A
Ahmed Adel El Mahdy
:: مسافر ::
استكمالاً لبوست سابق ديه تجربتى ف السفر اللى قلت هنزلها قبل كدا :
١- (المجر) رحت بودابست وهى بلد جميلة ومليانة فسح والمصاريف فيها رخيصة ، أهم الأماكن هناك اللى تتراح : fisherman's bastion و parliament و st stephen basilica و buda castle وتاخد جولة بالمركب ف نهر الدانوب تتفرج على جمال المدينة ، ولازم تروح يوم szechenyi spa وده اكبر spa فى اوروبا فيه مليون حمام سباحة مثلاً بمختلف درجات الحرارة وستيم وسونا ومساج وحاجة كدا ف الشهيصة ونصيحة تخليه اخر يوم اتمشى كتير ف بودابست صُبح وليل بلد وطبيعة جميلة والمدة الكافية ٤ أيام ..
٢- (النمسا) اتوبيسك بقا يامعلم هوووب ساعتان تبقا ف ڤيينا ، من أنضف وأرقى المدن تحس الشوارع والمبانى بتبرق من كتر النضافة تروح تقضى يوم فى schonbrunn palace ودا قصر مساحته شاسعة وحاجة كدا روعة بتشوف فيه تاريخ الأمبراطورية النمساوية وتتمشى ف جناينه الوهمية ، ومن كتر مالقصر كبير خدوا جزء منه عملوه جنينة حيوانات ادخلها برضه تستاهل ومتنساش تحضر ال apple strudel show وتاكلها وهى طازة ف مطعم القصر ، برضه هناك st stephen cathedral حلوة جداً هى وال opera وكمان Rathaus platz مكان مُبهج كدا وكله ألعاب ولازم لازم تتمشوا كتير فال historical center وتتفرجوا عالميادين والمبانى والتماثيل الأثرية حاجة كدا رائعة ، المدة الكافية ٣ أيام ..
٣-(التشيك) تاخد بقا نفس الأتوبيس اللى نزلك وتطلع بيه على براغ ، بلد جميلة بالصبح وبتسهر بليل حاجة كدا زى الفل ، تروح هناك بقا prague castle حلوة جداً ومكان تاريخى رائع وتعمل حسابك هتمشى كتير أوى وهتطلع مَطلع كدا ولا خط بارليف بس المنظر من فوق خيالى واقعد اشرب قهوتك كدا ف starbucks فوق الجبل واتفرج عالغروب ، وتروح بقا ال old town square وتتمشى هناك يومان مثلاً استمتع بكل تفصيلة ف المكان دا وتتمشى على charles bridge بليل وانت بتاكل ايس كريم ، وخد من اخر الكوبرى دا الصبح حاجة كدا زى اتوبيس كهربائى بيطلع الجبل رأسى زى الاسانسير واتمشى ف الجبل دا من فوق كله جناين وفيه فوق mirror maze هايلة وهيجيلك هستريا ضحك جوا ، وروح كدا بص على ال dancing house واستمتع بالمزاولة ، المدة الكافية ٤ أيام ..
٤-(ألمانيا) رحت فرانكفورت نص يوم قضيتها تمشية كدا عشوائية وانا كنت رايح دورتموند فى الأساس ، دورتموند بلد هادية كلها جناين وغابات منظر كان غريب عليا بلد كدا خضرا مريحة للأعصاب مفيهاش حاجات تتعمل غير انك تقضى يوم ف أحسن ستاد signal iduna park لأحسن جمهور ف الدنيا بروسيا دورتموند وتخش tour جوا والستور العالمى بتاعهم ، وكمان خدت عشاء ف قطر كدا بالفحم من أيام الحرب العالمية كان حاجة لطيفة برضه على العموم متروحش هناك إلا لو فى طريقك بالمرة ويومان بس ..
٥-(هولندا) خدت القطر من دورتموند رحت أمستردام بقا البلد الرائعة فيها كل حاجة فسح تلاقى طبيعة تلاقى متاحف وقصور تلاقى تمشية وميادين حلوة تلاقى قلة أدب تلاقى أى حاجة تخطر ف بالك ، تروح هناك بقا rijksmuseum و anna frank house شوفوا ومتخشوش و vondel park و royal palace of amsterdam و tiolip farms و madam tassaud و تتمشى ف dam square حلو جداً وتاخد river cruise كدا تلف فى القنوات الصغيرة وتتفرج على البلد ولازم لازم لازم تروح يوم ال countryside and windmills tour وتتفرج على جمال الريف الهولندى ومصنع القباقيب وبلاد الجبنة وموانى صيد السمك ودى من احلى التورز اللى شوفتها ف حياتى ، مدينة فى منتهى الروعة والمدة الكافية ٤ أيام ..
