M
Mohamed S. EL-Demerdash
:: مسافر ::
المصريين هنا فى الغرب هتلاقيهم انواع :
** نوع منفض تماما للبلد واخبارها وخدته دوامة البلد الجديده وقطع حبال الوصل وده زي حالاتى ريح واستريح الحقيقه ..
** ونوع عايز يحافظ على وضعه وفي نفس الوقت عايز يحافظ على استقرار ووضع البلد زي ما هي يعني يحافظ على جميع الثوابت من الفساد للقهر الديني , عشان لما ينزل اجازات فرق العمله يساعده على الفسحه ويكون عنده كل الاحتيجات متوفره شغاله وسواق الخ , وكمان هيبصوله على اساس انه خواجه فهيشعر بالتميز ويستمتع بالمعامله الخاصه بينزل كده شهر يعيش جو الفلكلور المصري والعشوائيه يعني يتفرج على السرك و يغير شويه النظام الغربي الرتيب , يستفيد مثلا من فقر واحده وحلمها بالسفر ويضحك عليها ويتجوزها يومين وعشان يرضي ضميره يوزع قرشين على الشحاتين واطفال الشوارع !
وده طول الوقت يشتكي من صعوبة العيشه فى الغرب ويحسد المصريين على الهنا اللى هما فيه والامله اللى مش حاسين بيها ونازل شير لاي تجاوزات بتحصل فى الغرب عشان يقول للناس القهر مش عندكم بس القهر موجود فى كل بلاد العالم وخاصة بلاد الديمقراطية وحقوق الانسان طبعا ما دام واثق ان مفيش حاجه هتمسه شخصيا لانه في الامان التام , الشخص ده محبوب من الناس فى الغالب لانه بيريحهم وبيقولهم حياتكم زي الفل ومفيش احلى من كده وده عن خبرة معيشتي فى دول بيتقال عليها عالم اول ودي كدبه كبيره انتم احسن منهم مليون مره وطبعا شهادته بالنسبه لهم ليها وزنها لانه خبره وعايش التجربه وبيتقال عليه وطني وابن بلد اصيل وعاشق لمصر !!! ... تقوله طب ارجع واتمتع معانا بالحقوق والحريات والمواطنه والثراء و. و. و. ...يقولك هرجع طبعا وده املي بس لما الاقي الشاحن هههههه
** نوع اخر بيعادي كل شئ فى الغرب وبينعزل تماما ويتقوقع ويزيد فى مظاهر المجتمع الشرقى لانه مقدرش يندمج لان الاندماج صعب ومكلف عشان كده فضل العزله وخلى شرقيته وطن بديل وبدل ما يعترف انه فشل فى الاندماج وده مش عيب لا يقولك دول كفره و القابض على دينه كالقابض على الجمر وسبب تقدم الغرب هو تطبيقه لتعاليم الدين فى جوهرها وعشان كده تلاقيه بيدعم تطبيق الشريعه ! ....والنوع ده خنجر فى ظهر الغرب.
**نوع هوائي كل ما يتعب او تمر بيه مشكله يقعد يشتم فى البلد اللى هو فيها ويقول للناس اوعوا تفتكروا الغرب جنه ولا حلو ولا ديمقراطي , دي كدبه كبيره ... ده فى الغالب مش دارس ولا متعمق وبيقيس الامور على حسب مواقفه الحياتيه الخاصه , يعني خد علاوه قشطه بقى الغرب رائع والحمد لله انه سافر اتخصم من مرتبه او جاتله فاتورة كهرباء عاليه يرجع يكتب بوست بعنوان وهم حقوق الانسان فى الغرب اوعوا تصدقوهم دول عنصريين واوساخ ولاد ستين فى سبعين واوعى حد يسافر وهكذا ..
** ونوع اخير الغربه زادته ارتباط ببلده وهمومها و كل ما يشوف ادارة البلاد والنظام و الحقوق والحريات فى البلد اللى هو فيها وخاصة لو متابع السياسه ودارس وعارف ازاي بتتأسس الدول وتدار فى الغرب وقاري تاريخ غصب عنه بيدايق ويتقهر على حال بلده مهد الحضاره ويقول اشمعنى احنا ومش بيبطل مقارنه رغم ان المقارنه ظالمه ... ويبقى نفسه ان بلده تبقى دوله حقيقيه زي الدوله اللى هو عايش فيها واحسن والناس فيها تعيش بشكل ادمي افضل عشان كده لا بيجامل ولا بيزيف ولكن بيقولهم الحقيقه الصادمه دائما وان كان كلامه مش هيأثر فى الواقع في شئ ولكن على الاقل بينفث عن غضبه و رغباته المحبطه وبيعمل اللى عليه ويحاول و في الغالب النوع ده مكروه وبيعتبروه بيعاديهم او متعالى عليهم والغربه غيرته وممكن كمان يبقى خاين وعميل ! رغم انه العكس تماما ودمه محروق على بلده وعليهم ..
!
