لسه راجع من الصين حصل موقف في مطار جوانجزو...

  • بادئ الموضوع بادئ الموضوع Sameh Mohamed
  • تاريخ البدء تاريخ البدء
عرض العطلة
#41
على فكره يا جماعه للامانه والعدل ممكن يكون الراجل ده فعلا ضاعت فلوسه ... وممكن يكون ابن ناس جدا ومحترم ... يعنى لو انته ف المطار وضاعت فلوسك بس لسه معاك سجايرك هترميها ؟؟؟ هتشرب من همك وغمك للاسف حصل موقف مماثل مع صديق ليا والراجل فعلا فلوسه ضاعت الراجل الى كان معاه سرقه ولما حب ينزل اكتشف انه لازم يدفع ضرايب ف الفلبين ومكنش معاه فلوس يدفعها حوالى 50 جنيه واضطر انه يستلفها من واحد وراه ف الطابور واول ما نزل من الطياره مسكه من ايده وقاله مش هتمشى الا لما تاخد فلوسك ... يعنى فى ناس فعلا بتتكعبل وهما مش نصابين
 
#44
ياجماعة الخير زي ماانتم شايفين كل الناس اجمعت بيحصل الكلام دة من كل الجنسيات، في بعضه نصب وفي بعضه حقيقي (والاقدار) بتتحكم في المواقف وكن علي يقين انه لو نصب ربنا مش هيباركله ولو حقيقي يبقي انت ساعدت والجزاء من جنس العمل والنية، وموضوع تساعد او متساعدش بيختلف من واحد للتاني بس اهم شيئ متعممش ومتحكمش عليه اذا كان نصب او حقيقي الا اذا كنت علي يقين
 
#45
يعني ده مبيحصلش في مصر بيحصل في مصر وبره وفي منهم كدابين وفي منهم بجد بيكون معذور وحصله ظرف مش شرط تفرض سوء النية اللي في دماغك ع الناس كلها عشان لابس شوية حظاظات وانسيالات وريحته سجاير يبقي خلاص بيحور انت متعرفش ظروف الناس ا بطلوا الشغل الفاضي بتاعكوا ده لو في مقدرتك تديله خلاص مش في مقدرتك تجنبه بكلمه حسنه مش تقول سبناه ومشينا كأنه جربه اسلوبك يدل ع طبقية وطريقة مش كويسة للاسف
 
عرض العطلة
#46
بغض النظر عن الجنسية بس ابسط طريقة انه يتصل على اهله يدبرولوا المبلغ ويحولوه ويسترن يونيون وبس يرجع يتصرف ويسد المبلغ..
ببساطة لو صارت معي حعمل هيك.. وهدا طبعا اسلم وانسب حل..
 
#48
وانت عرفت منين انه بيشحت !
هو فيه حد بيشحت جوه المطار ؟
لابس كويس ومتروشن يعني مش شمام ولا متسول ولا نصاب ..


انت كتب البوست وكتبت الاحكام وعينت نفسك القاضي لمجرد ان واحد طلب منك فلوس بمنتهي الادب واداك اسباب

احساس مقرف فعلاً بس من معايره الناس لزنقه غيرها
 
#49
حاجة غريبة جداً ما أتمناش تكون فى نفس موقفه ... بعيداً إنى مش مقتنع بفكرة إنه طالع لغاية الصين يلم فلوس من كام مصرى هيقابلهم فى المطار ميعدوش خمس أنفار ده لو قابل وعشان مبلغ ٥٠٠ أو ٦٠٠ جنيه
السؤال ده مصرى زيك إحتمال يبقى فى كرب فى بلد غريب انت هنا بتقرض الله وليس عباده تخيل بس احتمال واحد انه يكون صادق وكم البهدلة اللى هيتبهدلها وكان فى ايدك تاخد ثواب كدة كدة وتستر ابن بلدك
على الفكرة ممكن يكون كاتب نفس البوست بيلعن المصريين اللى موقفوش جمبه فى زنقته فى الغربة
 
#50
وبشكل شخصى حصلت معايا فى المغرب واحد شكله محترم جالى على الترابيزة وقالى انا سمعتك بتتكلم ... انت مصرى قلت اه ايوة قالى انا الفلوس اللى معايا وقعت وكنت اتغديت ومش معايا فلوس ... ممكن تاخد موبيلى وتدفع لى الحساب نرجع الفندق وهديك الفلوس ولسة بيطلع الموبيل قلت له يا بن عمى انا مش مداينك انا عزمتك على غدا الراجل قعد يتخانق معايا عشان اروح الفندق معاه او اخد الموبيل بعد ما اديته المبلغ سيبته وتقريباً جريت
عارف بالصدفة بعدها بكام شهر كنت قاعد مع اسرتى فى مطعم لقيت حد جه ومسكنى وقال " ابوكم يا ولاد ارجل راجل فى الدنيا " قدام ولادى بلف لقيته هوا طلع دكتور فى احد الجامعات الخاصة وبقينا اصحاب جداً
اعمل الخير فى عباد الله فقط لله
 