٦-(أسبانيا) برشلونة بلد البهجة والسعادة تحس انك منشكح كدا أول ماتروحها بس نقى وقت كويس عشان هى ف موسم الصيف بتبقى زحمة جداً ، تنزل بقا تتمشى ف لارملا وبلازا كاتالونيا وكل المنطقة ديه ، تروح campnou stadium tour حلوة جداً والستور بتاعهم فى منتهى القوة ولازم تحضر ماتش هناك مفيهاش كلام ، تروح بقا ال gothic quarter و tibidabo amusement park و sagrada familia ونصيحة متخشهاش هتدفع ١٤ يورو ومش هتتبسط اتصور معاها من برة وشوف المنطقة وخلاص ، روح شاطئ la barceloneta واستمتع بالمنطقة كلها تمشية ومطاعم وبحر وحاجة كدا وهمية وخد التلفريك بقا من هناك واطلع على montjuic castle واحجز تذكرة التلفريك وان واى وانزل من هناك بالاتوبيس ، فى ميدان كدا صغير متفرع من شارع لارملا عبارة عن حتة واسعة كبيرة كدا كلها مطاعم دا بقا يامعلم تضرب الحتة الكلاسيك من عالحبل وتنزل لو معاك المدام وتقضى أكتر عشا رومانسى وشيك فى حياتك هتحس إنك آل باتشينو ف نفسك أوى ،اتمشى كتير أوى فى برشلونة عشان هى فعلاً بلد حلوة ، اول ماتوصل مطار برشلونة اشترى من الماكنة كارت المواصلات بكذا يوم على قد اقامتك هيوفرلك كتير أوى ، المدة الكافية ٥ أيام ..
٧-(البرتغال) بعد بقا ماتخلص برشلونة ودوشتها وفركها مفيش أحلى من انك تطلع عالبرتغال بعدها وتروح لشبونة ، هتنزل هتتضايق للوهلة الأولى اللى هو ايه دا ايه اللى جابنى هنا ؟؟ بلد صغيرة مفيهاش destinations معروفة بس أحب اقولكوا ان ديه من اكتر البلاد اللى اتبسطت فيها ، بلد هادية جميلة كلها مناظر طبيعية خارقة ورخيصة اويييييي اللى هو هتخش كارفور تصرف ٥ يورو يغرقوك اكل وشرب وفاكهة وزبادى طول اليوم هناك بقا تروح تتمشى فى parca do comercio square وتقضى أحلى تمشية ياسلام بقا لو فى يوم تاخد فطارك هناك الله عالجمال ويوم روح اتغدا برضه قعدة رائعة وأكل حلو جداً وكتير ورخيص اللى هو ب ١٢ يورو هتدغدغ الدنيا ، لازم تروح منطقة bairro alto وتتمشى ف الشوارع الضيقة الطالعة والنازلة اللى معمولة من الطوب وتركب الترام الاصفر بتاعهم دا وتعيش أجواء امريكا اللاتينية شوية ، يوم بقا تاخد مايوهك يامعلم وتركب القطر اللى بيمشى والمحيط الاطلنطى على شمالك وتروح على cascais ديه بقا منطقة شواطئ وبتاع هتقضى يوم هايل هناك ومتنساش برضه تاكل فى مطعم من اللى على المحيط دا صدقنى بالدنيا ومافيها ، بخصوص الكلام عن الأكل بقا لو رحت هناك روح محل كدا اسمه pasteis de belem وتاكل حلويات صغيرة كدا شبه التارت الواحدة بيورو اقسم بالله دى احسن حاجة حلوة كلتها فى حياتى انا ضربت ٨ مش ممكن الصراحة ، يوم بقا إركب العبارة وروح الناحية التانية من البلد اسمها almada وزور المنطقة بتاعة cresto rei المصغر زى بتاع البرازيل منظر من فوق كدا بيبص على لشبونة كلها تحفة ، المدة الكافية ٤ أيام ..
٨-(دبى) دى بقا بلد تسيب الصدفة توديك هناك متخططلهاش خالص ، أنا روحتها ف وقت راس السنة وشوفت ال fireworks اللى بتيجى فى التيلفزيون ديه بلد نضيفة جداً وهم هناك شغالين فى اختراعات للفسح عشان يجذبوا السياح ، روح هناك برخصة قيادة دولية عشان تأجر عربية ومتتسوحش ، تروح هناك بقا دبى مول وتشوف النافورة الراقصة وبرج خليفة وتروح مول الأمارات وتخش سكاى دبى ، تروح ال kartdrome و wild wadi aqua park وتروح jumeirah beach وممكن بقا تطلع على أبوظبى ساعة سواقة وتخش ferrari world ومسجد الشيخ زايد و yas waterworld , المدة الكافية ٦ أيام ..
٩-(أمريكا) أُم الدنيا ياجماعة ، رحت الجزء الشرقى فيها بالتحديد ولاية فلوريدا قعدت فى ميامى ٤ أيام حيث البحر والمزيكا والرقص والمايوهات وكنت هناك شخص غريب جداً اللى هو بصحى الساعة ٧ الصبح وكل اما ادخل حتة اشرب بيبسى بس هى فظيعة بصراحة ، روحت يوم من ميامى على بلد جنبها بنص ساعة اسمها fort lauderdale حلوة جداً وشواطئ برضه وشهيصة ، من ميامى بقا ركبت الأتوبيس ٣ ساعات رحت أورلاندو وأوبااااا لقيت كل ما تشتهى الأنفس هناك ، أكبر disneyland فى العالم و universal studios و NASA و sea world أماكن مليئة بالسعادة وفى هناك كمان ال outlet malls بتشترى من هناك لبس حلو جداً ورخيص أوى اللى هو جزمة Timberland ب ٢٥٠ جنيه مصرى مثلاً جاكيت Tommy ب ٤٠٠ جنيه وكل المحلات والتوكيلات كدا هناك ، خلاصة الكلام يعنى ان أمريكا أُم الدنيا ، المدة الكافية مش أقل من ١٠ أيام ..