انا بقول ده من واااقع الحياه الاجتماعيه البحته وليس بمقصد سياسى
** نوع منفض تماما للبلد واخبارها وخدته دوامة البلد الجديده وقطع حبال الوصل وده زي حالاتى ريح واستريح الحقيقه ..
** ونوع عايز يحافظ على وضعه وفي نفس الوقت عايز يحافظ على استقرار ووضع البلد زي ما هي يعني يحافظ على جميع الثوابت من الفساد للقهر الديني , عشان لما ينزل اجازات فرق العمله يساعده على الفسحه ويكون عنده كل الاحتيجات متوفره شغاله وسواق الخ , وكمان هيبصوله على اساس انه خواجه فهيشعر بالتميز ويستمتع بالمعامله الخاصه بينزل كده شهر يعيش جو الفلكلور المصري والعشوائيه يعني يتفرج على السرك و يغير شويه النظام الغربي الرتيب , يستفيد مثلا من فقر واحده وحلمها بالسفر ويضحك عليها ويتجوزها يومين وعشان يرضي ضميره يوزع قرشين على الشحاتين واطفال الشوارع !
وده طول الوقت يشتكي من صعوبة العيشه فى الغرب ويحسد المصريين على الهنا اللى هما فيه والامله اللى مش حاسين بيها ونازل شير لاي تجاوزات بتحصل فى الغرب عشان يقول للناس القهر مش عندكم بس القهر موجود فى كل بلاد العالم وخاصة بلاد الديمقراطية وحقوق الانسان طبعا ما دام واثق ان مفيش حاجه هتمسه شخصيا لانه في الامان التام , الشخص ده محبوب من الناس فى الغالب لانه بيريحهم وبيقولهم حياتكم زي الفل ومفيش احلى من كده وده عن خبرة معيشتي فى دول بيتقال عليها عالم اول ودي كدبه كبيره انتم احسن منهم مليون مره وطبعا شهادته بالنسبه لهم ليها وزنها لانه خبره وعايش التجربه وبيتقال عليه وطني وابن بلد اصيل وعاشق لمصر !!! ... تقوله طب ارجع واتمتع معانا بالحقوق والحريات والمواطنه والثراء و. و. و. ...يقولك هرجع طبعا وده املي بس لما الاقي الشاحن هههههه
** نوع اخر بيعادي كل شئ فى الغرب وبينعزل تماما ويتقوقع ويزيد فى مظاهر المجتمع الشرقى لانه مقدرش يندمج لان الاندماج صعب ومكلف عشان كده فضل العزله وخلى شرقيته وطن بديل وبدل ما يعترف انه فشل فى الاندماج وده مش عيب لا يقولك دول كفره و القابض على دينه كالقابض على الجمر وسبب تقدم الغرب هو تطبيقه لتعاليم الدين فى جوهرها وعشان كده تلاقيه بيدعم تطبيق الشريعه ! ....والنوع ده خنجر فى ظهر الغرب.
**نوع هوائي كل ما يتعب او تمر بيه مشكله يقعد يشتم فى البلد اللى هو فيها ويقول للناس اوعوا تفتكروا الغرب جنه ولا حلو ولا ديمقراطي , دي كدبه كبيره ... ده فى الغالب مش دارس ولا متعمق وبيقيس الامور على حسب مواقفه الحياتيه الخاصه , يعني خد علاوه قشطه بقى الغرب رائع والحمد لله انه سافر اتخصم من مرتبه او جاتله فاتورة كهرباء عاليه يرجع يكتب بوست بعنوان وهم حقوق الانسان فى الغرب اوعوا تصدقوهم دول عنصريين واوساخ ولاد ستين فى سبعين واوعى حد يسافر وهكذا ..
** ونوع اخير الغربه زادته ارتباط ببلده وهمومها و كل ما يشوف ادارة البلاد والنظام و الحقوق والحريات فى البلد اللى هو فيها وخاصة لو متابع السياسه ودارس وعارف ازاي بتتأسس الدول وتدار فى الغرب وقاري تاريخ غصب عنه بيدايق ويتقهر على حال بلده مهد الحضاره ويقول اشمعنى احنا ومش بيبطل مقارنه رغم ان المقارنه ظالمه ... ويبقى نفسه ان بلده تبقى دوله حقيقيه زي الدوله اللى هو عايش فيها واحسن والناس فيها تعيش بشكل ادمي افضل عشان كده لا بيجامل ولا بيزيف ولكن بيقولهم الحقيقه الصادمه دائما وان كان كلامه مش هيأثر فى الواقع في شئ ولكن على الاقل بينفث عن غضبه و رغباته المحبطه وبيعمل اللى عليه ويحاول و في الغالب النوع ده مكروه وبيعتبروه بيعاديهم او متعالى عليهم والغربه غيرته وممكن كمان يبقى خاين وعميل ! رغم انه العكس تماما ودمه محروق على بلده وعليهم ..
!
انا بقول ده من واااقع الحياه الاجتماعيه البحته وليس بمقصد سياسى