M
Muhammad Rashed
:: مسافر ::
أسعد الله صباحكم من عند حافة العالم...
بالرغم من المساوئ الكتير في أمريكا: زي الرأسمالية المتوحشة الجشعة (أغنى أغنياء العالم في أمريكا + وكذلك أعلى نسبة مشردين في الشوارع ممكن تتخيلها)... وكمان خليط السكان غير المتجانس من كل الأعراق (الأغلبية الساحقة للآسيويين واللاتينيين ثم الأمريكان السود البيض وبعض الأقليات المتناثرة من باقي الأعراق)، ومع كدة ففيها مزايا كتير جدًا يدركها المصري بسهولة لأنه محروم منها (شايفك ياللي بتحط ايدك على جيبك وبتطلع سلاحك =D ).. منها ما يلي:
>>>
1. قيمة الإنسان
أمريكا بتدي أهمية قصوى لقيمة الإنسان على أرضها (سواء ابن البلد أو زائر)... احتياطات في كل مكان ولافتات إرشادية وتحذيرية وقانون صارم يُطبق على الجميع بهدف حماية الجميع.. بمعنى أي شيء ممكن يعرض حياتك أو حياة غيرك للخطر عليه مخالفة شنيعة.. والأمريكان عموما عمليين جدا لدرجة البخل مش زي أثرياء ومسرفي الوطن العربي.. فطالما الموضوع فيه غرامة مالية وقانون صارم إذن الجميع ملتزم بالقانون =D
>>>
أذكر في مرة سايق على الطريق السريع في كاليفورنيا وفجأة كل اللافتات الإلكترونية أعلنت رقم لوحة سيارة وإن الشرطة بتطاردها وأي حد يشوفها يبلغ عنها.. وفي نفس الوقت رسالة اتبعتت عالموبايل لكل خطوط التليفونات في المدينة (أو يمكن الولاية كلها) بتوضح ان في طفل مخطوف وان دي السيارة اللي خطفته وبتطلب من الجميع الإبلاغ فورًا لو شافوا السيارة. أما في بلد آخر بعيد شوية كلكم عارفينه لازم يمر 48 ساعة على اختفاء الشخص قبل ما الشرطة تاخد إجراء رسمي =D
>>
2. المرور
المرور في أمريكا خالٍ من المنغصات تمامًا.. كل شيء معمول حسابه.. السواقة لأي مكان مهما كان بعيد ممتعة.. يكفي أحكيلكم عن الـ Carpooling lane (حارة مخصصة للسيارات التي تحمل شخصين أو أكثر في أوقات الذروة)... ومافيش بني آدم يجرؤ يكسر المسألة دي... وكمان تقريبا كل الطرق مافيش فيها رصيف فاصل.. مجرد خط أصفر متصل لكن ليه نفس قدسية الرصيف ولو حد تخطاه هايتعلق من رجليه =D
>>>
3. اتساع البلد
أمريكا قارة كاملة شاسعة مترامية الأطراف.. قد مصر 9 مرات.. فيها 48 ولاية كل واحدة كأنها دولة مستقلة ليها قوانينها الخاصة (وبتسري القوانين الفيدرالية عليها جميعا).. فبالتالي المساحات بين البيوت وبين أي مكان والتاني بعيدة جدا.. فالحكاية دي بتمنع الاكتئاب لان الأفق مفتوح دايمًا والأشجار والغابات الخضراء الجميلة في كل مكان.. والأمريكان عندهم عادة جميلة انهم بعد طلوع المعاش أو في أي فترة أجازة طويلة يسافروا في طول البلد وعرضها بالسيارة (سيارة فان كأنها بيت متحرك) ويخيموا في الغابات وعلى الشواطئ ويشوفوا بلدهم بأقل تكاليف ممكنة... بيعملوا الرحلة دي مرة واحدة في العمر على الأقل... الموضوع مغري جدا بصراحة ومنظرهم في الخيام وأنشطة الكشّافة ممتع.. إن شاء الله هاعمل الحكاية دي في مصر يومًا ما قريبًا
>>>