١٠-(اليونان) كان شهر عسلى ف سانتورينى ، بصوا ياجماعة الوضع والمنظر هناك غير قابل للوصف الصراحة حاجة كدا حتة من الجنة استرخاء واستجمام بس ، معملتش حاجات كتير هناك روحت يوم cruise كدا فى البحر فى مركب شراعى وحظنا ان احنا كنا لوحدنا فى مركب بتشيل ٦ أفراد عشان كنا ف شهر ٩ بعيد عن السيزون فكان يوم تحفة ، وحضرنا Greek wedding كدا زى show بيعملوه يوروك مراسم الجواز مع عشا يونانى ومزيكا يونانى وحاجة فى منتهى الألاجة ، المدة الكافية ٤ أيام ..
١١-(إيطاليا) بلد التمشية الأولى فى العالم كلها ميادين وشوارع حلوة جداً ومطاعم بيتزا أكتر من عدد شعر راسى ، الأماكن اللى تروحها colosseum ومش لازم تخشه هتدفع ١٦ يورو على أى كلام جوا كفاية من برا أوى و fontana de trevi و pantheon و piazza navona و piazza venezia و spanish steps و campe di fiori ودا سوق كدا بيبيع توابل ايطالى وجميع أنواع المكرونات حلو بصراحة روح هاتلك كيس ولا حاجة و تاخد شارع via del corso شارع طويل كدا كله محلات للشوبنج توصل اخره piazza del popolo اللى هتركب الترام منه عشان تروح ستاد الأوليمبيكو لو هتحضر ماتش لروما انا رحت ماتش روما وإنتر واتفرجت على أبو صلاح ، فى يوم بقا حجزت قطر رايح جاى لڤينيسيا قعدت فيها ٨ ساعات شفت واتمشيت كتير بلد حلوة وتجربة غريبة أوى حوار الميا اللى ف كل حتة دا وابواب البيوت اللى عالميا ديه ، المدة الكافية لإيطاليا ٤ أيام ..
١٢-(فرنسا) رحت باريس مدينة جميلة وفيها طابع رومانسي كدا عشان البنات ، تروح هناك بقا disneyland طبعاً يوم كامل وخلى بالك احجز تذاكر القطر لهناك رايح جاى ف اول اليوم عشان لما تخرج ترّوح على طول متقفش طابور تذاكر ساعة , eiffel tower دا بقا تروحوا صبح وغروب وبليل وكل الأوقات القعدة هناك تحفة ولو رايح فى الشتا فى كشك كدا هناك اشترى منه وافل نوتيلا وهوت تشوكليت بليل وقضى أحلى سهرة يامعلم ، تاخد بقا من هناك تمشية الصبح لحد ماتوصل louvre museum وتخش تشوف الموناليز انا متبسطش اوى جوا بس انا دخلت مخصوص عشان اشوف أم اللوحة ديه بس تخلى الواحد يتجنن بصراحة هتلاقيها باصالك فى كل حتة ، تروح كنيسة notre-dame حلوة جداً من جوا وتتمشى على نهر السين وحاجة كدا فى منتهى الروعة ، تروح كنيسة ال sacre coeur وتقعد فوق تبص على باريس كلها ، تتمشى فى شارع champs elysees الصبح وبليل من أول place de la concorde لحد ماتوصل ل arc de triomphe , فى جنب كنيسة نوتردام بقا هتلاقى مكتبة shakespeare and co وديه أقدم بوك ستور فى العالم اللى بيحب الكتب هيشوفها تجربة لطيفة هتحس انك فى سنة ١٩٦٠ ، المدة الكافية ٥ أيام ..
