A
Ahmed Bakr
:: مسافر ::
ياجدعان بس عشان منسوحش اللى بتسال او تصرف مصاريف على الفاضى عشان الناس اللى بتقول انهم طلعو بحساب 10 و 8 الاف الموضوع ده لما بيكون حد معاه شنجن على باسبوره او فيزا ساريه لامريكا او دعوه تبع شغله او مؤتمر بتكون الدنيا سهله لكن واضح ان اللى بتسال عاوزه تروح سياحه واول مره فالكلام ده مختلف ولازم يكون فبه حساب بنكى كبير ووظيفه ليها مرتب محترم واسباب قويه يخليهم يتاكدو انك هترجعى تانى
M
Mody Gamal
:: مسافر ::
انا باعتذر لحضرتك لو تجربتي معاهم عملت لك تشاؤم ،،،، بس هم ضيعوا عليه صفقه كبيره فضلا ظهوري امام شريكي الأجنبي اني مش قادر اخذ فيزا لمده 3 ايام ده حاجه مش لطيفه !!!
نصيحتي ليكي تقدمي الأصول لاي مستند مترجم وماتسمعيش اي نصيحه من موظف الشركه اللي بتستلم الورق ،،، كذلكك المبلغ يغطي كل نفقات الرحله وقللي عدد الايام لانها كده كده بتطلع بست شهور !!!
نصيحتي ليكي تقدمي الأصول لاي مستند مترجم وماتسمعيش اي نصيحه من موظف الشركه اللي بتستلم الورق ،،، كذلكك المبلغ يغطي كل نفقات الرحله وقللي عدد الايام لانها كده كده بتطلع بست شهور !!!
M
Mohamed Ayman Nour
:: مسافر ::
نصيحة مني من واقع تجربتي و تجربة ناس أعرفهم قدموا معايا و إترفضوا و قدموا تاني على طول بالتعديل اللي هقولك عليه ده إتقبلوا ... بصي خدي كشف حسابك ده عادي بس إكتبي إن حد من والدك أو والدتك هيتكفلوا بجزء كبير من المصاريف و إكتبي كده في الأبلكيشن و إعملي ورقة إسمها Sponsorship letter و فيها بيانات اللي هيعملك الموضوع ده فيها إسمه و عنوانه و إيميله و رقم تليفونه و شغلته و رقم باسبوره و بيقول فيه إنه عارف إنك مسافرة من الفترة بين كذا و كذا و إنه متحمل مثلا لنفقات الطيران و الفندق و الإقامة بتاعتك هناك و يمضي على الورقة تحت و تاخدي كشف حسابه و صورة باسبوره و تحطيها مع ورقك ... إسمعي كلامي أرجوكي
A
Ahmed Emad
:: مسافر ::
مساء الخير.
حضرتك هتطلبي من البنك كشف حساب بالإنجليزي+حاجة اسمها "بيان أرصدة" بالإنجليزي برضه ودي بيبقى مكتوب فيها إن عندك شهادة بمبلغ كذا، وتطلبي إن الاتنين يتختموا بختم البنك ويتمضي عليهم.
مبلغ 40 ألف كافي في حالة إنك قدمتي خطة سياحية تكاليفها ما تتجاوزش المبلغ ده. حضرتك وانتي بتملي الأبليكيشن هتلاقي أسئلة عن تكاليف الرحلة المتوقعة والميزانية اللي حاطاها إلخ، فمينفعش تقدمي خطة فيها حجوزات طيران وإقامة ومصاريف وإلخ تتجاوز مبلغ الـ40 ألف ده.
لو حضرتك طالعة بباكيدج من شركة سياحة هتقدمي الورق اللي هيدوهولك، لو منظمة الرحلة بنفسك يبقى هتقدمي حجز طيران (مش لازم مؤكد، ممكن تعمليه من أي مكتب لمصر للطيران ببلاش) + حجز إقامة وليكن فندق من على بوكينغ دوت كوم مثلاً (بس تأكدي من إن الحجز ممكن إلغاءه بدون رسوم Free Cancellation). يفضل إن الحجوزات دي مجموع تكاليفها يبقى في حدود 15 ألف مثلاً، وتكتبي إنك ناوية تصرفي في الرحلة 500 جنيه إسترليني مثلاً للفسح والمزارات وإلخ (يعني حوالي 12 ألف جنيه مصري)، وبكده تبقى تكاليف الرحلة منطقية بالنسبة للمبلغ اللي في الحساب.
