السلام عليكم انا مسافر الغردقه تلات اياام...

  • بادئ الموضوع بادئ الموضوع Ahmed Yahia
  • تاريخ البدء تاريخ البدء
A

Ahmed Yahia

:: مسافر ::
السلام عليكم انا مسافر الغردقه تلات اياام تنصحونى اروح فين وأعمل اية وانا نازل فى فندق موفنبيق خليج سوما
 
المشكلة ان سوما بعد الغردقة ب ٤٢ كيلو
يعني عشان تروح وتيجي هتدفع كتير جداً
لو هتروح سوما استجم واستمتع بالفندق
لو عايز رحلات خليك فالقريب شوية
 
اول هام هتنزل ابليكيشن careem .fawry. ABC Taxi اي واحد تعرف تتنقل بيه لان تاكسي الفندق غالي.
الدولفن شو جنبك ادخل علي الموقع وهات رقم التليفون وكلمهم واحجز معاهم بالترانسبورتيشن.
الاكواريوم نفس نظام الدولفن
رحلات البحر والسفاري جوه الفندق اسعارها غاليه كلم الرقم ده واحجز معاه 01028875738 اسعاره كويسه والدفع يوم الرحله وقارن برده الاسعار. انت في سفاجه فرحلة بحر اسمها اوتوبيا او توبيا هي اللي قريبه وهتعجبك.
اوعي انزل سفاجا مش هتعجبك ومفيش فيها حاجه. ممكن تروح سينزو مول هيعجبك
 
خد طريق الجلالة بتدفع 25 جنيه عليه بس حلو جدا
بس خلي بالك مفهوش خدمات لسه... يعني حط بنزين قبل ما تدخلو
 
لو تقدر تلحق تغير الفندق يكون افضل لأنه مكان ميت مافهوش اي روح ومعاملة سيئة جدا وخدمة سيئة جدا جدا
والخدعة الكبيرة أنه مش في مجموعة الاوتيلات اللي في خليج سوما باي ده بعد مدخل سوما باي ب ٢_٣ كيلوا والبحر بتاعه مافهوش اي حاجة تتعمل لو مشيت في البحر كيلوا المياه مش هتعدي نص رجليك ولا في اسماك ولا شعب ولا اي حاااااجة
نصيحة اوهرب يا ولد
 
موفنبيك سوما باي في سفاجا مش في الغردقة انا كنت بشتغل هناك الفندق جميل بينه وبين الغردقة حوالي ٧٠ كيلو
 
الفندق للاسف هادي جدا و مفيهوش حفلات و لا نشاطات فانت تستمع بالبحر و الباراسيلينج و السبا هناك و خلاص . انا روحته قبل كده و حسيت بملل فظيع و حتى البوفي معجبنيش كان فيه فندق جمبه كان حيوي اكتر بكتير بس ناسية اسمه