١٣-(إنجلترا) أنا رحت لندن ، بلد حلوة أوى فيها أماكن فسح كتير روح بقا طبعاً westminster ديه منطقة كبيرة انزل اتمشى بقا شوف big ben وهتشوف westminster abbey اللى اتعمل فيها فرح الاميرة ديانا وهتشوف london eye وتتمشى على نهر التايمز وتشوف مبنى ال mi5 بتاع چيمس بوند ، روح برضه buckingham palace منطقة حلوة أوى القصر واللى حواليه أنا شفت الملكة هناك كانت خارجة كان بينى وبين عربيتها ٢٠ سم مثلاً ، روح piccaadilly circus واتفرج على شاشات الأخبار وروح leicester square وخش بقا m&ms store و lego store وطلع الطفل السعيد اللى جواك ، روح trafalgar square اقعد هناك القعدة لطيفة بالذات بليل بتلاقى ناس عمالة تعزف مزيكا ، اتمشى فال hyde park ، روح covent garden سوق فى مبنى كدا حلو اوى ، خش madam tassaud لو مدخلتوش قبل كدا ، لازم لازم لازم تحضر ماتش دورى انجليزى تجربة وهمية وأجواء كورة بجد أنا حضرت ماتش توتنهام وايفرتون فال white hart lane ، روح ستاد stamford bridge بتاع تشيلسى والستور بتاعهم وروح ستاد emirates بتاع أرسنال والستور بتاعهم ، تاخد القطر فى يوم وتطلع على جرينتش تقضى يوم جميل هناك وتشوف الجناين والساعة وخط الشرق والغرب والكلام دا حلوة بصراحة تنزل بقا تحت هتلاقى مركب كدا متحف اسمها cuttysark تتغدا ف مطعم nandos اللى هناك وتحجز تذكرة عودة للندن بالاتوبيس النهرى رحلة ساعة كدا هتشوف كل حاجة ف المدينة بس وانت فى المركب حاجة كدا هايلة ، اتمشى ف oxford street ولو انت عايز تشترى أى مكملات غذائية للجسم للقلب للحمل للشعر لأى حاجة عندك المتجر العملاق holland and barret ، أول مابتنزل من المطار بتشترى خط وكارت مواصلات هيكفوك طول الرحلة وهينفعوك اوى اوى ، المدة الكافية أسبوع ..
- بعد ماجربت جميع أنواع الأقامة أحسن شئ من وجهة نظرى تأجير شقة من على airbnb ..
- تقدر تعرف أسعار تذاكر أى حاجة رايحها بسيرش بسيط على الانترنت كمان متوسط مصاريفك هناك ..
- أنا مقلتش كل حاجة فى كل مدينة انا قلت بس اهم واحلى الحاجات اللى لازم تتعمل فى حاجات تانية كتير ..
هاقول تانى ؛ البوست دا يمثل رأيى الشخصى وتجربتى عشان ملاقيش حد داخل ينتقدنى زى المرة اللى فاتت جايز فى ناس رأيها يختلف معايا ف حاجات ، ميعجبكش كلامى ورأيى بس انا بدى نصايح من باب العلم بالشئ للى ناوى يسافر وانت حر يعنى ..
ودا البوست اللى فات :
حاجات مهمة لازم تحطها ف دماغك لو عايز تسافر :
١- متروحش اوروبا ف شهر ٦ و ٧ و ٨ هتدفع فلوس كتير زيادة والدنيا بتبقا زحمة جداً مش هتنبسط خالص ، أفضل وقت لسفر أوروبا شهر ٤و ٥ و ٩ و ١٠ ..
٢- اللى مسافر أول سفرية ليه ميفكرش ويروح باريس وأمستردام مينفعش تروح حتة قبلهم ..
٣- محدش يروح اليونان لوحده متروحهاش إلا ف هانى مون وفككوا من أثينا تماماً هى أخرها يوم ..
٤- لو طالع شهر عسل سانتورينى مينفعش لوحدها هتحس انك معملتش حاجة اه مكان تحفة وحتة من الجنة بس لازم شوية حركات معاه ، تروح روما تروح باريس كدا يعنى ، لو ميزانيتك مش هتقضى الكلام دا متروحش اليونان ..
٥- لو هانى مون ف سانتورينى متسترخصش فى الفنادق لأنك مش هتلاقى الڤيو الحلو اللى نفسك فيه زود ميزانية الفندق شوية لأن المصاريف هناك قليلة ..
٦- هاقول تانى لازم تروح امستردام
٧- أمريكا ياجماعة هى أم الدنيا بس عايزة فلوس كتير أوى ، يعنى لو معاك فلوس تسافرها متحاولش تحط مقارنة مع أى حاجة ومتفكرش ..
٨- ديزنى لاند لازم تتراح ف باريس بقا ف امريكا ف المريخ ، لاااااازم تتراح ..
٩- لو رايح لندن اعمل حسابك لازم تروح ماتش دورى انجليزى هناك ، بالنسبالى عشان انا بحب الكورة دا كان ٥٠٪من متعة سفرية انجلترا ، مينفعش تفوت التجربة ديه ..
١٠- لشبونة بقا مكان فى قمة الروقان والجمال
١١- محدش يروح ڤيينا لوحدها المنطقة ديه كومبو كدا بيتاخد على بعضه ( براغ ، بودابست ، ڤيينا ) ..
١٢- روما أحلى بلد ف التمشية أنا مشيت فيها على الابليكشن ٨٠ كيلو
١٣- متعملش حسابك على ڤينيسيا كتير مش زى مابتيجى ف الصور على فكرة ديه خدعة اخرها يوم أو ليلة ، أنا روحتها يوم صد رد من روما بالقطر قضيت فيها ٩ ساعات وحلو اوى على كدا ..
١٤- برشلونة
١٥- متضحيش بفلوس سفر وتسافر دبى لأ سافر بفلوسها أوروبا ، ااه حلوة وكل حاجة بس خليها حاجة على جنب مش اللى يتخططلها فى أماكن كتير أهم ..