مع كل ما سبق هتحتاجي خطاب الـhr طبعاً+ حاجة مهمة جداً بس كتير من الناس مش بيهتموا بيها: الأبليكيشن فيه سؤال عن الغرض من الزيارة والخطة، فأرجو إنك تهتمي بالحتة دي جداً وتكتبي ناوية تروحي فين وتزوري إيه بالتفصيل على قد ما تقدري، ولو مفيش في ذهنك حاجة معينة ادخلي على Tripadvisor واعملي سيرش على لندن وشوفي في جزء Things to do إيه المزارات اللي عاجباكي واكتبيها في الأبليكيشن (فيه صفحة فاضية في آخر الأبليكيشن ممكن تكتبي فيها كلام كتير براحتك لو المربع اللي تحت السؤال ده مكانش كافي) . ما تكتفيش بإنك تكتبي إن غرض الرحلة سياحة وخلاص.
وبالتوفيق إن شاء الله.
حضرتك هتطلبي من البنك كشف حساب بالإنجليزي+حاجة اسمها "بيان أرصدة" بالإنجليزي برضه ودي بيبقى مكتوب فيها إن عندك شهادة بمبلغ كذا، وتطلبي إن الاتنين يتختموا بختم البنك ويتمضي عليهم.
مبلغ 40 ألف كافي في حالة إنك قدمتي خطة سياحية تكاليفها ما تتجاوزش المبلغ ده. حضرتك وانتي بتملي الأبليكيشن هتلاقي أسئلة عن تكاليف الرحلة المتوقعة والميزانية اللي حاطاها إلخ، فمينفعش تقدمي خطة فيها حجوزات طيران وإقامة ومصاريف وإلخ تتجاوز مبلغ الـ40 ألف ده.
لو حضرتك طالعة بباكيدج من شركة سياحة هتقدمي الورق اللي هيدوهولك، لو منظمة الرحلة بنفسك يبقى هتقدمي حجز طيران (مش لازم مؤكد، ممكن تعمليه من أي مكتب لمصر للطيران ببلاش) + حجز إقامة وليكن فندق من على بوكينغ دوت كوم مثلاً (بس تأكدي من إن الحجز ممكن إلغاءه بدون رسوم Free Cancellation). يفضل إن الحجوزات دي مجموع تكاليفها يبقى في حدود 15 ألف مثلاً، وتكتبي إنك ناوية تصرفي في الرحلة 500 جنيه إسترليني مثلاً للفسح والمزارات وإلخ (يعني حوالي 12 ألف جنيه مصري)، وبكده تبقى تكاليف الرحلة منطقية بالنسبة للمبلغ اللي في الحساب.
مع كل ما سبق هتحتاجي خطاب الـhr طبعاً+ حاجة مهمة جداً بس كتير من الناس مش بيهتموا بيها: الأبليكيشن فيه سؤال عن الغرض من الزيارة والخطة، فأرجو إنك تهتمي بالحتة دي جداً وتكتبي ناوية تروحي فين وتزوري إيه بالتفصيل على قد ما تقدري، ولو مفيش في ذهنك حاجة معينة ادخلي على Tripadvisor واعملي سيرش على لندن وشوفي في جزء Things to do إيه المزارات اللي عاجباكي واكتبيها في الأبليكيشن (فيه صفحة فاضية في آخر الأبليكيشن ممكن تكتبي فيها كلام كتير براحتك لو المربع اللي تحت السؤال ده مكانش كافي) . ما تكتفيش بإنك تكتبي إن غرض الرحلة سياحة وخلاص.
وبالتوفيق إن شاء الله.