هقولكم ع موقف من مواقف اللي قابلتها ف حياتي...

[Mohamed Fathy Mahdy]

هقولكم ع موقف من مواقف اللي قابلتها ف حياتي بسبب السفر
لما كنت ف مصر و رايح اجيب تصريح العمل اول لما دخلت ع المدام بقولها ممكن.تصريح العمل بتاعي ميعاده انهارده.. قالتلي يا محمد المباحث عاوزك فوق... قولت يا نهار ابيض ليه؟ قالتلي معرفش.. المهم خطيبتي كانت معايا قولتها خليكي هنا و لما اشوف ايه الحكايه؟؟ طلعت.فوق بقوله يا افندم قالولي انكم عاوزني؟ قالي عليك حكم 6 سنين... و انت هربت من السجن.... قولته انا عمري ف حياتي ما دخلت قسم حتي و انا بره مصر اصلا..سجن ايه؟ الظابط اللي جنبه قاله شكله ابن ناس اتاكد من البيانات.. قالي شكلها تشبه ف الاسماء.. قولته طب التصريح قالي بكره تعالا خده.. قولته طيارتي الفجر.. كلمتين من هنا ع هنا ... لاقيته طلع التصريح من الدرج و كان جاهز و بعدين قالي فين الحلاوه بقي.. خد اللي فيه النصيب و الشنطه اللي كانت معايا كان فيها الورق و شيكولاته كنت جايبها لخطيبتي.. اول لما نزلت ليها بتقولي تمام قولتها عليا 6 سنين سجن خطيبك طلع سوابق
قالتلي فين شيكولاته انت كلتها فوق.. قولتها لا هم خدوها مني فوق... قالتلي لا انت كلتها...و اتقلبت نكد
ماليش دعوه اطلع جيبها قولتها طلبت من تصريح عمل لاقيت عليا 6 سنين... لو طلعت قولتها جيبوا الشيكولاته هخد فيها اعدام
يلا نهرب من هنا ابوس ايدك
و سيبنا بعض بعدها ب 20 يوم بس ع موقف تاني حصل ف هولندا
مواقف ف الغربة

 

[Mohamed Mamdouh]

نفس الموقف بالظبط حصل معايا
وفيلم هندي علي ما تفهم الظابط ان مش انا
وفي الاخر في المطار محدش يسال عن التصريح
الدنيا في مصر ماشيه بالحب

 

[Amro Abou Elfetouh]

انا روحت علشان اخلص تصريح العمل فى يوم المهم قولت للمدام انا مسافر بكرة قالتلى مفيش مشكلة روح المكتب خد استمارة وخلى الظابط يمضى عليها واطلع علة مديرية امن اسكندرية الدور الرابع فى التحريات المهم كانت الناس متعاونة جدا وضرب الاسم لاقانى مسجل خطر سرقات ونفس الاسم ونفس القسم بس هوة مواليد سنة 1983 وانا 1980 المهم مضى وكتب. لايوجد هلية احكام وقالى خد الدفتر دة معاك نزلة للدور الاول وكان دفتر فية احكام اخدت الدفتر وسلمتة للممخبر والسلام عليكو

 

[Mostafa Fahmi]

معلش عندى سؤال بس
هيا الشيكولاته كان نوعها ايه علشان الازمة دى كلها لو اتعملت على اقل من ليندت يبقى انت ربنا نجاك :-D

 

[Amr Selim]

بيحصل دا ولاد كلب في اللامبالاة مش في دناغهم حاجة ولا فرقة معاهم أصل كل يوم هما في الموال ده

 

[Mohammed Ibrahim Hassaan]

سيبك انت.. انت لازم تحكي الموقف بتاع هولنداا

 

[Mohammed Ibrahim Hassaan]

Just joking bro

 

[Ahmad Elshorbagy]

بلد وسخه