١٦- الجنيه الاسترلينى مؤذى جداً والمصاريف ف لندن مش معقولة لازم تسافر لوحدك اوعى تسافر مع مراتك
وادعولى بقا اخوض تجربة شرق اسيا
١- (المجر) رحت بودابست وهى بلد جميلة ومليانة فسح والمصاريف فيها رخيصة ، أهم الأماكن هناك اللى تتراح : fisherman's bastion و parliament و st stephen basilica و buda castle وتاخد جولة بالمركب ف نهر الدانوب تتفرج على جمال المدينة ، ولازم تروح يوم szechenyi spa وده اكبر spa فى اوروبا فيه مليون حمام سباحة مثلاً بمختلف درجات الحرارة وستيم وسونا ومساج وحاجة كدا ف الشهيصة ونصيحة تخليه اخر يوم اتمشى كتير ف بودابست صُبح وليل بلد وطبيعة جميلة والمدة الكافية ٤ أيام ..
٢- (النمسا) اتوبيسك بقا يامعلم هوووب ساعتان تبقا ف ڤيينا ، من أنضف وأرقى المدن تحس الشوارع والمبانى بتبرق من كتر النضافة تروح تقضى يوم فى schonbrunn palace ودا قصر مساحته شاسعة وحاجة كدا روعة بتشوف فيه تاريخ الأمبراطورية النمساوية وتتمشى ف جناينه الوهمية ، ومن كتر مالقصر كبير خدوا جزء منه عملوه جنينة حيوانات ادخلها برضه تستاهل ومتنساش تحضر ال apple strudel show وتاكلها وهى طازة ف مطعم القصر ، برضه هناك st stephen cathedral حلوة جداً هى وال opera وكمان Rathaus platz مكان مُبهج كدا وكله ألعاب ولازم لازم تتمشوا كتير فال historical center وتتفرجوا عالميادين والمبانى والتماثيل الأثرية حاجة كدا رائعة ، المدة الكافية ٣ أيام ..
٣-(التشيك) تاخد بقا نفس الأتوبيس اللى نزلك وتطلع بيه على براغ ، بلد جميلة بالصبح وبتسهر بليل حاجة كدا زى الفل ، تروح هناك بقا prague castle حلوة جداً ومكان تاريخى رائع وتعمل حسابك هتمشى كتير أوى وهتطلع مَطلع كدا ولا خط بارليف بس المنظر من فوق خيالى واقعد اشرب قهوتك كدا ف starbucks فوق الجبل واتفرج عالغروب ، وتروح بقا ال old town square وتتمشى هناك يومان مثلاً استمتع بكل تفصيلة ف المكان دا وتتمشى على charles bridge بليل وانت بتاكل ايس كريم ، وخد من اخر الكوبرى دا الصبح حاجة كدا زى اتوبيس كهربائى بيطلع الجبل رأسى زى الاسانسير واتمشى ف الجبل دا من فوق كله جناين وفيه فوق mirror maze هايلة وهيجيلك هستريا ضحك جوا ، وروح كدا بص على ال dancing house واستمتع بالمزاولة ، المدة الكافية ٤ أيام ..
٤-(ألمانيا) رحت فرانكفورت نص يوم قضيتها تمشية كدا عشوائية وانا كنت رايح دورتموند فى الأساس ، دورتموند بلد هادية كلها جناين وغابات منظر كان غريب عليا بلد كدا خضرا مريحة للأعصاب مفيهاش حاجات تتعمل غير انك تقضى يوم ف أحسن ستاد signal iduna park لأحسن جمهور ف الدنيا بروسيا دورتموند وتخش tour جوا والستور العالمى بتاعهم ، وكمان خدت عشاء ف قطر كدا بالفحم من أيام الحرب العالمية كان حاجة لطيفة برضه على العموم متروحش هناك إلا لو فى طريقك بالمرة ويومان بس ..
٥-(هولندا) خدت القطر من دورتموند رحت أمستردام بقا البلد الرائعة فيها كل حاجة فسح تلاقى طبيعة تلاقى متاحف وقصور تلاقى تمشية وميادين حلوة تلاقى قلة أدب تلاقى أى حاجة تخطر ف بالك ، تروح هناك بقا rijksmuseum و anna frank house شوفوا ومتخشوش و vondel park و royal palace of amsterdam و tiolip farms و madam tassaud و تتمشى ف dam square حلو جداً وتاخد river cruise كدا تلف فى القنوات الصغيرة وتتفرج على البلد ولازم لازم لازم تروح يوم ال countryside and windmills tour وتتفرج على جمال الريف الهولندى ومصنع القباقيب وبلاد الجبنة وموانى صيد السمك ودى من احلى التورز اللى شوفتها ف حياتى ، مدينة فى منتهى الروعة والمدة الكافية ٤ أيام ..
