخدك مخصوص من المطار لو أنت حاجز .
2- لو مش هتشتري التأمين لازم كريديت كارد .. بس دا فى كل شركات الايجار .
المميزات :
1- السعر الرخيص .
2- نفس العربية اللي حجزتها هيا اللي روحت أستلمتها .
3- العربية جديدة أقل من 6 شهور العربية اللي كنت واحدها كانت 6000 كيلو .
4- ع الرغم من ان التأمين غالي إلا انه بيتيح لك استعمال الديبيت كارد ، و في حالتي فيزا الكترون اللي معظم الشركات بترفضها ، دا غير راحت البال.
أي حد عنده سؤال ياريت يكتبة و انا هرد علية