لسه راجع من الصين حصل موقف في مطار جوانجزو...

[Sameh Mohamed]

لسه راجع من الصين حصل موقف في مطار جوانجزو بصراحة حاجة مخزية جداً
واحد مصري شاب كدا حلو وبصحته جالنا واحنا 3 مصريين كدا ومطلع المحفظة وكارنيهات وبتاع ومعلش انا باشتغل في ماليزيا وجيت المطار وفلوسي ضاعت وبتاع ومحتاج مساعدتكم
الباشا ريحته سجاير تعمي ولابس سلاسل وانسيالات وحاجة اخر روشنة يعني
قلنا له معلش معاناش فلوس
رد اي حاجة حتي لو 200 يوان بقرف كدا
المهم سبناه ومشينا وكلنا احساس مقرف بالحزن
واحد مصري سايب مصر ورايح يشحت من المصريين بره وينصب عليهم حاجة مقرفة جداً
وبالله عليكم رقاق القلوب اللي حيدخلوا يقولوا واش عرفك مش جايز محتاج وبتاع
فيه مليون وسيلة يسافر بيها غير انه يشحت
اعتبروا البوست فضفضة مش اكتر من كتر الخنقة من المنظر اللي شفناه

 

[Moutaz Mohamed]

هو احنا بقينا نترفض من السفارات من شويه

 

[Eng'r Mostafs Saleh]

حضرتك كل الشحاتين اللي بيشحتو عند الحرم مصريين

 

[Saber Mohamed Nahl]

محدش اجبرك تديله حاجه

 

[Mayada Mohsen]

حتي لو ٢٠٠ يوان !! يعني هو مستتي الف مثلا و بيستقل ال ٢٠٠

 

[Mohamed Fawzy Yousef]

يا اخى بوست ملوش أى لازمة ..بتحصل و ناس بتتسرق فى كل مكان فى العالم ..معاك ساعده ممعكش خلاص سسيبه يمكن ربنا يكرمه بواحد يساعده ربنا لا يكتب عليك تتسرق برة بلدك و لو كداب و الله اعلم حسابه مع ربنا ...

 

[Ziad Hamed]

حصلت معايا برضو من أفريقي في جوانزو
وحصلت من سوري في مطار طرابزون
العيب الحقيقة مش عليهم نهائيا العيب أن في حد بيتعاطف ويديهم فبيحاولو تاني بس دي مش عمايل المصريين بس

 

[Shimaa Abd El Fattah]

الموقف ده بيتكرر ف مصر وبره مصر والله وهتلاقى البنات توقف شباب والشباب يوقفوا بنات الموقف ده بيتكرر كتير جدا للاسف

 

[Amr NoVlo]

ربنا ما يوقعك في موقف زي دا عشان بتحصل كتير و ناس بتتسرق بس احنا دايما بنفترض سوء النيه.! بس بدام ريحته سجاير و لابس حظاظات يبقي لا طبعا بصله بقرف و سيبه و امشي و تعالي اكتب بوست ملوش اي تلاتين لازمه.

 

[Mahmoud Elleithy]

حصلت معايا في الامارات فعلا و شاب زي الورد وقفني و قالي ممعيش فلوس اكل ولا ارجع حتي خدته قعدته معايا و حجزتله تيكيت و دخلته المطار رجع مصر فعلا مش كل الحالات زي بعضها
بلاش تجمع

 

[Mûhãmmâd OmÂr]

واحد اردنى وقفنى امبارح ف دبى ونفس القصه

 

[Ahmed Mokadem]

عادي بتحصل كتير بس بيبان اللي بيشحت سبوبه واللي فعلا محتاج
وفي الاخر لو نويت تخرج فلوس طلعها بنيه الصدقه وجزاءك عند ربنا مش عند عبده

 

[Ahmed Mohammed]

والله حصلت معايا داخل الحرم المكي من شاب بيدعي انه مهندس واعتقد انه كان تركي او ايراني وطليق اللسان في اللغة الانجليزية وشيك جدا وفي البداية قعد يتعرف بطريقة كويسة ثم حكالي حكاية الله اعلم بيها انه هو وزوجته موجودين وفلوسه ضاعت وقصة طويلة ومحتاج اي فلوس

 

[Amina Osman]

ده سعودي وراكب عربيه جيمس وقفنا وقالنا نفس الكلمتين دول وهو في ألعربيه واتكررت كتير وسعوديين مش اي جنسيه يعني الفقير فيهم دخله مش بيقل عن عشرين الف ريال في الشهر ...الشحاته لا دين لها

 

[Morgan Magdy Abdukader]

بلاش افورة بتحصل فى كل الدنيا فى امريكا وفى النمسا واحد وقفنى نمساوى واخد نمرة تليفونى عشان يرجعلى الفلوس وبعد اكتر من 3 اسابيع لقيتو فى مكان تانى جريت علية اترعب وطلع الفلوس من جيبة واخدت حقى بعد مفئت الامل دة طبيعة بشرية كل البشر فيهم وفيهم مش كل حاجة مصر زفت مصر زفت بالعكس دة بالنسبة للشرفى الدول التانية احنا غلابة جدا جدا جدا

 

[Moutaz Mohamed]

يا شباب
بفكركم بنقطه احترام البعض في الردود
عشان محدش يحجب من الجروب

 

[Moataz Mohamed]

بتحصل فى كل مكان ومن كل الجنسيات حصلت معايا كتير بدون ذكر جنسيات وكل واحد بيعمل اللى ربنا بيقدره عليه وخلاص بدون ذكر تفاصيل اهم حاجه نعاملهم كويس حتى لو شكلهم بيشتغلو فى الناس " وأما السائل فلا تنهر "

 

[Ahmed Hasan]

انا لو مكانك كنت تفيت في وشه

 

[Ahmed Hasan]

الشحاتة جين مصري

 

[Mohamed Mohamed]

كنت تعرض عليه تركبه للمكان الهو عاةوز يروحه .. الغربة وحشة