٦-(أسبانيا) برشلونة بلد البهجة والسعادة تحس انك منشكح كدا أول ماتروحها بس نقى وقت كويس عشان هى ف موسم الصيف بتبقى زحمة جداً ، تنزل بقا تتمشى ف لارملا وبلازا كاتالونيا وكل المنطقة ديه ، تروح campnou stadium tour حلوة جداً والستور بتاعهم فى منتهى القوة ولازم تحضر ماتش هناك مفيهاش كلام ، تروح بقا ال gothic quarter و tibidabo amusement park و sagrada familia ونصيحة متخشهاش هتدفع ١٤ يورو ومش هتتبسط اتصور معاها من برة وشوف المنطقة وخلاص ، روح شاطئ la barceloneta واستمتع بالمنطقة كلها تمشية ومطاعم وبحر وحاجة كدا وهمية وخد التلفريك بقا من هناك واطلع على montjuic castle واحجز تذكرة التلفريك وان واى وانزل من هناك بالاتوبيس ، فى ميدان كدا صغير متفرع من شارع لارملا عبارة عن حتة واسعة كبيرة كدا كلها مطاعم دا بقا يامعلم تضرب الحتة الكلاسيك من عالحبل وتنزل لو معاك المدام وتقضى أكتر عشا رومانسى وشيك فى حياتك هتحس إنك آل باتشينو ف نفسك أوى ،اتمشى كتير أوى فى برشلونة عشان هى فعلاً بلد حلوة ، اول ماتوصل مطار برشلونة اشترى من الماكنة كارت المواصلات بكذا يوم على قد اقامتك هيوفرلك كتير أوى ، المدة الكافية ٥ أيام ..
٧-(البرتغال) بعد بقا ماتخلص برشلونة ودوشتها وفركها مفيش أحلى من انك تطلع عالبرتغال بعدها وتروح لشبونة ، هتنزل هتتضايق للوهلة الأولى اللى هو ايه دا ايه اللى جابنى هنا ؟؟ بلد صغيرة مفيهاش destinations معروفة بس أحب اقولكوا ان ديه من اكتر البلاد اللى اتبسطت فيها ، بلد هادية جميلة كلها مناظر طبيعية خارقة ورخيصة اويييييي اللى هو هتخش كارفور تصرف ٥ يورو يغرقوك اكل وشرب وفاكهة وزبادى طول اليوم هناك بقا تروح تتمشى فى parca do comercio square وتقضى أحلى تمشية ياسلام بقا لو فى يوم تاخد فطارك هناك الله عالجمال ويوم روح اتغدا برضه قعدة رائعة وأكل حلو جداً وكتير ورخيص اللى هو ب ١٢ يورو هتدغدغ الدنيا ، لازم تروح منطقة bairro alto وتتمشى ف الشوارع الضيقة الطالعة والنازلة اللى معمولة من الطوب وتركب الترام الاصفر بتاعهم دا وتعيش أجواء امريكا اللاتينية شوية ، يوم بقا تاخد مايوهك يامعلم وتركب القطر اللى بيمشى والمحيط الاطلنطى على شمالك وتروح على cascais ديه بقا منطقة شواطئ وبتاع هتقضى يوم هايل هناك ومتنساش برضه تاكل فى مطعم من اللى على المحيط دا صدقنى بالدنيا ومافيها ، بخصوص الكلام عن الأكل بقا لو رحت هناك روح محل كدا اسمه pasteis de belem وتاكل حلويات صغيرة كدا شبه التارت الواحدة بيورو اقسم بالله دى احسن حاجة حلوة كلتها فى حياتى انا ضربت ٨ مش ممكن الصراحة ، يوم بقا إركب العبارة وروح الناحية التانية من البلد اسمها almada وزور المنطقة بتاعة cresto rei المصغر زى بتاع البرازيل منظر من فوق كدا بيبص على لشبونة كلها تحفة ، المدة الكافية ٤ أيام ..
٨-(دبى) دى بقا بلد تسيب الصدفة توديك هناك متخططلهاش خالص ، أنا روحتها ف وقت راس السنة وشوفت ال fireworks اللى بتيجى فى التيلفزيون ديه بلد نضيفة جداً وهم هناك شغالين فى اختراعات للفسح عشان يجذبوا السياح ، روح هناك برخصة قيادة دولية عشان تأجر عربية ومتتسوحش ، تروح هناك بقا دبى مول وتشوف النافورة الراقصة وبرج خليفة وتروح مول الأمارات وتخش سكاى دبى ، تروح ال kartdrome و wild wadi aqua park وتروح jumeirah beach وممكن بقا تطلع على أبوظبى ساعة سواقة وتخش ferrari world ومسجد الشيخ زايد و yas waterworld , المدة الكافية ٦ أيام ..
٩-(أمريكا) أُم الدنيا ياجماعة ، رحت الجزء الشرقى فيها بالتحديد ولاية فلوريدا قعدت فى ميامى ٤ أيام حيث البحر والمزيكا والرقص والمايوهات وكنت هناك شخص غريب جداً اللى هو بصحى الساعة ٧ الصبح وكل اما ادخل حتة اشرب بيبسى بس هى فظيعة بصراحة ، روحت يوم من ميامى على بلد جنبها بنص ساعة اسمها fort lauderdale حلوة جداً وشواطئ برضه وشهيصة ، من ميامى بقا ركبت الأتوبيس ٣ ساعات رحت أورلاندو وأوبااااا لقيت كل ما تشتهى الأنفس هناك ، أكبر disneyland فى العالم و universal studios و NASA و sea world أماكن مليئة بالسعادة وفى هناك كمان ال outlet malls بتشترى من هناك لبس حلو جداً ورخيص أوى اللى هو جزمة Timberland ب ٢٥٠ جنيه مصرى مثلاً جاكيت Tommy ب ٤٠٠ جنيه وكل المحلات والتوكيلات كدا هناك ، خلاصة الكلام يعنى ان أمريكا أُم الدنيا ، المدة الكافية مش أقل من ١٠ أيام ..
