A
Abu Aylla
:: مسافر ::
حضرتك رحتها؟؟؟ الصحراء البيضاء من اجمل المحميات الطبيعية الموجودة فى العالم ومش بشهادة المصريين بس لا ... دى بشهادة دول و ناس كتير جدا وفيه سياح كتير جدا بييجوا يزوروها من كل دول العالم ....وفيه مشاهير صوروا فيها كليبات وافلام امثال شاروخان الهندي وناس تانية كتير انصحك الاول انك تدخل على النت وتتفرج على صورها قبل ما تحكم .... شيء تانى : نقطة اذا كان المكان جميل او لا مش احنا بس الى بنحكم علي اى مكان فى بلدنا بمعنى الناس بتوع اوروبا متعودين على الاماكن الخضراء فلما بييجوا مصر بينبهروا جدا بالصحراء لانهم مشافوهاش قبل كده وانا شفت عينات كتير من الانبهار ده فى الفرافرة والداخلة وسيوة لانى زرتهم كلهم وكنت ببقي مندهش الناس دى ايه الى عاجبها فى الصحراء؟ لكن مقياس الجمال مختلف .... انا مثلا رحت فرنسا 4 مرات هتصدقنى لو قلتلك انى بحب شرم الشيخ اكتر منها وفيه شواطىء في شرم الشيخ افضل من بعض الشواطىء في جنوب فرنسا..... وطبعا رحت دول تانية كتير جدا .... واكيد فيها اماكن احسن من مصر لكن برضه مصر فيها اماكن جميلة ..... على سبيل المثال انت تعرف الجلف الكبير؟ غالبا لا المكان ده موجود فى اقصي جنوب غرب مصر بين مصر والسودان وليبيا و عشان تروحه بتمشي 1700 كم من القاهرة فى وسط الصحراء فقط ادخل وابحث على الانترنت هتلاقي افواج سياحية كتير زارت الجلف الكبير ومش هتصدق لو جبتلك فيديو لفوج سياحى زار الجلف الكبير 12 مرة مع انه فعلا صحراء جرداء تماما بس اكيد الناس دى شايفة فى المكان ده جمال انت مش شايفه..... وطبعا الجلف الكبير يختلف عن الصحراء البيضاء لان الصحراء البيضاء 500 كم تقريبا من القاهرة واجمل طبعا..... الى انا عاوز اقوله ان مقياس الجمال بيختلف من دولة لدولة انا لما كنت فى المانيا ناس كتير بتتباهى انها زارت الاهرامات رغم ان الاهرامات بالنسبة لنا حاجه عادية لاننا متعودين عليها ولما كنت فى التشيك شفت ناس بتتمنى انها تزور مصر تحديدا عشان الاثار ولما كنت فى الصين اعرف ناس زارت الاقصر وعمرهم ما راحوا سور الصين العظيم وهكذا .... مقياس الجمال يختلف من شخص للتانى ومن دولة لدولة. وكل سنة وانت طيب .... Ahmed Magdy Ali و دى صورة تانية للصحراء البيضاء.
A
Abu Aylla
:: مسافر ::
تمام جدا بس برضه الى بره مصر مش ممكن نقول عليه جنة الله فى ارضة لان اكيد مش هيكون فيه مكان زى الجنة من الناحية العملية واللفظية بقي لو هنتكلم صح.... انا مثلا لما رحت ماليزيا شفت جزر وسط المحيط وممكن نقول عليها جنة الله فى ارضه بس الرطوبة الى هناك تخليكى تكرهي نفسك ..... وبعدين انا مش فاهم الصراحة ليه الجروب كله سايب الهدف من المنشور وهو ان المكان جميل وماسك فى الناحية اللغوية (كلمة جنة الله فى ارضه) والله يا جماعة انا عارف ان مفيش مكان على وجه الارض زى الجنه ولو فيه هيبقي سويسرا والتشيك والنمسا وانا الحمد زرتهم كلهم ولكن الهدف من المنشور ان المكان جميل. Mai M. Saeed