#أمريكا_حلوة_زُرها_ولو_مرة
#كاليفورنيا
بالرغم من المساوئ الكتير في أمريكا: زي الرأسمالية المتوحشة الجشعة (أغنى أغنياء العالم في أمريكا + وكذلك أعلى نسبة مشردين في الشوارع ممكن تتخيلها)... وكمان خليط السكان غير المتجانس من كل الأعراق (الأغلبية الساحقة للآسيويين واللاتينيين ثم الأمريكان السود البيض وبعض الأقليات المتناثرة من باقي الأعراق)، ومع كدة ففيها مزايا كتير جدًا يدركها المصري بسهولة لأنه محروم منها (شايفك ياللي بتحط ايدك على جيبك وبتطلع سلاحك =D ).. منها ما يلي:
>>>
1. قيمة الإنسان
أمريكا بتدي أهمية قصوى لقيمة الإنسان على أرضها (سواء ابن البلد أو زائر)... احتياطات في كل مكان ولافتات إرشادية وتحذيرية وقانون صارم يُطبق على الجميع بهدف حماية الجميع.. بمعنى أي شيء ممكن يعرض حياتك أو حياة غيرك للخطر عليه مخالفة شنيعة.. والأمريكان عموما عمليين جدا لدرجة البخل مش زي أثرياء ومسرفي الوطن العربي.. فطالما الموضوع فيه غرامة مالية وقانون صارم إذن الجميع ملتزم بالقانون =D
>>>
أذكر في مرة سايق على الطريق السريع في كاليفورنيا وفجأة كل اللافتات الإلكترونية أعلنت رقم لوحة سيارة وإن الشرطة بتطاردها وأي حد يشوفها يبلغ عنها.. وفي نفس الوقت رسالة اتبعتت عالموبايل لكل خطوط التليفونات في المدينة (أو يمكن الولاية كلها) بتوضح ان في طفل مخطوف وان دي السيارة اللي خطفته وبتطلب من الجميع الإبلاغ فورًا لو شافوا السيارة. أما في بلد آخر بعيد شوية كلكم عارفينه لازم يمر 48 ساعة على اختفاء الشخص قبل ما الشرطة تاخد إجراء رسمي =D
>>
2. المرور
المرور في أمريكا خالٍ من المنغصات تمامًا.. كل شيء معمول حسابه.. السواقة لأي مكان مهما كان بعيد ممتعة.. يكفي أحكيلكم عن الـ Carpooling lane (حارة مخصصة للسيارات التي تحمل شخصين أو أكثر في أوقات الذروة)... ومافيش بني آدم يجرؤ يكسر المسألة دي... وكمان تقريبا كل الطرق مافيش فيها رصيف فاصل.. مجرد خط أصفر متصل لكن ليه نفس قدسية الرصيف ولو حد تخطاه هايتعلق من رجليه =D
>>>
3. اتساع البلد
أمريكا قارة كاملة شاسعة مترامية الأطراف.. قد مصر 9 مرات.. فيها 48 ولاية كل واحدة كأنها دولة مستقلة ليها قوانينها الخاصة (وبتسري القوانين الفيدرالية عليها جميعا).. فبالتالي المساحات بين البيوت وبين أي مكان والتاني بعيدة جدا.. فالحكاية دي بتمنع الاكتئاب لان الأفق مفتوح دايمًا والأشجار والغابات الخضراء الجميلة في كل مكان.. والأمريكان عندهم عادة جميلة انهم بعد طلوع المعاش أو في أي فترة أجازة طويلة يسافروا في طول البلد وعرضها بالسيارة (سيارة فان كأنها بيت متحرك) ويخيموا في الغابات وعلى الشواطئ ويشوفوا بلدهم بأقل تكاليف ممكنة... بيعملوا الرحلة دي مرة واحدة في العمر على الأقل... الموضوع مغري جدا بصراحة ومنظرهم في الخيام وأنشطة الكشّافة ممتع.. إن شاء الله هاعمل الحكاية دي في مصر يومًا ما قريبًا
>>>
#أمريكا_حلوة_زُرها_ولو_مرة
#كاليفورنيا