١٠-(اليونان) كان شهر عسلى ف سانتورينى ، بصوا ياجماعة الوضع والمنظر هناك غير قابل للوصف الصراحة حاجة كدا حتة من الجنة استرخاء واستجمام بس ، معملتش حاجات كتير هناك روحت يوم cruise كدا فى البحر فى مركب شراعى وحظنا ان احنا كنا لوحدنا فى مركب بتشيل ٦ أفراد عشان كنا ف شهر ٩ بعيد عن السيزون فكان يوم تحفة ، وحضرنا Greek wedding كدا زى show بيعملوه يوروك مراسم الجواز مع عشا يونانى ومزيكا يونانى وحاجة فى منتهى الألاجة ، المدة الكافية ٤ أيام ..
١١-(إيطاليا) بلد التمشية الأولى فى العالم كلها ميادين وشوارع حلوة جداً ومطاعم بيتزا أكتر من عدد شعر راسى ، الأماكن اللى تروحها colosseum ومش لازم تخشه هتدفع ١٦ يورو على أى كلام جوا كفاية من برا أوى و fontana de trevi و pantheon و piazza navona و piazza venezia و spanish steps و campe di fiori ودا سوق كدا بيبيع توابل ايطالى وجميع أنواع المكرونات حلو بصراحة روح هاتلك كيس ولا حاجة و تاخد شارع via del corso شارع طويل كدا كله محلات للشوبنج توصل اخره piazza del popolo اللى هتركب الترام منه عشان تروح ستاد الأوليمبيكو لو هتحضر ماتش لروما انا رحت ماتش روما وإنتر واتفرجت على أبو صلاح ، فى يوم بقا حجزت قطر رايح جاى لڤينيسيا قعدت فيها ٨ ساعات شفت واتمشيت كتير بلد حلوة وتجربة غريبة أوى حوار الميا اللى ف كل حتة دا وابواب البيوت اللى عالميا ديه ، المدة الكافية لإيطاليا ٤ أيام ..
١٢-(فرنسا) رحت باريس مدينة جميلة وفيها طابع رومانسي كدا عشان البنات ، تروح هناك بقا disneyland طبعاً يوم كامل وخلى بالك احجز تذاكر القطر لهناك رايح جاى ف اول اليوم عشان لما تخرج ترّوح على طول متقفش طابور تذاكر ساعة , eiffel tower دا بقا تروحوا صبح وغروب وبليل وكل الأوقات القعدة هناك تحفة ولو رايح فى الشتا فى كشك كدا هناك اشترى منه وافل نوتيلا وهوت تشوكليت بليل وقضى أحلى سهرة يامعلم ، تاخد بقا من هناك تمشية الصبح لحد ماتوصل louvre museum وتخش تشوف الموناليز انا متبسطش اوى جوا بس انا دخلت مخصوص عشان اشوف أم اللوحة ديه بس تخلى الواحد يتجنن بصراحة هتلاقيها باصالك فى كل حتة ، تروح كنيسة notre-dame حلوة جداً من جوا وتتمشى على نهر السين وحاجة كدا فى منتهى الروعة ، تروح كنيسة ال sacre coeur وتقعد فوق تبص على باريس كلها ، تتمشى فى شارع champs elysees الصبح وبليل من أول place de la concorde لحد ماتوصل ل arc de triomphe , فى جنب كنيسة نوتردام بقا هتلاقى مكتبة shakespeare and co وديه أقدم بوك ستور فى العالم اللى بيحب الكتب هيشوفها تجربة لطيفة هتحس انك فى سنة ١٩٦٠ ، المدة الكافية ٥ أيام ..