عرض العطلة
#51
يا اخونا ببساطة كدا الموقف كان واضح منه ان الاخ بيشتغلنا ومتعود علي الجملتين اللي بيقولهم وانه شغال علي تعاطف وطيبة المصريين والغربية والكلمتين دول
واخد معاه محفظته
واللي حيطلب حيطلب وسيلة اتصال بالاهل او بصديق مقرب يحجز له مش حيطلب فلوس ولما نرفض يبجح ويقول هات حتي 200 يوان!!
 
#52
انهاء لحالة اللغط السائدة في البوست بدون داعي
انا شخصيا اتسرقت كل فلوسي وكل بطاقات الأئتمان الخاصة بي بمجرد وصولي مطار فرانكفورت وكان معايا زميل في العمل
يومها كلمت البنك ووقفت بطاقات الأئتمان مؤقتا وثاني يوم رجعت الشنطة بكل حاجة عدا الفلوس وفضلت اسبوع في المانيا ورفضت اخد فلوس حتي من اصدقائي او من زميلي رفيق الرحلة وفعلت بطاقات الإئتمان لما رجعت لي
لكن حالتي النفسية كانت زي الزفت لا باكل ولا بأشرب
 
#53
هي الفكره انه الى بيكةن فعلا محتاج بيطلب بكرامه وعزه نفس لكن التناكه والصعبانيات ده تسول .. والواحد لما بيعمل حاجه كويسه فى موقف زى ده بيطلعها لله حتي لو شاكك .. انا حصلت معايا فى ميدان التحرير شب شكلو ابن ناس وخدو بالكو من الجمله ديه لان ده اهم قانون فى عقيده النصاب ان يكون شكله كويس الكلام ده كان من 2012 تقريبا جه ج نبنا كده ووقف يسمع واحنا بنتكلم كانه مننا ةبعديها طلب سجاره ووقفت اتكلم معاه طلعتله اتنين وولعتله واحده شويه طب انا محرج منك والله بس فلوسي خلصت وبايت من امبارح وجعان ماعكش خمسه جنيه بس بصيت حواليا لقينا عربيه فول قولتله تعالا ياعم احنا كده كده رايحين نفطر قالى لا والله مش عايز اتقل عليك وبتاع فطرنا وظبطنا الكلام وخدته وروحنا على قهوة قعدنا وروقت عليه بجد .. طب انتا لو حد ابن اصول اقل مافيها هتقولى طب رقم تليفونك لكن ده ولا اى حاجه كاني ماشي مع ابن اختي .. ةصلته للمترو واديته فلوس يروح بيها اديتلو علبه السجاير الى معايا وقولتله هات رقمك ياعم عشان لو نزلت ماتبقاش لوحدك انا كل يوم هنا وبتاع اداني رقمه ونزل المترو .. اتصل بيه تاني يوم على اساس انه يجي نقعد مع بعض ماكنتش محتاج من وش امه حاجه الاقي الموبايل مغلق .. الواحد فى الاول والاخر بيعمل لله بس انا مستخسر فى نفسي ثواب فى شخصيه زي ديه والله .. ومع ذلك وقعنا فى المواقف ديه كتير كل واحد بيعمل باصله بس برضو ماينفعش تعمم الايه وربنا يجعلنا اسباب ينتفع بها لمن يستحق
 
#54
الناس اللي بتقول المصريين هما اللي بيعملوا كده ما هو لاما ما عاشوش بره لاما فاكرينها مضحكه جدا
الموضوع ده موجود في كل حته وفي بلاد الحد الادني فيها مفيش مصري يحلم بيه ومفيش بطاله
ادي السائل بنيه لوجه الله والاجر اللي عند الله مش بيضيع
مش عايز تديله ابتسم واصرفه بالمعروف وكلمه طيبه وخلاص
لكن حضرتك ماستفدتش حاجه غير انك ظنيت فيه وشهرت بيه وبالمصريين واحتمال 1% انه يكون مظلوم وتشيل ذنبه
 
عرض العطلة
#57
لا انا شفت مسئول مصر للطيران هناك كان واقف ولو حد وزنه زيادة حاجة بسيطة بيدي تعليمات للي علي الكاونتر يعديها مغ مصريين وغير مصريين بصراحة ومشفتش منه حاجة غلط الحق يقال
 
عرض العطلة
عرض العطلة