١٣-(إنجلترا) أنا رحت لندن ، بلد حلوة أوى فيها أماكن فسح كتير روح بقا طبعاً westminster ديه منطقة كبيرة انزل اتمشى بقا شوف big ben وهتشوف westminster abbey اللى اتعمل فيها فرح الاميرة ديانا وهتشوف london eye وتتمشى على نهر التايمز وتشوف مبنى ال mi5 بتاع چيمس بوند ، روح برضه buckingham palace منطقة حلوة أوى القصر واللى حواليه أنا شفت الملكة هناك كانت خارجة كان بينى وبين عربيتها ٢٠ سم مثلاً ، روح piccaadilly circus واتفرج على شاشات الأخبار وروح leicester square وخش بقا m&ms store و lego store وطلع الطفل السعيد اللى جواك ، روح trafalgar square اقعد هناك القعدة لطيفة بالذات بليل بتلاقى ناس عمالة تعزف مزيكا ، اتمشى فال hyde park ، روح covent garden سوق فى مبنى كدا حلو اوى ، خش madam tassaud لو مدخلتوش قبل كدا ، لازم لازم لازم تحضر ماتش دورى انجليزى تجربة وهمية وأجواء كورة بجد أنا حضرت ماتش توتنهام وايفرتون فال white hart lane ، روح ستاد stamford bridge بتاع تشيلسى والستور بتاعهم وروح ستاد emirates بتاع أرسنال والستور بتاعهم ، تاخد القطر فى يوم وتطلع على جرينتش تقضى يوم جميل هناك وتشوف الجناين والساعة وخط الشرق والغرب والكلام دا حلوة بصراحة تنزل بقا تحت هتلاقى مركب كدا متحف اسمها cuttysark تتغدا ف مطعم nandos اللى هناك وتحجز تذكرة عودة للندن بالاتوبيس النهرى رحلة ساعة كدا هتشوف كل حاجة ف المدينة بس وانت فى المركب حاجة كدا هايلة ، اتمشى ف oxford street ولو انت عايز تشترى أى مكملات غذائية للجسم للقلب للحمل للشعر لأى حاجة عندك المتجر العملاق holland and barret ، أول مابتنزل من المطار بتشترى خط وكارت مواصلات هيكفوك طول الرحلة وهينفعوك اوى اوى ، المدة الكافية أسبوع ..
- بعد ماجربت جميع أنواع الأقامة أحسن شئ من وجهة نظرى تأجير شقة من على airbnb ..
- تقدر تعرف أسعار تذاكر أى حاجة رايحها بسيرش بسيط على الانترنت كمان متوسط مصاريفك هناك ..
- أنا مقلتش كل حاجة فى كل مدينة انا قلت بس اهم واحلى الحاجات اللى لازم تتعمل فى حاجات تانية كتير ..
هاقول تانى ؛ البوست دا يمثل رأيى الشخصى وتجربتى عشان ملاقيش حد داخل ينتقدنى زى المرة اللى فاتت جايز فى ناس رأيها يختلف معايا ف حاجات ، ميعجبكش كلامى ورأيى بس انا بدى نصايح من باب العلم بالشئ للى ناوى يسافر وانت حر يعنى ..
ودا البوست اللى فات :
حاجات مهمة لازم تحطها ف دماغك لو عايز تسافر :
١- متروحش اوروبا ف شهر ٦ و ٧ و ٨ هتدفع فلوس كتير زيادة والدنيا بتبقا زحمة جداً مش هتنبسط خالص ، أفضل وقت لسفر أوروبا شهر ٤و ٥ و ٩ و ١٠ ..
٢- اللى مسافر أول سفرية ليه ميفكرش ويروح باريس وأمستردام مينفعش تروح حتة قبلهم ..
٣- محدش يروح اليونان لوحده متروحهاش إلا ف هانى مون وفككوا من أثينا تماماً هى أخرها يوم ..
٤- لو طالع شهر عسل سانتورينى مينفعش لوحدها هتحس انك معملتش حاجة اه مكان تحفة وحتة من الجنة بس لازم شوية حركات معاه ، تروح روما تروح باريس كدا يعنى ، لو ميزانيتك مش هتقضى الكلام دا متروحش اليونان ..
٥- لو هانى مون ف سانتورينى متسترخصش فى الفنادق لأنك مش هتلاقى الڤيو الحلو اللى نفسك فيه زود ميزانية الفندق شوية لأن المصاريف هناك قليلة ..
٦- هاقول تانى لازم تروح امستردام
٧- أمريكا ياجماعة هى أم الدنيا بس عايزة فلوس كتير أوى ، يعنى لو معاك فلوس تسافرها متحاولش تحط مقارنة مع أى حاجة ومتفكرش ..
٨- ديزنى لاند لازم تتراح ف باريس بقا ف امريكا ف المريخ ، لاااااازم تتراح ..
٩- لو رايح لندن اعمل حسابك لازم تروح ماتش دورى انجليزى هناك ، بالنسبالى عشان انا بحب الكورة دا كان ٥٠٪من متعة سفرية انجلترا ، مينفعش تفوت التجربة ديه ..
١٠- لشبونة بقا مكان فى قمة الروقان والجمال
١١- محدش يروح ڤيينا لوحدها المنطقة ديه كومبو كدا بيتاخد على بعضه ( براغ ، بودابست ، ڤيينا ) ..
١٢- روما أحلى بلد ف التمشية أنا مشيت فيها على الابليكشن ٨٠ كيلو
١٣- متعملش حسابك على ڤينيسيا كتير مش زى مابتيجى ف الصور على فكرة ديه خدعة اخرها يوم أو ليلة ، أنا روحتها يوم صد رد من روما بالقطر قضيت فيها ٩ ساعات وحلو اوى على كدا ..
١٤- برشلونة
١٥- متضحيش بفلوس سفر وتسافر دبى لأ سافر بفلوسها أوروبا ، ااه حلوة وكل حاجة بس خليها حاجة على جنب مش اللى يتخططلها فى أماكن كتير أهم ..
١٦- الجنيه الاسترلينى مؤذى جداً والمصاريف ف لندن مش معقولة لازم تسافر لوحدك اوعى تسافر مع مراتك
وادعولى بقا اخوض تجربة شرق اسيا
